സദാചാര ഗുണ്ടായിസം; ശിവസേന പ്രവർത്തകർക്ക്​ സസ്പെന്‍ഷൻ

കൊച്ചി: മറൈൻഡ്രൈവിലെ സദാചാര ഗുണ്ടായിസത്തിന് ശിവസേനക്കാര്‍ക്ക് സസ്പെന്‍ഷന്‍. സദാചാര ഗുണ്ടായിസം കാണിച്ച ശിവസേന പ്രവർത്തകരെ പാർട്ടിയിൽ നിന്നു സസ്പെൻഡ് ചെയ്തതായി ശിവസേന അധ്യക്ഷൻ ഉദ്ധവ് താക്കറെയുടെ മകനും യുവസേനാ തലവനുമായ ആദിത്യ താക്കറെയാണ്​ അറിയിച്ചത്​.

കൊച്ചി സംഭവം നാണക്കേടുണ്ടാക്കുന്നതും അനാവശ്യവുമായിരുന്നു. ഇത്തരം പരിപാടികളെ ശിവസേന പ്രോൽസാഹിപ്പിക്കുകയോ അതിനു പിന്നിൽ പ്രവർത്തിക്കുന്നവരെ സംരക്ഷിക്കുകയോ ചെയ്യില്ലെന്നും ആദിത്യ താക്കറെ പറഞ്ഞു.