You are here

തൻെറ ട്വീറ്റിനെ മോദി സ്തുതിയായി വളച്ചൊടിക്കപ്പെട്ടു- തരൂർ

Shashi Tharoor

ന്യൂഡൽഹി: മോദിയുടെ ശക്​തനായ വിമർശകനാണ്, മറിച്ച്​ സ്​തുതിപാഠകനല്ല താനെന്ന്​ തിരുവനന്തപുരം എം.പി ശശി തരൂർ. ഭരണഘടനാ തത്വങ്ങൾ, എല്ലാവരെയും ഉൾച്ചേർക്കുന്ന മൂല്യങ്ങൾ എന്നിവക്കു വേണ്ടിയുള്ള നിലപാടാണ്​ തന്നെ മൂന്നു വട്ടം തെരഞ്ഞെടുപ്പിൽ ജയിപ്പിച്ചത്​. ക്രിയാത്​മക വിമർശനമെന്ന കാഴ്​ചപ്പാടിനോട്​ യോജിക്കുന്നില്ലെങ്കിൽ പോലും ത​​െൻറ സമീപനം കോൺഗ്രസ്​ സഹപ്രവർത്തകർ മാനിക്കണമെന്ന്​ തരൂർ പറഞ്ഞു. 

മോദിപ്രശംസക്ക്​ പാർട്ടി നേതാക്കളിൽ നിന്ന്​ കടുത്ത വിമർശനവും അച്ചടക്ക നടപടി മുന്നറിയിപ്പും നേരിടുന്നതിനിടയിലാണ്​ തരൂരി​​െൻറ വിശദീകരണം. ട്വിറ്റർ സന്ദേശത്തി​​െൻറ പേരിലാണ്​ ഇക്കാലത്ത്​ വിവാദം തുടങ്ങുന്നതെന്ന്​ തരൂർ പറഞ്ഞു. ത​​െൻറ പരാമർശം മോദി സ്​തുതിയായി വളച്ചൊടിക്കപ്പെടുകയാണ്​ ഉണ്ടായത്​. എവിടെയാണ്​ താൻ മോദിയെ സ്​തുതിച്ചതെന്നു ചോദിച്ചാൽ ആർക്കും വ്യക്​തമായ ഉത്തരമില്ല. 

പ്രധാനമന്ത്രി നരേന്ദ്രമോദിയെ പൈശാചികമായി വിമർശിക്കുന്നത്​ ഗുണം ചെയ്യില്ലെന്ന്​ പുരോഗമന ചിന്താഗതിക്കാരനും പാർട്ടി വിധേയത്വത്തി​​െൻറ വ്യക്​തമായ പാരമ്പര്യവുമുള്ള ജയ്​റാം രമേശ്​ പറഞ്ഞതിലാണ്​ തുടക്കം. എത്രയോ കോൺഗ്രസ്​ നേതാക്കൾക്ക്​ വേണ്ടി കോടതിയിൽ വാദിക്കുന്ന അഭിഷേക്​ സിങ്​വിയും അതിനെ ന്യായീകരിച്ചു. ഇതേക്കുറിച്ച്​ അഭിപ്രായം ചോദിച്ച​േപ്പാൾ നിലപാട്​ വ്യക്​തമാക്കുകയാണ്​ താൻ ചെയ്​തത്​.

മോദി നല്ലതു ചെയ്യു​േമ്പാൾ പ്രശംസിക്കുകയാണ്​ തെറ്റു ചെയ്യു​േമ്പാൾ നമ്മൾ നടത്തുന്ന വിമർശനത്തി​​െൻറ​ വിശ്വാസ്യത കൂട്ടുക എന്നാണ്​ താൻ പറഞ്ഞത്​. കേരളത്തിലാണ്​ പ്രധാനമായും അതിനോട്​ പ്രതിഷേധം ഉയർന്നത്​. ഇടക്കാല പാർട്ടി പ്രസിഡൻറ്​ സോണിയ ഗാന്ധിക്ക്​ ഒരാൾ കത്തയച്ചു. പാർട്ടി വിട്ട്​ ബി.ജെ.പിയിൽ ചേരാൻ മറ്റൊരാൾ പറഞ്ഞു. അങ്ങനെ പറഞ്ഞയാൾ കോൺഗ്രസിൽ തിരിച്ചെത്തിയിട്ട്​ കഷ്​ടിച്ച്​ എട്ടുവർഷമേ ആയിട്ടുള്ളൂ എന്നത്​ വിരോധാഭാസം.

കൈയടിക്കാൻ തക്കതൊന്നും മോദി ചെയ്​തിട്ടില്ലാത്തതിനാൽ തരൂർ അങ്ങനെയൊന്നും പറയാൻ പാടില്ലെന്നാണ്​ വിമർശകരുടെ കാഴ്​ചപ്പാട്​. മോദി ചെയ്യുന്നതെന്തും വിമർശിക്ക​െപ്പടണമെന്നാണ്​ അവരുടെ പക്ഷം. മോദിക്ക്​ പൈശാചിക മുഖം നൽകരുതെന്ന പ്രയോഗം ത​​െൻറയല്ല. മോദിക്കെതിരെ നടത്തിയ പരാമർശത്തി​​െൻറ പേരിൽ ബി.ജെ.പിക്കാർ തനിക്കെതിരെ രണ്ടു കേസ്​ ഇതിനകം കൊടുത്തു കഴിഞ്ഞിട്ടുണ്ട്​. തന്നെ പൈശാചികമായി കാണുന്ന കോൺഗ്രസിലെ വിമർശകർ അത്​ ആദരവി​​െൻറ ചിഹ്​നമായി കണക്കിലെടുക്കണം.

പാർലമ​െൻറിലും പുറത്തും കോൺഗ്രസി​​െൻറ മൂല്യങ്ങൾക്കു വേണ്ടിയാണ്​ താൻ നിലകൊള്ളുന്നത്​. ഇന്ത്യയെന്ന ആശയത്തിനും ഭരണഘടനക്കും  ബി.ജെ.പി ഏൽപിക്കുന്ന പരിക്കിനെക്കുറിച്ച്​ എത്രയോ തവണ താൻ പറഞ്ഞു കഴിഞ്ഞതാണെന്ന്​ തരൂർ കൂട്ടിച്ചേർത്തു. 

ദേശീയ തൽപര്യത്തിന്​ വേണ്ടിയാണ്​ കോൺഗ്രസ്​ നിലനിൽക്കുന്നതെന്ന്​ പൊതുസമൂഹത്തെ ബോധ്യപ്പെടുത്തുകയാണ്​ ആദ്യം വേണ്ടത്​. ആ താൽപര്യങ്ങൾ മോദിയേക്കാൾ, കോൺഗ്രസി​​െൻറ കരങ്ങളിൽ ഭദ്രമാണെന്ന്​ കാണിച്ചു കൊടുക്കുകയാണ്​ വേണ്ടത്​. കോൺഗ്രസി​​െൻറ നിലപാട്​ മോദി സ്വീകരിക്കുന്നുവെങ്കിൽ യോജിക്കണം. ഇല്ലെങ്കിൽ ശക്​തമായി എതിർക്കണം. തെറ്റായ നയങ്ങളും ഭരണത്തിലെ വീഴ്​ചകളും ചൂണ്ടിക്കാട്ടണം. അതാണ്​ ക്രിയാത്​മക പ്രതിപക്ഷമെന്ന നിലയിൽ കോൺഗ്രസ്​ ചെയ്യേണ്ടത്​ ^തരൂർ പറഞ്ഞു.  

Loading...
COMMENTS