ഷുഹൈബ്​ വധം: രണ്ട്​ സി.പി.എമ്മുകാർ കൂടി അറസ്​റ്റിൽ 

മട്ടന്നൂര്‍:  യൂത്ത് കോണ്‍ഗ്രസ് നേതാവ്​  മട്ടന്നൂർ എടയന്നൂരിലെ ഷുഹൈബിനെ വെട്ടിക്കൊലപ്പെടുത്തിയ കേസില്‍ സി.പി.എം പ്രവർത്തകരായ രണ്ടുപേർ കൂടി പിടിയിൽ. തെരൂര്‍ പാലയോട് സ്വദേശികളായ കെ. സഞ്ജയ് (24), കെ. രജത്​ (22) എന്നിവരാണ്​ അറസ്​റ്റിലായത്​. ഇതോടെ കേസിൽ അറസ്​റ്റിലായ സി.പി.എമ്മുകാരുടെ എണ്ണം ഏഴായി. ഷുഹൈബിനെ വകവരുത്തിയ അക്രമികള്‍ ഉപയോഗിച്ച ആയുധം ഒളിപ്പിച്ചതാണ്​ സഞ്​ജയി​​​​​​െൻറ പങ്കാളിത്തം. 

സ​ഞ്​ജയി​‍​​​​​െൻറ അറസ്​റ്റ്​ രേഖപ്പെടുത്തി വ്യാഴാഴ്​ച രാത്രി മട്ടന്നൂർ മജിസ്​ട്രേറ്റ്​ കോടതി മുമ്പാകെ ഹാജരാക്കി റിമാൻഡ്​ചെയ്​തു. രജതിനെ ചോദ്യംചെയ്​തുവരുകയാണെന്നും ​ഇന്ന്​ കോടതിയിൽ ഹാജരാക്കുമെന്നും പൊലീസ്​ പറഞ്ഞു.  ഇരിട്ടി ഡിവൈ.എസ്.പി പ്രജീഷ് തോട്ടത്തിൽ, മട്ടന്നൂര്‍ സി.ഐ എ.വി. ജോണ്‍  എന്നിവരുടെ നേതൃത്വത്തിലുള്ള സംഘമാണ്​ രണ്ടുപേരെയും പിടികൂടിയത്​. ഷുഹൈബ് തട്ടുകടയിലുണ്ടെന്ന വിവരം അക്രമിസംഘത്തിന്​ ​ൈകമാറിയത്​ രജത്​ ആണെന്നാണ്​ അന്വേഷണ സംഘത്തിന്​ ലഭിച്ച വിവരം. 

ഷുഹൈബ്​ വധത്തിൽ​ നേരിട്ട്​ പ​െങ്കടുത്ത ഒരാളെ ഇനിയും പിടികിട്ടാനുണ്ട്​. ഇയാളെക്കുറിച്ചുള്ള വ്യക്തമായ വിവരം ലഭിച്ചിട്ടുണ്ടെന്നും ഉൗർജിത  അന്വേഷണം തുടരുകയാണെന്നും പൊലീസ്​ പറഞ്ഞു. ഷുഹൈബിനെ ആ​ക്രമിക്കുന്നതിനിടെ ഇയാൾക്കും ബോംബി​​​​​​െൻറ ​ചീളുകൾകൊണ്ട്​  പരിക്കേറ്റതായാണ്​ അന്വേഷണവിവരം. അതിനിടയില്‍ മുഴക്കുന്ന് സ്വദേശിയായ​ ഇയാൾ കോടതിയില്‍ കീഴടങ്ങാനുള്ള നീക്കം  നടത്തുന്നതായും  സൂചനകളുണ്ട്​.      

ഡി.വൈ.എഫ്.ഐ, എസ്.എഫ്.ഐ പ്രവര്‍ത്തകരായ തില്ലങ്കേരി ആലയാട്ടെ പുതിയപുരയില്‍ അന്‍വര്‍ സാദത്ത്, മീത്തലെ പാലയോട്ടെ മൂട്ടില്‍  വീട്ടില്‍ കെ. അഖിൽ, തെരൂര്‍ പാലയോട്ടെ തൈയുള്ള പുതിയപുരയില്‍ ടി.കെ. അഷ്‌കര്‍, തില്ലങ്കേരിയിലെ ആകാശ്, റിജിന്‍രാജ്, മുഴക്കുന്നിലെ ജിതിന്‍  എന്നിവരാണ്​ നേരത്തേ അറസ്​റ്റിലായവർ. കൊല നടത്തിയ സംഘത്തിലെ നാലുപേരും ഗൂഢാലോചന നടത്തിയതും അക്രമികള്‍ക്ക് സഹായം  നല്‍കിയതുമായ   മൂന്നുപേരുമാണ് ഇതുവരെ  പിടിയിലായത്​.   പ്രതികള്‍ സഞ്ചരിച്ച വാഗണർ, ആള്‍ട്ടോ കാറുകള്‍ കസ്​റ്റഡിയിലെടുത്തിട്ടുണ്ട്​.

വാളുകൾ പിടികൂടിയതി​​​​​െൻറ വിശ്വാസ്യത ചോദ്യംചെയ്​ത്​ കോൺഗ്രസ്​ 
ഷുഹൈബ്​ വധക്കേസിൽ വാൾ പിടികൂടിയതി​​​​​െൻറ വിശ്വാസ്യത ചോദ്യംചെയ്​ത്​ കോൺഗ്രസ്​ രംഗത്ത്​്​. കൊലയാളികൾ ഉപയോഗിച്ച ആയുധം  കണ്ടെത്താനാകാത്തതി​​​​​െൻറ പേരിൽ ഹൈകോടതിയിൽ രൂക്ഷവിമർശം നേരിട്ടതി​​​​​െൻറ തൊട്ടടുത്ത ദിവസമാണ്​ പൊലീസ്​ ചോരപുരണ്ട മൂന്നു വാളുകൾ കണ്ടെത്തിയത്​. കോടതിവിമർശനത്തിന്​ തൊട്ടുപിന്നാലെ ആയുധങ്ങൾ കണ്ടെടുത്തതിന്​ പിന്നിൽ കളിയുണ്ട്​. സി.ബി.​െഎ  അന്വേഷണത്തിന്​ അനുകൂലമായ ഉത്തരവ്​ ഹൈകോടതിയിൽനിന്ന്​ ഉണ്ടാകാതിരിക്കാൻവേണ്ടിയാണിതെന്ന്​ സംശയിക്കുന്നതായും  കോൺഗ്രസ്​  നേതാവ്​ കെ. സുധാകരൻ ആരോപിച്ചു.

സംശയമുയർന്ന സാഹചര്യത്തിൽ വാളു​കൾ ഷുഹൈബ്​ കേസി​​​​​െൻറ തൊണ്ടിമുതലായി പൊലീസ്​ ചേർത്തിട്ടില്ല. വാൾ കണ്ടെടുത്തത്​ പ്രത്യേകമായ കേസായാണ്​ ഇ​േപ്പാൾ രജിസ്​റ്റർചെയ്​തിട്ടുള്ളത്​. ​പിടികൂടിയ മൂന്നു വാളുകളിലും ചോരപ്പാടുകളുണ്ട്​. ഇവ ഫോറൻസിക്​ പരിശോധനക്കായി അയച്ചിട്ടുണ്ട്​.  ഷുഹൈബ്​ വധം സി.ബി.​െഎക്ക്​ വിടണമെന്ന്​ ആവശ്യപ്പെട്ട്​ കുടുംബം നൽകിയ ഹരജി ​ചൊവ്വാഴ്​ച വീണ്ടും ഹൈകോടതി  പരിഗണിക്കുന്നുണ്ട്​. ആയുധം പിടികൂടിയത്​ കേസന്വേഷണത്തി​​​​​െൻറ പുരോഗതിയായി പറയാൻ വേണ്ടിയുള്ള കളിയാണ്​ നടന്നതെന്ന്​ സുധാകരൻ  പറഞ്ഞു.  അതിന്​ പൊലീസി​െന സി.പി.എം സഹായിച്ചിരിക്കാം. 
​
ഷുഹൈബിന്​ വെ​േട്ടറ്റ എടയന്നൂരിനടുത്ത വെള്ളപ്പറമ്പിൽ കപ്പണയിൽ ഉപേക്ഷിക്കപ്പെട്ടനിലയിലാണ്​ വാളുകൾ കണ്ടെത്തിയത്​. നേരത്തേ തിരച്ചിൽ നടന്ന സ്​ഥലമാണിത്​. അന്ന്​ കിട്ടാത്ത വാൾ ഇപ്പോൾ​ കൊണ്ടുവന്നിട്ടതാകാം. മാത്രമല്ല, ഷുഹൈബി​​​​​െൻറ ശരീരത്തിലെ മുറിവുവെച്ച്​  വിശകലനംചെയ്യു​േമ്പാൾ ഇപ്പോൾ പിടികൂടിയ  വാൾകൊണ്ടുള്ള വെട്ടല്ലെന്നാണ്​ ബന്ധപ്പെട്ടവർ നൽകുന്ന വിവരം. മഴുപോ​ലുള്ള ആയുധംകൊണ്ടുള്ള മുറിവുകളാണ്​ ഷുഹൈബി​​​​​െൻറ കാലുകളിലുണ്ടായിരുന്നത്​. തെറ്റായ ആയുധം കണ്ടെടുത്ത്​ ചാർജ്​ഷീറ്റ്​ ഫയൽചെയ്​താൽ പ്രതികൾക്ക്​  രക്ഷപ്പെടാനുള്ള അവസരമാണ്​ ഒരുങ്ങുകയെന്നും സുധാകരൻ ചൂണ്ടിക്കാട്ടി.