ഷീല സണ്ണിയെ വ്യാജ ലഹരിക്കേസിൽ കുടുക്കിയ ബന്ധുവായ യുവതി അറസ്റ്റിൽ; കസ്റ്റഡിയിലെടുത്തത് മുംബൈ വിമാനത്താവളത്തിൽ നിന്ന്

ചാ​ല​ക്കു​ടി: ചാ​ല​ക്കു​ടി ന​ഗ​ര​ത്തി​ലെ ബ്യൂ​ട്ടി​പാ​ർ​ല​ർ ഉ​ട​മ ഷീ​ല സ​ണ്ണി​യെ വ്യാ​ജ ല​ഹ​രി​ക്കേ​സി​ൽ കു​ടു​ക്കി​യ സം​ഭ​വ​ത്തി​ൽ പ്ര​ധാ​ന പ്ര​തി​യാ​യ യു​വ​തി അ​റ​സ്റ്റി​ൽ. ഷീ​ല സ​ണ്ണി​യു​ടെ മ​രു​മ​ക​ളു​ടെ സ​ഹോ​ദ​രി ലി​വി​യ ജോ​സാ​ണ് അ​റ​സ്റ്റി​ലാ​യ​ത്. അ​ന്വേ​ഷ​ണ​ത്തെ തു​ട​ർ​ന്ന് വി​ദേ​ശ​ത്തേ​ക്കു ക​ട​ന്ന ലി​വി​യ തി​രി​ച്ചു​വ​ന്ന​പ്പോ​ൾ മും​ബൈ​യി​ൽ​വെ​ച്ച് പൊ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

ലി​വി​യ​യു​ടെ നേ​തൃ​ത്വ​ത്തി​ലാ​ണ് രാ​സ​ല​ഹ​രി സ്റ്റാ​മ്പു​ക​ൾ ഷീ​ല സ​ണ്ണി​യു​ടെ സ്കൂ​ട്ട​റി​ൽ വെ​ച്ച​തെ​ന്ന് അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. തു​ട​ർ​ന്ന് ലി​വി​യ​യെ പി​ടി​കൂ​ടാ​ൻ പൊ​ലീ​സ് ലു​ക്കൗ​ട്ട് സ​ർ​ക്കു​ല​ർ പു​റ​ത്തി​റ​ക്കി. അ​റ​സ്റ്റി​ലാ​യ ലി​വി​യ​യെ ശ​നി​യാ​ഴ്ച തൃ​ശൂ​രി​ൽ എ​ത്തി​ക്കു​മെ​ന്നാ​ണ് സൂ​ച​ന. തൃ​ശൂ​രി​ൽ​വെ​ച്ച് അ​ന്വേ​ഷ​ണ ഉ​ദ്യോ​ഗ​സ്ഥ​ർ കൂ​ടു​ത​ൽ ചോ​ദ്യം​ചെ​യ്യും.

അതേസമയം, ഷീല സണ്ണിയെ വ്യാജ ലഹരിക്കേസിൽ കുടുക്കിയ മുഖ്യ പ്രതി തൃ​പ്പൂ​ണി​ത്തു​റ സ്വ​ദേ​ശി നാ​രാ​യ​ണദാ​സി​നെ 2024 ഏപ്രിൽ 29ന് പൊലീസ് പിടികൂടിയിരുന്നു.

2023 ഫെ​ബ്രു​വ​രി 27നാ​ണ് ചാ​ല​ക്കു​ടി ന​ഗ​ര​ത്തി​ലെ ബ്യൂ​ട്ടിപാ​ർ​ല​ർ ഉ​ട​മ​യാ​യ ഷീ​ല​യു​ടെ ഇ​രു​ച​ക്രവാ​ഹ​ന​ത്തി​ൽ​നി​ന്ന് ല​ഹ​രി സ്റ്റ‌ാ​മ്പ് ക​ണ്ടെ​ത്തി​യെ​ന്ന് ആരോ​പി​ച്ച് ജ​യി​ലി​ൽ അ​ട​ച്ച​ത്. 72 ദി​വ​സം ജ​യി​ലി​ൽ ക​ഴി​ഞ്ഞ ​ശേ​ഷം കേ​സ് വ്യാ​ജ​മെ​ന്ന് ക​ണ്ടെ​ത്തി​യ​തോ​ടെ ഷീ​ല സ​ണ്ണി പു​റ​ത്തി​റ​ങ്ങി.

എ​ന്നാ​ൽ, ഉ​പ​ജീ​വ​ന​മാ​ർ​ഗ​മാ​യ ചാ​ല​ക്കു​ടി​യി​ലെ ബ്യൂ​ട്ടി പാ​ർ​ല​ർ അ​ട​ച്ചു​ പൂ​ട്ടേ​ണ്ടി​വ​ന്നു. വീ​ണ്ടും സു​മ​ന​സ്സു​ക​ളു​ടെ സ​ഹാ​യ​ത്തോ​ടെ പു​തി​യ പാ​ർ​ല​ർ ആ​രം​ഭി​ച്ചെ​ങ്കി​ലും മ​റ്റു​ള്ള​വ​ർ സം​ശ​യ​ദൃ​ഷ്ടി​യോ​ടെ ക​ണ്ട​തി​നാ​ൽ കു​റ​ച്ചു​നാ​ൾ ക​ഴി​ഞ്ഞ​പ്പോ​ൾ അ​തും അ​ട​ച്ചു​പൂ​ട്ടേ​ണ്ടി​വ​ന്നു. തു​ട​ർ​ന്ന് നാ​ടു​വി​ട്ട് ചെ​ന്നൈ​യി​ൽ ഡേകെ​യ​റി​ൽ ആ​യ​യാ​യി ജോ​ലി നോ​ക്കു​ക​യാ​ണ് ഷീ​ല.

തുടർന്ന് സ​ത്യാ​വ​സ്ഥ പു​റ​ത്തു​ കൊ​ണ്ടു​ വ​ര​ണ​മെ​ന്നും ക​ള്ള​ക്കേ​സി​ൽ കു​ടു​ക്കി​യ​തി​ന് ന​ഷ്ട​പ​രി​ഹാ​രം ന​ൽ​ക​ണ​മെ​ന്നു​മു​ള്ള ആ​വ​ശ്യ​വു​മാ​യി ഷീ​ല സ​ണ്ണി ഹൈ​കോ​ട​തി​യെ സ​മീ​പി​ച്ചു. പിന്നാലെ അ​ന്വേ​ഷ​ണം എ​ക്‌​സൈ​സി​ൽ നി​ന്ന് പൊ​ലീ​സി​ന് കൈ​മാ​റാ​ൻ ഹൈ​കോ​ട​തി ഉ​ത്ത​ര​വി​ടു​ക​യാ​യി​രു​ന്നു.