ദേശീയ ദുരന്തമായി പ്രഖ്യാപിക്കണം - വി.എസ്​

തിരുവനന്തപുരം: കേരളത്തില്‍ സംഭവിച്ചുകൊണ്ടിരിക്കുന്ന മഴക്കെടുതിക്ക്​  ദേശീയ ദുരന്തത്തിന്‍റെ വ്യാപ്തിയുണ്ടെന്ന് ഭരണ പരിഷ്​കാര കമ്മീഷൻ ചെയർമാൻ വി.എസ്​ അച്യുതാനന്ദൻ. ​പ്രധാനമന്ത്രി നരേന്ദ്ര മോദി ദുരിതബാധിത പ്രദേശങ്ങള്‍ സന്ദര്‍ശിക്കാന്‍ എത്തുന്നത് നല്ല കാര്യമാണ്. ജനങ്ങൾ അനുഭവിക്കുന്ന ദുരിതത്തി​​​െൻറ ആഴം വ്യക്​തമാകാൻ ഇത്​ സഹായിക്കും. ദേശീയ ദുരന്തമായി പ്രഖ്യാപിക്കാനും ഈ സന്ദര്‍ശനത്തിലൂടെ കഴിയുമെന്നാണ് പ്രതീക്ഷിക്കുന്നത് എന്നും വി.എസ്​ പറഞ്ഞു. 

ദുരിതമനുഭവിക്കുന്നവര്‍ക്ക് സഹായമെത്തിക്കാനും അവരെ ആശ്വസിപ്പിക്കാനും മുന്നിട്ടിറങ്ങിയ എല്ലാവരെയും വിഎസ് അഭിനന്ദിച്ചു. ദുരന്തമുഖത്ത് സങ്കുചിതമായ പരിഗണനകളെല്ലാം മാറ്റിവെച്ച് മാതൃകാപരമായ പ്രവര്‍ത്തനമാണ് നടക്കുന്നതെന്നും വിഎസ് പറഞ്ഞു.