ഷോഗ് ഐസ കേണപേക്ഷിക്കുന്നു; ‘എന്നെയൊന്ന് ഫ്രാൻസിൽ തിരിച്ചെത്തിക്കൂ’

കോ​ഴി​ക്കോ​ട്: വി​നോ​ദ​സ​ഞ്ചാ​ര​ത്തി​നാ​യി ഇ​ന്ത്യ​യി​ലെ​ത്തി, ഒ​റ്റ​പ്പെ​ട്ട് അ​സു​ഖ​ബാ​ധി​ത​നാ​യി കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന ഫ്ര​ഞ്ച് പൗ​ര​ൻ നാ​ട്ടി​ലേ​ക്ക് മ​ട​ങ്ങാ​ൻ അ​ധി​കൃ​ത​രു​ടെ ക​നി​വ് തേ​ടു​ന്നു. വി​സ അ​ട​ക്ക​മു​ള്ള രേ​ഖ​ക​ൾ ന​ഷ്ട​പ്പെ​ട്ട​തി​നാ​ൽ നാ​ട്ടി​ലേ​ക്ക് മ​ട​ങ്ങാ​ൻ ക​ഴി​യാ​തെ ബു​ദ്ധി​മു​ട്ടു​ക​യാ​ണ് 66കാ​ര​നാ​യ ഷോ​ഗ് ഐ​സ. ഹൃ​ദ​യ​സം​ബ​ന്ധ​മാ​യ അ​സു​ഖ​ത്തെ​ത്തു​ട​ർ​ന്ന് മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ക്ക​പ്പെ​ട്ട ഫ്ര​ഞ്ച് പൗ​ര​ന് ഇ​ന്ന് സി.​ടി സ്കാ​ൻ എ​ടു​ക്കു​മെ​ന്നാ​ണ് വി​വ​രം.

പ​ണം അ​ട​ക്കാ​ൻ ക​ഴി​യാ​ത്ത​തി​നാ​ൽ ഇ​ദ്ദേ​ഹ​ത്തി​ന്‍റെ ചി​കി​ത്സ പ്ര​തി​സ​ന്ധി​യി​ലാ​യി​രു​ന്നു. അ​ൽ​ജീ​രി​യ​ൻ പൗ​ര​ത്വം കൂ​ടി​യു​ള്ള ഷോ​ഗ് ഐ​സ​യെ ഈ ​മാ​സം ഒ​ന്നി​നാ​ണ് ചി​ല​ർ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് കാ​ഷ്വാ​ലി​റ്റി​യി​ൽ എ​ത്തി​ച്ച​ത്. ഇ​വി​ടെ നി​ന്ന് രാ​ത്രി​യോ​ടെ ഡി​സ്ചാ​ർ​ജാ​യി മ​ട​ങ്ങി. പി​ന്നീ​ട് നാ​ലി​ന് വീ​ണ്ടും മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തു​ക​യാ​യി​രു​ന്നു. ഇ​തി​നി​ടെ പാ​സ്പോ​ർ​ട്ടും പ​ണ​വും അ​ട​ങ്ങി​യ ബാ​ഗ് ന​ഷ്ട​പ്പെ​ട്ടു. കു​ടും​ബ​ത്തി​നൊ​പ്പ​മാ​ണ് ഷോ​ഗ് ഗോ​വ​യി​ലെ​ത്തി​യ​ത്.

അ​വി​ടെ നി​ന്ന് ക​ർ​ണാ​ട​ക​യി​ൽ ഉ​ത്സ​വം കാ​ണാ​ൻ പോ​യി. അ​തി​നി​ടെ ഒ​റ്റ​പ്പെ​ടു​ക​യാ​യി​രു​ന്നു. പി​ന്നീ​ടാ​ണ് കോ​ഴി​ക്കോ​ട്ടെ​ത്തി​യ​ത്. ത​ന്നെ നാ​ട്ടി​ലെ​ത്തി​ക്കാ​ൻ ആ​വ​ശ്യ​മാ​യ​ത് ചെ​യ്യ​ണ​മെ​ന്നാ​ണ് കാ​ണു​ന്ന​വ​രോ​ടെ​ല്ലാം ഷോ​ഗ് അ​പേ​ക്ഷി​ക്കു​ന്ന​ത്. സി.​എ​ച്ച്. സെ​ന്റ​ർ വ​ള​ന്റി​യ​ർ ഗ​ഫൂ​ർ, സാ​മൂ​ഹി​ക പ്ര​വ​ർ​ത്ത​ക​നാ​യ നൗ​ഷാ​ദ് തെ​ക്ക​യി​ൽ എ​ന്നി​വ​ർ പ്രൊ​വി​ഡ​ൻ​സ് കോ​ള​ജി​ലെ ഫ്ര​ഞ്ച് ഭാ​ഷ അ​ധ്യാ​പ​ക​നാ​യ എ​ബി​യു​ടെ​യും വി​ദ്യാ​ർ​ഥി​യാ​യ ദി​യ​യു​ടെ​യും സ​ഹാ​യ​ത്തോ​ടെ ഷോ​ഗി​ൽ​നി​ന്ന് വി​വ​രം ശേ​ഖ​രി​ച്ചു.

ഷോ​ഗി​ന്‍റെ മ​ട​ക്ക​ത്തി​നും തു​ട​ർ​ചി​കി​ത്സ​ക്കും ആ​വ​ശ്യ​മാ​യ​ത് ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് കേ​ര​ള മു​ഖ്യ​മ​ന്ത്രി, ഇ​ന്ത്യ​യി​ലെ ഫ്ര​ഞ്ച്, അ​ൽ​ജീ​രി​യ എം​ബ​സി എ​ന്നി​വ​ർ​ക്ക് പ​രാ​തി ന​ൽ​കി​യി​ട്ടു​ണ്ട്. എ​ന്നാ​ൽ, ഇ​തി​ന് മ​റു​പ​ടി​യൊ​ന്നും ല​ഭി​ച്ചി​ട്ടി​ല്ല. ഉ​ട​ൻ അ​നു​കൂ​ല​മാ​യ ന​ട​പ​ടി ഉ​ണ്ടാ​വു​മെ​ന്ന പ്ര​തീ​ക്ഷ​യി​ലാ​ണ് സാ​മൂ​ഹി​ക പ്ര​വ​ർ​ത്ത​ക​ർ. ഇ​ദ്ദേ​ഹ​ത്തി​ന്‍റെ ബാ​ഗ് ന​ഷ്ട​പ്പെ​ട്ട​താ​ണ് പ്ര​തി​സ​ന്ധി രൂ​ക്ഷ​മാ​ക്കു​ന്ന​ത്.

ഡി​സം​ബ​ർ ഒ​ന്നി​ന് അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന് ഇ​ദ്ദേ​ഹം ക​യ​റി​യ ഓ​ട്ടോ​യെ​ക്കു​റി​ച്ച് വി​വ​രം ല​ഭി​ച്ചാ​ൽ കാ​ണാ​താ​യ ബാ​ഗ് സം​ബ​ന്ധി​ച്ച് കൂ​ടു​ത​ൽ വി​വ​രം ല​ഭി​ക്കു​മെ​ന്ന് സാ​മൂ​ഹി​ക പ്ര​വ​ർ​ത്ത​ക​ർ പ​റ​യു​ന്നു. ഇ​തി​ന് മെ​ഡി​ക്ക​ൽ കോ​ള​ജി​ലെ സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ടു​ന്നു.