ചാരക്കേസ് ഗൂഢാലോചനയിൽ സിബി മാത്യൂസിന് മുൻകൂർ ജാമ്യം

തി​രു​വ​ന​ന്ത​പു​രം: ഐ.​എ​സ്.​ആ​ർ.​ഒ ചാ​ര​ക്കേ​സു​മാ​യി ബ​ന്ധ​പ്പെ​ട്ട ഗൂ​ഢാ​ലോ​ച​ന​ക്കേ​സി​ല്‍ നാ​ലാം പ്ര​തി​യും അ​ന്വേ​ഷ​ണ ഉ​ദ്യോ​ഗ​സ്ഥ​നു​മാ​യി​രു​ന്ന സി​ബി മാ​ത്യൂ​സി​നെ അ​ടു​ത്ത വ്യാ​ഴാ​ഴ്ച​വ​രെ അ​റ​സ്​​റ്റ്​ ചെ​യ്യ​രു​തെ​ന്ന് തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യു​ടെ ഇ​ട​ക്കാ​ല ഉ​ത്ത​ര​വ്. കേ​സി​ൽ താ​ൻ നി​ര​പ​രാ​ധി​യാ​ണെ​ന്ന് കാ​ട്ടി സി​ബി മാ​ത്യു മു​ൻ‌​കൂ​ർ ജാ​മ്യാ​പേ​ക്ഷ കോ​ട​തി​യി​ൽ ഫ​യ​ൽ ചെ​യ്‌​തെ​ങ്കി​ലും ഈ ​ആ​വ​ശ്യം ഇ​പ്പോ​ൾ പ​രി​ഗ​ണി​ക്ക​രു​തെ​ന്ന് സി.​ബി.​ഐ വാ​ദി​ച്ചു.

ഇ​തി​നെ തു​ട​ർ​ന്നാ​ണ് സി​ബി മാ​ത്യൂ​സിെൻറ അ​ഭി​ഭാ​ഷ​ക​ൻ അ​പേ​ക്ഷ പ​രി​ഗ​ണി​ക്കു​ന്ന അ​ടു​ത്ത വ്യാ​ഴാ​ഴ്​​ച​വ​രെ അ​റ​സ്​​റ്റ്​ ചെ​യ്യ​രു​തെ​ന്ന ആ​വ​ശ്യം കോ​ട​തി​യി​ൽ ഉ​ന്ന​യി​ച്ച​ത്. വ്യാ​ഴാ​ഴ്ച​ക്കു​ള്ളി​ൽ അ​റ​സ്​​റ്റ്​ ചെ​യ്യു​ക​യാ​ണെ​ങ്കി​ൽ ഒ​രു​ല​ക്ഷം​രൂ​പ​യു​ടെ ജാ​മ്യ​ത്തി​ൽ വി​ട​ണ​മെ​ന്നും ഇ​ട​ക്കാ​ല ഉ​ത്ത​ര​വി​ൽ പ​റ​യു​ന്നു. മു​ൻ‌​കൂ​ർ ജാ​മ്യാ​പേ​ക്ഷ കോ​ട​തി വ്യാ​ഴാ​ഴ്ച വീ​ണ്ടും പ​രി​ഗ​ണി​ക്കും.

ജയപ്രകാശി​​െൻറ അറസ്​റ്റ്​ വിലക്കി

ഐ.​എ​സ്.​ആ​ർ.​ഒ ചാ​ര​ക്കേ​സു​മാ​യി ബ​ന്ധ​പ്പെ​ട്ട ഗൂ​ഢാ​ലോ​ച​ന​യി​ൽ പ്ര​തി​യാ​യ മു​ൻ ഡെ​പ്യൂ​ട്ടി സെ​ൻ​ട്ര​ൽ ഇ​ൻ​റ​ലി​ജ​ൻ​സ് ഒാ​ഫി​സ​ർ പി.​എ​സ്. ജ​യ​പ്ര​കാ​ശി​​നെ അ​റ​സ്​​റ്റ്​ ചെ​യ്യ​രു​തെ​ന്ന ഇ​ട​ക്കാ​ല ഉ​ത്ത​ര​വ്​​ ജൂ​ലൈ ഒ​ന്നു​വ​െ​​ര ഹൈ​കോ​ട​തി നീ​ട്ടി.

ജ​യ​പ്ര​കാ​ശ്​ ന​ൽ​കി​യ ജാ​മ്യ​ഹ​ര​ജി​യി​ൽ അ​ഡീ. സോ​ളി​സി​റ്റ​ർ ജ​ന​റ​ൽ സി.​ബി.​ഐ​ക്ക്​ വേ​ണ്ടി ഹാ​ജ​രാ​കു​മെ​ന്നും ഇ​തി​നാ​യി സ​മ​യം വേ​ണ​മെ​ന്നും കേ​ന്ദ്ര സ​ർ​ക്കാ​ർ ആ​വ​ശ്യ​പ്പെ​ട്ട​തി​നെ തു​ട​ർ​ന്ന്​ ജൂ​ലൈ ഒ​ന്നി​ലേ​ക്ക്​ കേ​സ്​ മാ​റ്റി​യ​തി​നെ തു​ട​ർ​ന്നാ​ണ്​ അ​തു​വ​രെ അ​റ​സ്​​റ്റും ത​ട​ഞ്ഞ്​ ജ​സ്​​റ്റി​സ് കെ. ​ഹ​രി​പാ​ൽ ഉ​ത്ത​ര​വി​ട്ട​ത്. അ​തേ​സ​മ​യം, ഹ​ര​ജി​യി​ൽ ക​ക്ഷി​ചേ​രാ​ൻ ചാ​ര​ക്കേ​സി​ൽ ഇ​ര​യാ​ക്ക​പ്പെ​ട്ട ഐ.​എ​സ്.​ആ​ർ.​ഒ മു​ൻ ശാ​സ്ത്ര​ജ്ഞ​ൻ ന​മ്പി നാ​രാ​യ​ണ​ൻ അ​പേ​ക്ഷ ന​ൽ​കി.