വ്യാജ പ്രചാരണം പൊളിഞ്ഞു; റബീഉല്ല മലപ്പുറത്തുണ്ട്​ VIDEO

മലപ്പുറം: വ്യവസായ പ്രമുഖനും ജീവകാരുണ്യ പ്രവർത്തകനുമായ ഡോ. കെ.ടി. റബീഉല്ലയെ സംബന്ധിച്ച്​ ഒാൺലൈൻ മാധ്യമങ്ങളിലൂടെ പടർന്ന വ്യാജ പ്രചാരണങ്ങൾ പൊളിഞ്ഞു. ഡോക്​ടർമാരുടെ നിർദേശാനുസരണം ഫോൺ ഉപയോഗം കുറച്ചും സാമൂഹിക മാധ്യമങ്ങളിൽ നിന്ന്​ റബീഉല്ല വിട്ടു നിന്നത്. ചികിത്സയിൽ കഴിഞ്ഞു വന്ന അദ്ദേഹം വ്യാജ വർത്തമാനങ്ങൾ അതിരുവിട്ടതോടെയാണ്​ വീഡിയോ സന്ദേശത്തിലൂടെ ത​ാൻ വീട്ടിൽ തന്നെയുണ്ടെന്ന വിവരം വ്യക്​തമാക്കിയത്​.

മകനും ചെറുമക്കൾക്കുമൊപ്പം വീട്ടിൽ തന്നെയുണ്ടെന്നും ചികിത്സ പൂർത്തിയാക്കിയ ശേഷം ഗൾഫിലെ പ്രവർത്തനങ്ങളിലേക്ക്​ മടങ്ങിയെത്തുമെന്നും​ അദ്ദേഹം സന്ദേശത്തിൽ അറിയിച്ചു. റബീഉല്ലയുടെ ബന്ധുക്കളെ പ്രതിക്കൂട്ടിലാക്കുന്ന മട്ടിൽ ഒരു ഒാൺലൈൻ പ്രസിദ്ധീകരണം പടച്ചുവിട്ട വ്യാജവാർത്ത വ്യാപകമായി പ്രചരിക്കുകയും സാമൂഹിക മാധ്യമങ്ങളിൽ ചർച്ചയാവുകയും ചെയ്​തിരുന്നു.