ഞെട്ടിക്കുന്ന ദൃശ്യങ്ങൾ; ബൈക്കിൽ അമ്മയും കുഞ്ഞും, പാഞ്ഞടുത്ത് കാട്ടാന

കൽപറ്റ: വയനാട്ടിൽ കാട്ടാന ആക്രമണത്തിൽ നിന്ന് തലനാരിഴക്ക് രക്ഷപ്പെട്ട് ബൈക്ക് യാത്രക്കാരായ കുടുംബം. മാനന്തവാടി തിരുനെല്ലി റോഡിലൂടെ സഞ്ചരിച്ചിരുന്ന ബൈക്ക് യാത്രക്കാരാണ് കാട്ടാനയുടെ ആക്രമണത്തിൽ നിന്ന് അത്ഭുതകരമായി രക്ഷപ്പെട്ടത്.

കാട്ടാന ബൈക്കിനെ ആക്രമിക്കാൻ വരുന്നത് കണ്ട് ബൈക്ക് യാത്രികൻ വേഗത്തിൽ ഓടിച്ചുപോവുകയായിരുന്നു. ബൈക്കിന് പിറകിൽ അമ്മയും കുഞ്ഞുമാണ് ഉണ്ടായിരുന്നത്. തൊട്ടടുത്തുണ്ടായിരുന്ന കാർ യാത്രികരാണ് സംഭവത്തിന്റെ വിഡിയോ പകർത്തിയത്.