നവവധുവിന്‍റെ മരണം: സി.​ഐക്കും എസ്.ഐക്കും സസ്പെൻഷൻ

അന്തിക്കാട്: വിവാഹംകഴിഞ്ഞ് 15ാം ദിവസം യുവതി ഭർതൃഗൃഹത്തിൽ ദുരൂഹസാഹചര്യത്തിൽ മരിച്ച കേസ് അന്വേഷണത്തിൽ അനാസ്ഥ കാണിച്ച പൊലീസ്​ ഉ​േദ്യാഗസ്ഥർക്ക്​ സസ്പെൻഷൻ. അന്തിക്കാട് സി.ഐ പി.കെ. മനോജ്, എസ്.ഐ കെ.ജെ. ജിനേഷ് എന്നിവരെയാണ്​ മധ്യമേഖല ഐ.ജി സസ്പെൻഡ്​​ ചെയ്തത്​. മുല്ലശ്ശേരി ആനേടത്ത്​ സുബ്രഹ്മണ്യ​​െൻറ മകൾ ശ്രുതി ജനുവരി ആറിനാണ് പെരിങ്ങോട്ടുകരയിലെ ഭർതൃവീട്ടിൽ മരിച്ചത്. കുഴഞ്ഞുവീണ് മരിച്ചെന്നാണ് ഭർതൃവീട്ടുകാർ അറിയിച്ചത്.

എന്നാൽ, മൃതദേഹത്തിൽ കഴുത്തിൽ മുറിവുണ്ടായിരുന്നു. ബലപ്രയോഗത്തിലൂടെ മരിച്ചെന്നാണ് പോസ്​റ്റ്​മോർട്ടം റിപ്പോർട്ടിൽ പറയുന്നത്. മരിച്ച് അഞ്ചരമാസം കഴിഞ്ഞിട്ടും നടപടിയുണ്ടാകാത്തതിനാൽ കേസ് അന്വേഷണത്തിൽ ​അനാസ്ഥയുണ്ടെന്നാണ് ശ്രുതിയുടെ മാതാപിതാക്കളുടേയും ആക്​ഷൻ കൗൺസിൽ ഭാരവാഹികളുടേയും ആരോപണം. പൊലീസ്​ ഉദ്യോഗസ്ഥർക്കെതിരായ നടപടിയിൽ സ​േന്താഷമുണ്ടെന്നും മകൾക്ക്​ നീതി ലഭിക്കുമെന്നാണ്​പ്രതീക്ഷയെന്നും​ ശ്രുതിയുടെ പിതാവ്​ സുബ്രഹ്മണ്യൻ 'മാധ്യമ'ത്തോട്​ പറഞ്ഞു.

സി.ബി.​െഎ അന്വേഷിക്കണമെന്ന്​ ആക്​ഷൻ കൗൺസിൽ

കാഞ്ഞാണി: മുല്ലശ്ശേരി നരിയംപുള്ളി ആനേടക്ക് സുബ്രഹ്മണ്യ​​െൻറ മകൾ ശ്രുതി ഭർതൃഗൃഹത്തിൽ ദുരൂഹസാഹചര്യത്തിൽ മരിച്ച സംഭവം​ സി.ബി.ഐ അന്വേഷിക്കണമെന്ന് ജനകീയ ആക്​ഷൻ കൗൺസിൽ ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു. ബലപ്രയോഗത്തിലൂടെയാണ് മരണം സംഭവിച്ചതെന്നും ശ്രുതിയുടെ കഴുത്തിൽ മുറിവേറ്റ പാട് ഉണ്ടായിരുന്നതായും പോസ്​റ്റ്​മോർട്ടം റിപ്പോർട്ടിൽ ഉള്ളതായി പിതാവ് സുബ്രഹ്മണ്യൻ പറയുന്നു.

പോസ്​റ്റ്​മോർട്ടം റിപ്പോർട്ട് പുറത്തുവന്നിട്ടും അന്വേഷണം തൃപ്തികരമാകാത്തതിനാൽ കലക്ടർക്കും ഉയർന്ന പൊലീസ് ഉ​േദ്യാഗസ്ഥർക്കും പരാതി നൽകിയതി​​െൻറ അടിസ്ഥാനത്തിൽ ക്രൈംബ്രാഞ്ച് അന്വേഷണത്തിന് ഉത്തരവിട്ടിരുന്നു.

എന്നാൽ, അന്വേഷണം എങ്ങുമെത്തിയിട്ടില്ല. അന്വേഷണം നീണ്ടുപോയാൽ തെളിവുകൾ നശിപ്പിക്കപ്പെടും. മരിച്ച്​ അഞ്ചരമാസം കഴിഞ്ഞിട്ടും ഒരു നടപടിയും അന്വേഷണവും പൊലീസി​​െൻറ ഭാഗത്തുനിന്ന് ഉണ്ടായിട്ടില്ല. വിവാഹത്തിന് 40 പവൻ സ്വർണാഭരണമാണ് നൽകിയത്. ഇത് കുറഞ്ഞുപോയെന്നും മറ്റ് പെൺകുട്ടിയാണെങ്കിൽ 150 പവനോളം തനിക്ക് കിട്ടുമായിരുന്നുവെന്നും അരുൺ പറഞ്ഞിരുന്നെന്നും ഇതോടെ മകൾ സങ്കടത്തിലായിരുന്നു എന്നും ശ്രുതിയുടെ പിതാവ് ആരോപിച്ചു. കേസ് തേച്ചുമായ്​ച്ച് കളയാൻ ഒരു റിട്ട. എ.എസ്.ഐ ശ്രമംനടത്തുന്നുണ്ട്. ശ്രുതി മരിച്ച ദിവസം വീട്ടിൽ ബഹളവും തർക്കവും ഉണ്ടായിരുന്നതായി മുൻ പഞ്ചായത്ത് പ്രസിഡൻറ്​ തന്നോട് പറഞ്ഞിരുന്നു. തനിക്കും മകനുമെതിരെയും ഭീഷണിയുണ്ടെന്നും സുബ്രഹ്മണ്യൻ പറഞ്ഞു.

പൊലീസ് അനാസ്ഥയിൽ പ്രതിഷേധിച്ചും​ മരണത്തിലെ ദുരൂഹത പുറത്തുകൊണ്ടുവരണമെന്ന്​ ആവശ്യപ്പെട്ടും വ്യാഴാഴ്ച പെരിങ്ങോട്ടുകരയിൽ ഏഴു മണിക്കൂർ ഉപവാസം നടത്തുമെന്ന് ഭാരവാഹികൾ പറഞ്ഞു. രാവിലെ 10ന് സി.ആർ. നീലകണ്ഠൻ ഉദ്ഘാടനം ചെയ്യുമെന്നും ആക്​ഷൻ കൗൺസിൽ ഭാരവാഹികളായ സി.ജെ. പ്രവീൺ, പി.എസ്. സുബിൻ, എം.വി. അരുൺ, ഷൈജു ആലാട്ട് എന്നിവർ വാർത്തസമ്മേളനത്തിൽ അറിയിച്ചു.