വാ​ട​ക​വീ​ട്ടി​ൽ ക​ഴി​യു​ന്ന ശോ​ഭ​യു​ടെ കു​ടും​ബ​ത്തി​ന് വെ​ള്ള​ക്കാ​ർ​ഡ്; സൗ​ജ​ന്യ റേ​ഷ​നും ല​ഭി​ച്ചി​ല്ല

തേ​ഞ്ഞി​പ്പ​ലം: തേ​ഞ്ഞി​പ്പ​ല​ത്ത് ഒ​രു​വ​ർ​ഷ​മാ​യി വാ​ട​ക​ക്ക് താ​മ​സി​ച്ചു​വ​രു​ന്ന അ​ഞ്ചം​ഗ കു​ടും​ബ​ത്തി​ന് അ​ധി​കൃ​ത​ർ ന​ൽ​കി​യ​ത് വെ​ള്ള റേ​ഷ​ൻ കാ​ർ​ഡ്. തേ​ഞ്ഞി​പ്പ​ലം പാ​ണ​മ്പ്ര​യി​ൽ താ​മ​സി​ക്കു​ന്ന ശോ​ഭ​യും ഭ​ർ​ത്താ​വ് കു​ഞ്ഞു​മോ​നും അ​ഞ്ചു മ​ക്ക​ളു​മ​ട​ങ്ങു​ന്ന നി​ത്യ​രോ​ഗി​ക​ളാ​യ കു​ടും​ബ​ത്തെ​യാ​ണ് ധ​നി​ക​രു​ടെ കൂ​ട്ട​ത്തി​ൽ ഉ​ൾ​പ്പെ​ടു​ത്തി വെ​ള്ള​ക്കാ​ർ​ഡ് ന​ൽ​കി​യ​ത്.

25 വ​ർ​ഷ​മാ​യി വി​വി​ധ സ്ഥ​ല​ങ്ങ​ളി​ൽ വാ​ട​ക​ക്ക് താ​മ​സി​ച്ചി​രു​ന്ന കോ​ട്ട​യം സ്വ​ദേ​ശി​ക​ളാ​യ ഇ​വ​ർ ഒ​രു​വ​ർ​ഷം മു​മ്പാ​ണ് തേ​ഞ്ഞി​പ്പ​ല​ത്ത് എ​ത്തി​യ​ത്. ദു​രി​ത​ത്തി​ലും പ​ട്ടി​ണി​യി​ലും ആ​ത്മ​ഹ​ത്യ​യു​ടെ വ​ക്കി​ലു​മാ​ണെ​ന്ന് കാ​ണി​ച്ച് ഇ​വ​ർ ജി​ല്ല ക​ല​ക്ട​ർ​ക്ക് ക​ത്ത് ന​ൽ​കി​യി​ട്ടു​ണ്ട്. ഇ​ത​നു​സ​രി​ച്ച് ക​ല​ക്ട​ർ അം​ഗ​ൻ​വാ​ടി അ​ധ്യാ​പ​ക​രെ വി​ളി​ച്ച് കു​ടും​ബ​ത്തി​​െൻറ വി​വ​രം സം​ബ​ന്ധി​ച്ച് റി​പ്പോ​ർ​ട്ട് തേ​ടി​യി​ട്ടു​ണ്ട്. ഈ ​കു​ടും​ബ​ത്തി​ന് സ്വ​ന്ത​മാ​യി വീ​ടും സ്ഥ​ല​വു​മി​ല്ല. വെ​ള്ള​ക്കാ​ർ​ഡാ​യ​തി​നാ​ൽ ലോ​ക്​​ഡൗ​ണി​ൽ​പോ​ലും കാ​ർ​ഡി​ൽ അ​നു​വ​ദി​ക്ക​പ്പെ​ട്ട റേ​ഷ​ൻ മാ​ത്ര​മാ​ണ് ല​ഭി​ച്ച​ത്‌. തേ​ഞ്ഞി​പ്പ​ലം ഗ്രാ​മ​പ​ഞ്ചാ​യ​ത്തും സ​ന്ന​ദ്ധ​പ്ര​വ​ർ​ത്ത​ക​രും ന​ൽ​കി​യ സ​ഹാ​യ​മാ​ണ് ഇ​വ​ർ​ക്ക് ആ​ശ്വാ​സ​മാ​യ​ത്. ഭ​ക്ഷ്യ​വ​സ്തു​ക്ക​ളും ഭ​ക്ഷ​ണ കി​റ്റും സ​ന്ന​ദ്ധ പ്ര​വ​ർ​ത്ത​ക​ർ എ​ത്തി​ച്ചു​ന​ൽ​കി.

ര​ണ്ടു മ​ക്ക​ൾ മ​​നോ​വെ​ല്ലു​വി​ളി​ക​ൾ നേ​രി​ടു​ന്ന​വ​രാ​ണ്. ഒ​രാ​ൾ​ക്ക് ര​ക്ത​ക്കു​ഴ​ലി​ൽ മു​ഴ​യും മ​റ്റൊ​രാ​ൾ​ക്ക് മ​ജ്ജ​ക്ക് ത​ക​രാ​റു​മാ​ണ്. ഭി​ന്ന​ശേ​ഷി​ക്കാ​രാ​യ മ​ക്ക​ളു​ടെ​യും രോ​ഗി​ക​ളാ​യ മ​റ്റ് മ​ക്ക​ളു​ടെ​യും ചി​കി​ത്സാ ചെ​ല​വും പ​ഠ​ന ചെ​ല​വും കു​ടും​ബ​ത്തി​നെ പ്ര​യാ​സ​പ്പെ​ടു​ത്തു​ന്നു​ണ്ട്. ശോ​ഭ​യു​ടെ ഭ​ർ​ത്താ​വ് കു​ഞ്ഞു​മോ​നും ഹൃ​ദ്രോ​ഗി​യാ​ണെ​ന്ന്​ ശോ​ഭ പ​റ​യു​ന്നു. ര​ക്ത​ക്കു​ഴ​ലി​ൽ മു​ഴ​യു​ള്ള കു​ട്ടി​ക്ക് ശ​സ്ത്ര​ക്രി​യ നി​ർ​ദേ​ശി​ച്ച​താ​ണ്. പ​ണ​മി​ല്ലാ​ത്ത​തി​നാ​ൽ ന​ട​ന്നി​ല്ല.

ലോ​ക്​​ഡൗ​ൺ കാ​ര​ണം കു​ഞ്ഞു​മോ​െൻറ തൈ​ല​വി​ൽ​പ​ന​യും മു​ട​ങ്ങി. ലോ​ക്ഡൗ​ൺ കാ​ല​യ​ള​വി​ൽ സ​ന്ന​ദ്ധ പ്ര​വ​ർ​ത്ത​ക​രും ഗ്രാ​മ​പ​ഞ്ചാ​യ​ത്തും കൃത്യമാ​യി ഇ​ട​പെ​ട്ടി​രു​ന്ന​താ​യി ഗ്രാ​മ​പ​ഞ്ചാ​യ​ത്ത് അം​ഗം എ.​പി. സ​ലീം പ​റ​ഞ്ഞു. മ​ക്ക​ളു​ടെ വി​ദ്യാ​ഭ്യാ​സം, മ​രു​ന്ന്, താ​മ​സ വാ​ട​ക ഇ​തെ​ല്ലാം ഇ​വ​രു​ടെ മു​ന്നി​ൽ ചോ​ദ്യ​ചി​ഹ്ന​മാ​ണ്. പ​ട്ടി​ണി​യി​ല്ലാ​തെ ജീ​വി​തം ത​ള്ളി​നീ​ക്കാ​ൻ​പോ​ലും പാ​ടു​പെ​ടു​ക​യാ​ണ് നി​ർ​ധ​ന കു​ടും​ബം.