കളിക്കുന്നതിനിടെ കുളിമുറിയിലെ വാട്ടർടാങ്കിൽ വീണു; സഹോദരങ്ങൾക്ക് ദാരുണാന്ത്യം

പാലക്കാട്: കുളിമുറിയിലെ വെള്ളം നിറച്ച ബക്കറ്റിൽ വീണ് സഹോദരങ്ങൾ മരിച്ചു. പാലക്കാട് കൊഴിഞ്ഞാമ്പാറയിൽ വാടകക്ക് താമസിക്കുന്ന വടകര സ്വദേശികളുടെ മക്കളാണ് മരണപ്പെട്ടത്. രാവിലെ പത്തരയോടെയാണ് സംഭവം നടന്നത്.

ജോൺ കുമാർ- നിവേദ്യ ദമ്പതികളുടെ മക്കളായ ജെനിഫർ ജൂലിയറ്റ്(5), റോബിൻ ക്രിസ്റ്റഫർ(3) എന്നിവരാണ് മരിച്ചത്. ഇരുവരും കളിച്ചുകൊണ്ടിരിക്കെ കുളിമുറിയിലെ ബക്കറ്റിൽ വീഴുകയായിരുന്നു. കുട്ടികളെ ബക്കറ്റിലെ വെള്ളത്തിൽ വീണു കിടക്കുന്നത് കണ്ടപ്പോൾ തന്നെ നാട്ടുകാർ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹങ്ങൾ പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റും.