സി​ദ്ധാ​ർ​ഥ​ന്‍റെ മ​ര​ണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം ഇന്നുണ്ടായേക്കും

തി​രു​വ​ന​ന്ത​പു​രം: സി​ദ്ധാ​ർ​ഥ​ന്‍റെ മ​ര​ണ​ത്തി​ൽ പ്ര​ത്യേ​ക അ​ന്വേ​ഷ​ണ​ത്തി​നു​ള്ള ഗ​വ​ർ​ണ​റു​ടെ തീ​രു​മാ​നം ഇന്ന് ഉ​ണ്ടാ​യേ​ക്കും. വി​ര​മി​ച്ച ഹൈ​കോ​ട​തി ജ​ഡ്ജി​യെ അ​ന്വേ​ഷ​ണ​ത്തി​ന്​ ചു​മ​ത​ല​പ്പെ​ടു​ത്താ​നാ​ണ്​ നീ​ക്കം. പൊ​ലീ​സ്​ ഉ​ദ്യോ​ഗ​സ്ഥ​നെ കൂ​ടി ​അ​ന്വേ​ഷ​ണ​ത്തി​ൽ ഉ​ൾ​​പ്പെ​ടു​ത്തും. മ​ര​ണ​ത്തി​ൽ സി.​ബി.​ഐ അ​ന്വേ​ഷ​ണം പ്ര​ഖ്യാ​പി​​ച്ചെ​ങ്കി​ലും ജു​ഡീ​ഷ്യ​ൽ അ​ന്വേ​ഷ​ണം അ​നി​വാ​ര്യ​മാ​ണെ​ന്ന നി​ല​പാ​ടി​ലാ​ണ്​ ഗ​വ​ർ​ണ​ർ.

ഇതിനിടെ, സി​ദ്ധാ​ർ​ഥ​ന്‍റെ മ​ര​ണം സം​ബ​ന്ധി​ച്ച രേ​ഖ​ക​ൾ കേ​ര​ള പൊ​ലീ​സ് സി.​ബി.​ഐ​ക്ക്​ കൈ​മാ​റി. സ്പെ​ഷ​ൽ സെ​ൽ ഡി​വൈ.​എ​സ്.​പി ശ്രീ​കാ​ന്ത് ഡ​ൽ​ഹി​യി​ൽ നേ​രി​ട്ടെ​ത്തി​യാ​ണ് പേ​ഴ്സ​ന​ൽ മ​ന്ത്രാ​ല​യ​ത്തി​ന് എ​ഫ്.​ഐ.​ആ​റി​ന്‍റെ ഇം​ഗ്ലീ​ഷ് വി​വ​ർ​ത്ത​ന​വും കേ​സി​ന്‍റെ നാ​ൾ​വ​ഴി​ക​ളും പൊ​ലീ​സി​ന്‍റെ ക​ണ്ടെ​ത്ത​ലു​ക​ളു​മ​ട​ങ്ങി​യ രേ​ഖ​ക​ൾ കൈ​മാ​റി​യ​ത്.

സം​സ്ഥാ​ന സ​ർ​ക്കാ​ർ അ​ന്വേ​ഷ​ണം സി.​ബി.​ഐ​ക്ക്​ കൈ​മാ​റി​യെ​ങ്കി​ലും രേ​ഖ​ക​ൾ ന​ൽ​കാ​ൻ വൈ​കി​യ​ത്​ വി​വാ​ദ​മാ​യി​രു​ന്നു. സി​ദ്ധാ​ർ​ഥ​ന്‍റെ പി​താ​വ് ജ​യ​പ്ര​കാ​ശ് സ​ർ​ക്കാ​റി​നെ​തി​രെ രം​ഗ​ത്തെ​ത്തി​യ​തി​നു പി​ന്നാ​ലെ​യാ​ണ് ക​ഴി​ഞ്ഞ​ദി​വ​സം സി.​ബി.​ഐ​ക്ക് നേ​രി​ട്ട് രേ​ഖ​ക​ൾ കൈ​മാ​റു​ന്ന​തി​ന്​ ഉ​ദ്യോ​ഗ​സ്ഥ​നെ അ​യ​ക്കാ​ൻ സം​സ്ഥാ​ന സ​ർ​ക്കാ​ർ തീ​രു​മാ​നി​ച്ച​ത്. രേ​ഖ​ക​ൾ അ​യ​ക്കാ​ൻ വൈ​കി​യ​തി​ന് ആ​ഭ്യ​ന്ത​ര വ​കു​പ്പി​ലെ മൂ​ന്ന് ഉ​ദ്യോ​ഗ​സ്ഥ​രെ സ​സ്പെ​ൻ​ഡ് ചെ​യ്തി​രു​ന്നു.

സി​ദ്ധാ​ർ​ഥ​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണം സി.​ബി.​ഐ​ക്ക് വി​ട്ട്​ മാ​ർ​ച്ച്​ ഒ​മ്പ​തി​നാ​ണ് സ​ർ​ക്കാ​ർ വി​ജ്ഞാ​പ​ന​മി​റ​ക്കി​യ​ത്. ഇ​തു​സം​ബ​ന്ധി​ച്ച വി​ജ്ഞാ​പ​ന​ത്തി​ന്‍റെ പ​ക​ർ​പ്പ് കൊ​ച്ചി​യി​ലെ സി.​ബി.​ഐ മേ​ഖ​ല ഓ​ഫി​സി​ലേ​ക്ക് അ​യ​ച്ച​ത് മാ​ർ​ച്ച് 16നാ​ണ്. കേ​സി​ന്‍റെ മ​റ്റു വി​ശ​ദാം​ശ​ങ്ങ​ള്‍ അ​ട​ങ്ങി​യ റി​പ്പോ​ര്‍ട്ട് ന​ല്‍കി​യി​രു​ന്നി​ല്ല. സി.​ബി.​ഐ​ക്ക്​ കേ​സ് വി​ടു​മ്പോ​ൾ അ​നു​ബ​ന്ധ രേ​ഖ​ക​ൾ കൊ​ച്ചി ഓ​ഫി​സ് വ​ഴി സി.​ബി.​ഐ ആ​സ്ഥാ​ന​ത്തേ​ക്ക് അ​യ​ക്കാ​റു​ണ്ട്.

അ​നു​ബ​ന്ധ രേ​ഖ​ക​ൾ ല​ഭി​ക്കാ​താ​യ​തോ​ടെ, എ​ഫ്.​ഐ.​ആ​റി​ന്‍റെ വി​വ​ർ​ത്ത​നം ചെ​യ്ത പ​ക​ർ​പ്പും മ​റ്റു രേ​ഖ​ക​ളു​മാ​വ​ശ്യ​പ്പെ​ട്ട് കൊ​ച്ചി​യി​ലെ സി.​ബി.​ഐ ബ്രാ​ഞ്ച് മേ​ധാ​വി സം​സ്ഥാ​ന പൊ​ലീ​സ് മേ​ധാ​വി​ക്ക് മാ​ർ​ച്ച് 20ന് ​ക​ത്ത് ന​ൽ​കി. ഉ​ദ്യോ​ഗ​സ്ഥ​ത​ല​ത്തി​ൽ വീ​ഴ്ച ക​ണ്ടെ​ത്തി​യ​തോ​ടെ ആ​വ​ശ്യ​മാ​യ രേ​ഖ​ക​ൾ ഉ​ട​ൻ നേ​രി​ട്ട് കൈ​മാ​റ​ണ​മെ​ന്ന് മു​ഖ്യ​മ​ന്ത്രി സം​സ്ഥാ​ന പൊ​ലീ​സ് മേ​ധാ​വി​യോ​ട് നി​ർ​ദേ​ശി​ച്ചു. സി.​ബി.​ഐ ഡ​യ​റ​ക്ട​റാ​ണ് അ​ന്വേ​ഷ​ണ വി​ഷ​യ​ത്തി​ൽ തീ​രു​മാ​ന​മെ​ടു​ക്കേ​ണ്ട​ത്.