ഫേസ്ബുക്ക് പോസ്​റ്റിട്ട പൊലീസ് ഉദ്യോഗസ്ഥന് കമീഷണറുടെ കാരണം കാണിക്കൽ നോട്ടീസ്

കോഴിക്കോട്: സിനിമയുടെ പോസ്​റ്ററും സംഭാഷണവും ഫേസ്ബുക്കിൽ ഷെയർ ചെയ്ത പൊലീസ് ഉദ്യോഗസ്ഥന് കമീഷണറുടെ കാരണം കാണിക ്കൽ നോട്ടീസ്. കോഴിക്കോട് സിറ്റി കൺട്രോൾ റൂമിലെ സി.പി.ഒ ഉമേഷ് വള്ളിക്കുന്നിനാണ് അഞ്ച് ദിവസത്തിനകം കാരണം ബോധിപ്പ ിക്കണമെന്നാവശ്യപ്പെട്ട്​ കമീഷണർ എ.വി. ജോർജ് മെമ്മോ നൽകിയത്. ഡോ. ബിജു സംവിധാനം ചെയ്ത ‘കാട് പൂക്കുന്ന നേരം’ ചിത്ര ത്തി‍​െൻറ പോസ്​റ്ററും സംവിധായകൻ ഫേസ്ബുക്കിൽ പോസ്​റ്റ്​ ചെയ്ത സംഭാഷണവും നവംബർ രണ്ടിനാണ് ഉമേഷ് ഫേസ്ബുക്കിലൂടെ പങ്കുവെച്ചത്.

മാവോവാദി വിഷയത്തിൽ പൊലീസി‍​െൻറ നിലപാടും യു.എ.പി.എ കേസും സമൂഹ മാധ്യമങ്ങളിൽ ചർച്ച ചെയ്യപ്പെടാൻ സാധ്യതയുണ്ടെന്നും 45‍/15 സർക്കുലറിന് വിരുദ്ധവും അച്ചടക്കലംഘനവുമാണ് ഫേസ്ബുക്ക്​​ പോസ്​റ്റെന്നും പ്രഥമദൃഷ്​ട്യാ ബോധ്യപ്പെട്ടിട്ടുണ്ടെന്നും കമീഷണർ നൽകിയ മെമ്മോയിൽ പറയുന്നു. ശബരിമല യുവതി പ്രവേശനത്തോടനുബന്ധിച്ച് നടന്ന സംഘ്​പരിവാർ ഹർത്താലിൽ സുരക്ഷയൊരുക്കുന്നതിൽ പൊലീസ് മേധാവിക്ക് വീഴ്ച സംഭവിച്ചുവെന്ന് ഫേസ്ബുക്കിൽ പോസ്​റ്റിട്ടതിന് അച്ചടക്ക നടപടി നേരിട്ടയാളാണ് ഉമേഷ് വള്ളിക്കുന്ന്. നവംബർ ഏഴിന് കമീഷണർ എ.വി. ജോർജ് നൽകിയ മെമ്മോയിലും പഴയ അച്ചടക്ക നടപടിയെക്കുറിച്ച് സൂചനയുണ്ട്. ഉമേഷ് കമീഷണർക്ക് മറുപടി നൽകിയിട്ടുണ്ട്.

സംഭവത്തിൽ കമീഷണറുടെ ഭാഗത്തുനിന്നുണ്ടായ നടപടിയിൽ പ്രതിഷേധിച്ച് ‘കാട് പൂക്കുന്ന നേര’ത്തി​െൻറ സംവിധായകൻ ഡോ. ബിജുവും രംഗത്തുവന്നിട്ടുണ്ട്. സമീപകാലത്തുതന്നെ ഭരണകൂടത്തേയും പൊലീസിനെയും വിമർശിക്കുന്ന സിനിമകളും സാഹിത്യവും നിരോധിക്കുന്ന ‘സുന്ദര സുരഭില’ കാലത്തേക്കാണ് നമ്മൾ അതിവേഗം മാർച്ച് ചെയ്തുകൊണ്ടിരിക്കുന്നതെന്ന്​ ബിജു ഫേസ്ബുക്ക് പോസ്​റ്റിലൂടെ വിമർശിച്ചു. വിഷയത്തിൽ കമീഷണറുടെ നടപടിക്കെതിരെ സമൂഹ മാധ്യമങ്ങളിൽ രൂക്ഷ വിമർശനമാണ് ഉയരുന്നത്.