നിയമനം നീളുന്നു; ആരോഗ്യകേന്ദ്രങ്ങളിൽ ഫാർമസിസ്റ്റുകൾ ആവശ്യത്തിനില്ല

കൊ​ച്ചി: സം​സ്ഥാ​ന​ത്തെ പി.​എ​ച്ച്.​സി ഉ​ൾ​പ്പെ​ടെ ആ​രോ​ഗ്യ​കേ​ന്ദ്ര​ങ്ങ​ളി​ൽ ആ​വ​ശ്യ​ത്തി​ന് ഫാ​ർ​മ​സി​സ്റ്റു​ക​ളി​ല്ലാ​ത്ത​ത് മ​രു​ന്നു​വി​ത​ര​ണം താ​ളം തെ​റ്റി​ക്കു​ന്നു. പി.​എ​ച്ച്.​സി​ക​ളി​ൽ ര​ണ്ട് ഫാ​ർ​മ​സി​സ്റ്റു​ക​ൾ വേ​ണ്ടി​ട​ത്ത് ഒ​രാ​ളാ​ണു​ള്ള​ത്. ഇ​തു​മൂ​ലം രോ​ഗി​ക​ളും അ​ധി​ക​ഭാ​രം മൂ​ലം ഫാ​ർ​മ​സി​സ്റ്റു​ക​ളും ദു​രി​തം അ​നു​ഭ​വി​ക്കു​ക​യാ​ണ്. ഒ​രാ​ൾ ഉ​ള്ളി​ട​ത്ത് അ​വ​ധി​യെ​ടു​ത്താ​ൽ യോ​ഗ്യ​ത​യി​ല്ലാ​ത്ത ന​ഴ്സു​മാ​രോ ജൂ​നി​യ​ർ പ​ബ്ലി​ക് ഹെ​ൽ​ത്ത് ന​ഴ്സു​മാ​രോ ഒ​ക്കെ​യാ​ണ് മ​രു​ന്നെ​ടു​ത്തു കൊ​ടു​ക്കു​ന്ന​ത്. ചി​ല​യി​ട​ങ്ങ​ളി​ൽ ഡോ​ക്ട​ർ​മാ​ർ​ത​ന്നെ ഫാ​ർ​മ​സി​സ്റ്റി​ന്‍റെ ജോ​ലി ചെ​യ്ത സാ​ഹ​ച​ര്യ​വു​മു​ണ്ട്.

പി.​എ​സ്.​സി വ​ഴി ഫാ​ർ​മ​സി​സ്റ്റ് നി​യ​മ​നം നീ​ളു​ന്ന​തും വേ​ണ്ട​ത്ര ത​സ്തി​ക സൃ​ഷ്ടി​ക്കാ​ത്ത​തു​മാ​ണ് പ്ര​തി​സ​ന്ധി​ക്ക്​ കാ​ര​ണം. ഇ​ട​തു​സ​ർ​ക്കാ​റി​ന്‍റെ സ്വ​പ്ന പ​ദ്ധ​തി​ക​ളി​ലൊ​ന്നാ​യ ആ​ർ​ദ്ര​ത്തി​ന്‍റെ ഭാ​ഗ​മാ​യി ഒ​ന്നാം​ഘ​ട്ട​ത്തി​ൽ 170 കു​ടും​ബാ​രോ​ഗ്യ​കേ​ന്ദ്രം (എ​ഫ്.​എ​ച്ച്.​സി) ആ​രം​ഭി​ച്ച​പ്പോ​ൾ ഡോ​ക്ട​ർ, ന​ഴ്സ് ത​സ്തി​ക​ക​ൾ മാ​ത്ര​മാ​ണ് സൃ​ഷ്ടി​ച്ച​ത്. നി​ര​വ​ധി ത​വ​ണ ആ​വ​ശ്യ​പ്പെ​ട്ട​പ്പോ​ൾ 150 ഫാ​ർ​മ​സി​സ്റ്റ് ത​സ്തി​ക അ​നു​വ​ദി​ച്ചു. ര​ണ്ടാം ഘ​ട്ട​ത്തി​ൽ 502 എ​ഫ്.​എ​ച്ച്.​സി​ക​ൾ ആ​രം​ഭി​ച്ച​പ്പോ​ൾ 1000 ത​സ്തി​ക അ​നു​വ​ദി​ച്ചെ​ങ്കി​ലും ഒ​രെ​ണ്ണം​പോ​ലും ഫാ​ർ​മ​സി​സ്റ്റു​ക​ൾ​ക്കു​ണ്ടാ​യി​രു​ന്നി​ല്ല.

മ​രു​ന്നു​ക​ളു​ടെ​യും അ​നു​ബ​ന്ധ സാ​മ​ഗ്രി​ക​ളു​ടെ​യും സം​ഭ​ര​ണം, സൂ​ക്ഷി​പ്പ്, വി​ത​ര​ണം, സ്​​റ്റോ​ക്ക് അ​ക്കൗ​ണ്ടി​ങ് തു​ട​ങ്ങി​യ​വ​യെ​ല്ലാം ഫാ​ർ​മ​സി​സ്റ്റു​മാ​രു​ടെ ചു​മ​ത​ല​യാ​ണ്. രാ​വി​ലെ ഒ​മ്പ​തു​മു​ത​ൽ വൈ​കീ​ട്ട് നാ​ലു​വ​രെ​യാ​ണ് ജോ​ലി സ​മ​യം. പ​ല​ത​വ​ണ ബ​ന്ധ​പ്പെ​ട്ട​വ​രെ സ​മീ​പി​ച്ചെ​ങ്കി​ലും വേ​ണ്ട ന​ട​പ​ടി സ്വീ​ക​രി​ച്ചി​ട്ടി​ല്ലെ​ന്ന് കേ​ര​ള ഗ​വ.​ഫാ​ർ​മ​സി​സ്റ്റ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ ചൂ​ണ്ടി​ക്കാ​ട്ടി.

അ​തേ​സ​മ​യം, ഒ​ട്ടു​മി​ക്ക ജി​ല്ല​ക​ളി​ലും റാ​ങ്ക് ലി​സ്റ്റ് പ്ര​സി​ദ്ധീ​ക​രി​ച്ചി​ട്ടും ഒ​രു ഒ​ഴി​വു​പോ​ലും റി​പ്പോ​ർ​ട്ട് ചെ​യ്യ​പ്പെ​ടാ​ത്ത സ്ഥി​തി​യാ​ണു​ള്ള​ത്. ലി​സ്റ്റി​ന്‍റെ കാ​ലാ​വ​ധി തീ​രു​ക​യെ​ന്ന​ല്ലാ​തെ മു​ൻ​കൂ​ട്ടി പ്ര​സി​ദ്ധീ​ക​രി​ക്കു​ന്ന​തു​കൊ​ണ്ട് പ്ര​ത്യേ​കി​ച്ച് ഗു​ണ​മൊ​ന്നു​മി​ല്ലെ​ന്ന് ഫാ​ർ​മ​സി​സ്റ്റ് ഗ്രേ​ഡ് ര​ണ്ട് പ​രീ​ക്ഷ​യു​ടെ റാ​ങ്ക് ലി​സ്റ്റി​ലു​ള്ള ഉ​ദ്യോ​ഗാ​ർ​ഥി​ക​ൾ ചൂ​ണ്ടി​ക്കാ​ണി​ക്കു​ന്നു.