സിനാൻ വധക്കേസ്:​ മൂന്ന്​ പ്രതികളെയും കോടതി വിട്ടയച്ചു

കാസര്‍കോട്: പ്രമാദമായ കാസർകോ​െട്ട സിനാന്‍ വധക്കേസില്‍ മൂന്നുപ്രതികളെയും കോടതി വിട്ടയച്ചു. അണങ്കൂര്‍ ജെ.പി കോളനിയിലെ ജ്യോതിഷ്(28), അടുക്കത്ത്ബയല്‍ കശുവണ്ടി ഫാക്ടറിക്ക്​ സമീപത്തെ കിരണ്‍കുമാര്‍ (28), അടുക്കത്ത്ബയല്‍ കശുവണ്ടി ഫാക്ടറി റോഡിലെ കെ. നിഥിന്‍ കുമാര്‍ (29) എന്നിവരെയാണ് ജില്ല പ്രിൻസിപ്പൽ സെഷൻസ് ജഡ്​ജി​ മനോഹര്‍ കിണി വിട്ടയച്ചത്​. 

ഒമ്പത്​ വർഷം മുമ്പുണ്ടായ സംഭവം സംശയാതീതമായി തെളിയിക്കാൻ പ്രോസിക്യൂഷന്​ സാധിച്ചില്ലെന്നും മതിയായ തെളിവുകളില്ലെന്നും ചൂണ്ടിക്കാട്ടിയാണ്​  പ്രതികളെ വിട്ടയച്ചതായി ഉത്തരവ്​ പുറപ്പെടുവിച്ചത്​.  കോടതിയിലും പരിസരത്തുമായി വിന്യസിച്ച വൻ പൊലീസ്​ സന്നാഹത്തി​​​െൻറ പശ്ചാത്തലത്തിലായിരുന്നു വിധി പ്രസ്​താവം. വിധിപറയുന്നത്​ നേരത്തെ മൂന്നുതവണ മാറ്റിവെച്ചിരുന്നു. 

2008 ഏപ്രില്‍ 16നാണ് നെല്ലിക്കുന്ന് ബങ്കരക്കുന്ന് ശബ്​നം മന്‍സിലിലെ മാമുവി​​​െൻറ മകൻ മുഹമ്മദ് സിനാൻ(21) കൊല്ലപ്പെട്ടത്​.  ആനബാഗിലു അശ്വനി നഗറി​ൽ ദേശീയ പാതക്ക്​ കുറുകെയുള്ള അടിപ്പാതയിലൂടെ ബൈക്കിൽ സഞ്ചരിക്കു​േമ്പാൾ തടഞ്ഞുനിർത്തി കൊലപ്പെടുത്തിയെന്നാണ്​ കേസ്​. 48 സാക്ഷികളാണുള്ളത്​. ഇതിൽ 32പേരെ കോടതി വിസ്​തരിച്ചു. പ്രതികള്‍ക്കുവേണ്ടി ബി.ജെ.പി മുന്‍ സംസ്ഥാന പ്രസിഡൻറ്​ അഡ്വ. പി.എസ്. ശ്രീധരന്‍ പിള്ളയും പ്രോസിക്യൂഷനുവേണ്ടി പബ്ലിക്ക്​​ പ്രോസിക്യൂട്ടര്‍ അഡ്വ. സി.എന്‍. ഇബ്രാഹീമും ഹാജരായി.
 

സർക്കാർ അപ്പീൽ നൽകണം -യൂത്ത്​ലീഗ്
സിനാൻ വധക്കേസിലെ പ്രതികളെ കോടതി വെറുതെവിട്ട സാഹചര്യത്തിൽ സർക്കാർ മേൽകോടതിയിൽ അപ്പീൽ സമർപ്പിക്കണമെന്ന് മുസ്​ലിം യൂത്ത്​ലീഗ് ജില്ല പ്രസിഡൻറ്​ അഷ്റഫ് എടനീരും ജനറൽ സെക്രട്ടറി ടി.ഡി. കബീറും ആവശ്യപ്പെട്ടു.2008 ഏപ്രിൽ 16ന് കാസർകോട് ആനബാഗിലുവിൽ ബൈക്ക് തടഞ്ഞുവെച്ചാണ് സംഘ്പരിവാർ ക്രിമിനൽസംഘം നെല്ലിക്കുന്ന് ബങ്കരക്കുന്നിലെ സിനാനെ വെട്ടിക്കൊലപ്പെടുത്തിയത്.

ചെറിയ സംഘർഷംപോലും സാമുദായിക കലാപത്തിന് കാരണമാകുന്ന കാസർകോട്ട്​ തുടർച്ചയായി കൊലപാതക കേസുകളിൽ പ്രതികൾ ശിക്ഷിക്കപ്പെടാതെ പോകുന്നത് പൊലീസിലും ഭരണസംവിധാനത്തിലും നീതിന്യായ വ്യവസ്ഥയിലും ജനങ്ങൾക്കുള്ള വിശ്വാസം നഷ്​ടപ്പെടാൻ ഇടയാകും.പൊലീസി​​​െൻറ ഭാഗത്തുനിന്ന് ഉണ്ടാകുന്ന വീഴ്ചകളാലാണ് ഇത്തരം കേസുകളിൽ പ്രതികൾ ശിക്ഷിക്കപ്പെടാതെ പോകുന്നത്. നീതിന്യായവ്യവസ്ഥയുടെ ഏതറ്റംവരെ പോയാണെങ്കിലും സിനാൻ വധക്കേസിലെ പ്രതികൾക്ക് ശിക്ഷ ഉറപ്പാക്കാൻ സർക്കാർ തയാറാവണമെന്നും യൂത്ത്​ലീഗ് നേതാക്കൾ ആവശ്യപ്പെട്ടു.