സർക്കാർ വാദങ്ങളിലേറെയും ശരിവെച്ച്​ ഡിവിഷൻ ബെഞ്ച്​

കൊച്ചി: ഷുഹൈബ്​ വധക്കേസ്​ സി.ബി.ഐക്ക്​ വിടാനുള്ള സിംഗിൾ ബെഞ്ച്​ ഉത്തരവിനെതിരായ അപ്പീലിലെ സർക്കാർ വാദങ്ങളിലേറെയും ശരിവെക്കുന്നതാണ്​ ഡിവിഷൻ ബെഞ്ചി​​െൻറ വിധി.​ അതേസമയം, ഹരജിക്കാരുടെ വാദങ്ങളിലേറെയും അംഗീകരിച്ചുള്ളതായിരുന്നു സിംഗിൾ ബെഞ്ച്​ ഉത്തരവ്​.ആക്രമണം നടന്നയുടൻ പ്രതികളിൽനിന്ന് ആയുധങ്ങൾ കണ്ടെടുക്കാത്തതും ഗൂഢാലോചന, യു.എ.പി.എ കുറ്റങ്ങൾ ചുമത്താത്തതും കേസ്​ അട്ടിമറിക്കാനാണെന്ന ഹരജിക്കാരുടെ വാദമാണ്​ സിംഗിൾ ബെഞ്ച്​ മുഖവിലക്കെടുത്തത്​. എന്നാൽ, വേഗത്തിലും ശാസ്ത്രീയവുമായി അന്വേഷണം പുരോഗമിച്ച വിവരങ്ങൾ കണക്കിലെടുക്കാതെയാണ്​ സിംഗിൾ ബെഞ്ച് ഉത്തരവെന്നായിരുന്നു അപ്പീലിൽ സർക്കാർ വാദം.

അസാധാരണ സാഹചര്യങ്ങളിൽ മാത്ര​െമ സി.ബി.ഐ അന്വേഷണത്തിന്​ വിടാവൂവെന്ന സുപ്രീംകോടതി വിധി സിംഗിൾ ബെഞ്ച്​ പാലിച്ചില്ലെന്ന സർക്കാർ വാദം ഡിവിഷൻ ബെഞ്ച്​ അംഗീകരിച്ചു. സിംഗിൾ ബെഞ്ച്​ തീർച്ചയായും ചെ​േ​യ്യണ്ടിയിരുന്ന ചില നടപടിക്രമങ്ങൾ പാലിക്കാതിരുന്നതാണ്​​ സി.ബി.ഐ അന്വേഷണം വേണമെന്ന ഉത്തരവിനെ ദുർബലപ്പെടുത്തിയത്​. കേസി​​െൻറ വസ്തുതകളിൽനിന്നും സാഹചര്യങ്ങളിൽനിന്നും ഇത്തരമൊരു തിരക്കിട്ട നിർദേശം ആവശ്യമുണ്ടായിരുന്നതായി വ്യക്തമാകുന്നില്ല. കേസ് ഡയറിയും മറ്റുവിവരങ്ങളും പരിശോധിച്ച് പൊലീസിനോട്​ തുടരന്വേഷണം നടത്താനോ മറ്റുകുറ്റങ്ങൾ ചുമത്താനോ കോടതിക്ക്​ നിർദേശിക്കാനാവുമായിരു​െന്നന്നും കോടതി വ്യക്തമാക്കി.

കണ്ണൂർ പൊലീസ് മേധാവി അന്വേഷണം ദിവസംതോറും നിരീക്ഷിച്ചിരുന്നു. ആദ്യഘട്ടത്തിൽ കേസി​​െൻറ സ്വഭാവവും രൂപവും വ്യക്തമാക്കുന്ന മിക്ക രേഖകളും ലഭ്യമായിരുന്നില്ല. ആ നിലക്ക്​ സി.ബി.ഐ അന്വേഷണത്തിന് വിട്ട നടപടി അപക്വ ഇടപെടലാണെന്ന് ഡിവിഷൻ ബെഞ്ച്​ വിലയിരുത്തി. പൊലീസ്​ അന്വേഷണത്തിൽ വിശ്വാസം നഷ്​ടപ്പെട്ട സാഹചര്യത്തിലാണ്​ തുടര​ന്വേഷണം ആവശ്യപ്പെട്ട് മജിസ്ട്രേറ്റ്​ കോടതിയെയോ മറ്റുകോടതികളെയോ സമീപിക്കാതിരു​ന്നതെന്ന ഹരജിക്കാരുടെ വാദവും കോടതി തള്ളി. ​െകാലപാതകം​ പ്രദേശവാസികളിൽ ഭീതിയുണ്ടാക്കിയെന്നതുകൊണ്ട് ഇതിനെ തീവ്രവാദക്കേസായി മാറ്റാനാവില്ലെന്ന നിലപാടും കോടതി വ്യക്തമാക്കി.

കുറ്റകൃത്യങ്ങളിലെ സൂത്രധാരന്മാരെ ഉചിതമായി ശിക്ഷിക്കണം -ഹൈകോടതി
കൊച്ചി: രാഷ്​ട്രീയ ​െകാലപാതകങ്ങളിലടക്കം കുറ്റകൃത്യങ്ങളിലെ സൂത്രധാരന്മാരെ പിടികൂടി വിചാരണ നടത്തി ഉചിതമായി ശിക്ഷിച്ചാലേ നീതിന്യായ വ്യവസ്​ഥയിൽ പൗരന്മാർക്ക്​ വിശ്വാസമുണ്ടാകൂവെന്ന്​ ഹൈകോടതി. രാഷ്​ട്രീയ വൈരാഗ്യത്തെത്തുടർന്നുള്ള കുറ്റകൃത്യങ്ങൾ സംസ്​ഥാനത്ത് പെരുകുകയാണ്​. ഇത്തരം കുറ്റകൃത്യങ്ങളുടെ സൂത്രധാരന്മാർ ഇതിനായി അങ്ങേയറ്റത്തെ ക്രൂരത ഉപയോഗിക്കുന്നതിൽ കോടതിക്ക് നടുക്കമുണ്ട്. ഒരു യുവാവി​​െൻറ ദാരുണാന്ത്യത്തിന് കാരണമായ സംഭവങ്ങൾ കോടതിയെ അലോസരപ്പെടുത്തുന്നതായും ഷുഹൈബ്​ വധം പരാമർശിച്ച്​​ ​ചീഫ്​ ജസ്​റ്റിസ്​ അടങ്ങുന്ന ഡിവിഷൻബെഞ്ച്​ ചൂണ്ടിക്കാട്ടി.

ഭരണഘടനയുടെ അനുഛേദം 21 പ്രതികളുടെ അവകാശങ്ങൾ മാത്രമല്ല ഇരയുടെ അവകാശങ്ങളും സംരക്ഷിക്കാനുള്ളതാണ്. കുറ്റകൃത്യങ്ങളിൽ പ്രതികൾക്കെതിരെ നീതിയുക്​തവും പക്ഷപാതരഹിതവുമായ അന്വേഷണം നടത്താനുള്ള മനുഷ്യാവകാശം ഉറപ്പാക്കാൻ സർക്കാറിന് കടമയുണ്ട്. അന്വേഷണം നീതിയുക്തമല്ലെന്നോ പക്ഷപാതപരമെന്നോ കണ്ടാൽ ക്രിമിനൽ കോടതികളെ സമീപിച്ചോ ഉചിതമായ നിർദേശം നൽകിയോ അന്വേഷണം മറ്റേതെങ്കിലും ഏജൻസിക്ക്​ കൈമാറി തെറ്റു തിരുത്തണം.

അല്ലെങ്കിൽ നീതി നിർവഹണ സംവിധാനം അപഹാസ്യമാകുമെന്നും കോടതി വ്യക്​തമാക്കി. ഷുഹൈബ്​ വധക്കേസ്​ സി.ബി.ഐ അന്വേഷണത്തിന്​ വിട്ട സിംഗി​ൾബെഞ്ചി​​െൻറ നടപടിയിലെ സാധുത മാത്രമാണ്​ ഡിവിഷൻബെഞ്ച്​ പരിശോധിച്ചതെന്നും അന്വേഷണം, വിചാരണ എന്നിവയുമായി ബന്ധപ്പെട്ട കാര്യങ്ങളിൽ നിയമപരമായ പരിഹാരം തേടുന്നതിനുള്ള ഹരജിക്കാരുടെ അവകാശത്തിന് ഇൗ വിധിന്യായം തടസ്സമല്ലെന്നും സി.ബി.ഐ അന്വേഷണ ഉത്തരവ്​ റദ്ദാക്കിയുള്ള ഡിവിഷൻബെഞ്ച്​ ഉത്തരവിൽ പറയുന്നു.