Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅച്ഛനു പിന്നാലെ...

അച്ഛനു പിന്നാലെ അമ്മയും പോയി; സങ്കടക്കടലിൽ ശിവപ്രിയ

text_fields
bookmark_border
അച്ഛനു പിന്നാലെ അമ്മയും പോയി; സങ്കടക്കടലിൽ ശിവപ്രിയ
cancel

കാക്കനാട്: അച്ഛനു പിന്നാലെ അമ്മയും മരിച്ചതോടെ ജീവിതത്തി​െൻറ കരയിൽ എട്ടു വയസ്സുകാരി ഒറ്റക്കായി. കാക്കനാട് അത്താണി മലയിൽപറമ്പ് വീട്ടിൽ ശിവപ്രിയയാണ് കണ്ണീർ കാഴ്​ചയായത്​. ശിവപ്രിയയുടെ അമ്മ സിന്ധു ബാബു (46) ചൊവ്വാഴ്ച വൈകീട്ടാണ് കോവിഡ് ബാധിച്ച് മരിച്ചത്. അമ്മയുടെ സംസ്കാരത്തിന് ശേഷം മടങ്ങിയെത്തിവരുടെ വിങ്ങലായിരുന്നു പട്ടയമില്ലാത്ത ആറ് സെൻറ്​ ഭൂമിയിലെ കൊച്ചു കൂരക്ക് മുന്നിൽ സങ്കടം കടിച്ചമർത്തി നിൽക്കുന്ന ശിവപ്രിയയുടെ ചിത്രം.

കാക്കനാട് എൽ.പി.എസിൽ നാലാം ക്ലാസ് വിദ്യാർഥിനിയായിരുന്ന ശിവപ്രിയ മാതാവ് സിന്ധുവിനും അമ്മൂമ്മ മറിയക്കുമൊപ്പമായിരുന്നു താമസം. ആറു വർഷം മുമ്പ്​​ അച്ഛൻ ബാബു കലമ്പൻ ഹൃദയാഘാതത്തെ തുടർന്ന് മരിച്ചു.

വീട്ടുജോലികൾ ചെയ്താണ് മകളെയും കിടപ്പിലായ ഭർതൃമാതാവിനെയും സിന്ധു നോക്കിയിരുന്നത്. അതിനിടെയാണ് കോവിഡ് ബാധിച്ചത്. രണ്ടാഴ്ചയോളം കളമശ്ശേരി മെഡിക്കൽ കോളജിൽ ചികിത്സയിലായിരുന്നു. തിങ്കളാഴ്ച വൈകീട്ട് രോഗം മൂർച്ഛിക്കുകയും രാത്രിയോടെ മരിക്കുകയുമായിരുന്നു. ചൊവ്വാഴ്ച രാവിലെ അത്താണി പൊതു ശ്മശാനത്തിൽ സംസ്കരിച്ചു.

പട്ടയം ഇല്ലാത്ത ഭൂമി ആയതിനാൽ നേരത്തേ സർക്കാർ സഹായങ്ങളൊന്നും ലഭിച്ചിരുന്നില്ല. അതിന് പിന്നാലെ ഏക അത്താണിയും നഷ്​ടപ്പെട്ടതോടെ ജീവിതത്തിനുമുന്നിൽ പകച്ചു നിൽക്കുകയാണ്​ ഈ എട്ടു വയസ്സുകാരി.

Show Full Article
TAGS:parents death 
News Summary - Shivapriya mourns the death of her father and mother
Next Story