കണ്ണൂരിൽ അയൽവാസികൾ തമ്മിലുള്ള തർക്കത്തിനിടെ വെടിവെപ്പ്; ഒരാൾ അറസ്റ്റിൽ

കണ്ണൂർ: ഇരിട്ടി അയ്യൻകുന്ന് ചരളിൽ അയൽവാസികൾ തമ്മിലുള്ള തർക്കത്തിനിടെ ഒരാൾക്ക്​ വെടിയേറ്റു. കുറ്റിക്കാട്ട് തങ്കച്ചൻ​​ (48) എന്നയാൾക്കാണ് വെടിയേറ്റത്​. സംഭവത്തിൽ അയൽവാസിയായ കൂറ്റനാൽ സണ്ണിയെ പൊലീസ് അറസ്റ്റ് ചെയ്തു.

എയർ ഗൺ കൊണ്ട്​ നെഞ്ചിനാണ് വെടിയേറ്റത്. തങ്കച്ചൻ കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്.

ഇദ്ദേഹം അപകടനില തരണം ചെയ്തതായി ആശുപത്രി അധികൃതർ അറിയിച്ചു.