മാങ്ങ പറിക്കുന്നതിനിടെ ഷോക്കേറ്റു മരിച്ചു

നന്മണ്ട: ഇരുമ്പ് കമ്പി ഉപയോഗിച്ച് മാങ്ങ പറിക്കുന്നതിനിടെ വൈദ്യുതി ലൈനിൽനിന്ന് ഷോക്കേറ്റ് മരിച്ചു. ചീക്കിലോട് മുന്നൂർക്കയിൽ മാണിക്കോത്ത് ശശിധരനാണ് (63) മരിച്ചത്.

ഞായറാഴ്ച രാവിലെ 10ഓടെയാണ് ഇരുമ്പ് കോണിയിൽ കയറിനിന്ന് ഇരുമ്പ് കമ്പി ഉപയോഗിച്ച് മാങ്ങ പറിക്കാൻ ശ്രമിച്ചത്. പിതാവ്: പരേതനായ കുഞ്ഞികൃഷ്ണ കിടാവ്. മാതാവ്: പാർവതിഅമ്മ. ഭാര്യ: ശ്രീമതി. മക്കൾ: അജുൽ കൃഷ്ണ (സൈനികൻ അസം), ശ്രുതി. മരുമക്കൾ: രജീഷ്, വർഷ. സഹോദരങ്ങൾ: ബാബുരാജ്, വിനോദ് ,സജീഷ്, രജീഷ്, ലളിത. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ. സംസ്കാരം തിങ്കളാഴ്ച വൈകിട്ട് ആറിന്.