ശിവശങ്കറിന്‍റെ ജാമ്യം: സി.പി.എം-ബി.ജെ.പി കൂട്ടുകെട്ടിന്‍റെ തെളിവെന്ന് ചെന്നിത്തല

വയനാട്: സി.പി.എം-ബി.ജെ.പി കൂട്ടുകെട്ടിന്‍റെ തെളിവാണ് ഡോളർ കടത്ത് കേസിൽ മുഖ്യമന്ത്രിയുടെ മുൻ പ്രിസിപ്പൽ സെക്രട്ടറി ശിവശങ്കറിന്‍റെ ജാമ്യമെന്ന് പ്രതിപക്ഷ നേതാവ് രമേശ് ചെന്നിത്തല. ഇരുപാർട്ടികൾ തമ്മിലുള്ള അന്തർധാര വെളിച്ചത്ത് വന്നുവെന്നും ചെന്നിത്തല ആരോപിച്ചു.

നിയമസഭാ തെരഞ്ഞെടുപ്പിന് മുന്നോടിയായാണ് സി.പി.എം-ബി.ജെ.പി ധാരണ. സ്വർണക്കടത്ത് കേസ് അട്ടിമറിച്ച് കഴിഞ്ഞെന്നും ചെന്നിത്തല പറഞ്ഞു.

ഡോളർ കടത്ത് കേസിലാണ് ശിവശങ്കറിന് സാമ്പത്തിക കുറ്റകൃത്യങ്ങൾ പരിഗണിക്കുന്ന കോടതി ജാമ്യം അനുവദിച്ചത്. 96 ദിവസത്തിന് ശേഷമാണ് ശിവശങ്കറിന് ജാമ്യം ലഭിക്കുന്നത്.

നേരത്തെ, സ്വർണക്കടത്തുമായി ബന്ധ കേസുകളിൽ ശിവശങ്കറിന് നേരത്തെ ജാമ്യം ലഭിച്ചിരുന്നു.