മിഠായിത്തെരുവിൽ കടകൾ തുറക്കും

കോഴിക്കോട്: മിഠായിത്തെരുവിൽ കടകൾ ചൊവ്വാഴ്ച മുതൽ തുറക്കാൻ അനുമതി. വ്യാപാര സംഘടന നേതാക്കളുമായി കലക്ടർ നടത്തിയ ചർച്ചയിലാണ് തീരുമാനമുണ്ടായത്. ജില്ലയിലെ ഇതര പ്രദേശങ്ങളിൽ വ്യാപാരം അനുവദിക്കുമ്പോൾ മിഠായിത്തെരുവിനെ മാത്രം മാറ്റിനിർത്തിയത് പുനഃപരിശോധിച്ച് കടകൾ തുറക്കാൻ അനുവദിക്കണമെന്ന് വ്യാപാരി വ്യവസായ സമിതി ജില്ലാ ഭരണകൂടത്തോട് നേരത്തേ ആവശ്യപ്പെട്ടിരുന്നു.