കോഴിക്കോട്ടെ പരിപാടിയിൽ നിന്ന് യൂത്ത് കോൺഗ്രസിനെ മാറ്റിയത് അന്വേഷിക്കണം; ആവശ്യവുമായി ശശി തരൂരും എം.കെ. രാഘവനും

കോഴിക്കോട്: കോഴിക്കോട്ടെ പരിപാടിയുടെ സംഘാടനത്തിൽ നിന്ന് യൂത്ത് കോൺഗ്രസിനെ മാറ്റിയത് അന്വേഷിക്കണമെന്ന ആവശ്യവുമായി എം.പിമാരായ ശശി തരൂരും എം.കെ. രാഘവനും. ഇത്തരം പരിപാടികൾ മുടക്കാൻ ആരു ശ്രമിച്ചാലും കണ്ടെത്തണമെന്ന് തരൂർ ആവശ്യപ്പെട്ടു.

കോൺഗ്രസ് ഒരു ജനാധിപത്യ പാർട്ടിയാണ്. എല്ലാവരും പരസ്പരം കാണേണ്ടതും കോൺഗ്രസ് മൂല്യങ്ങൾ മുന്നോട്ടു കൊണ്ടുപോകേണ്ടതും നമ്മുടെ കടമയാണ്. ഇത്തരം പ്രവർത്തനങ്ങൾക്കെതിരെ തടസം ഉണ്ടാക്കുന്നവരെ കണ്ടുപിടിക്കേണ്ടതുണ്ട്. സ്ഥലത്തെ എം.പി എന്ന നിലയിൽ എല്ലാം കാര്യങ്ങളും ചെയ്ത എം.കെ. രാഘവന് അന്വേഷണം ആവശ്യപ്പെടാൻ അവകാശമുണ്ടെന്നും തരൂർ ചൂണ്ടിക്കാട്ടി.

പരിപാടിയിൽ നിന്ന് യൂത്ത് കോൺഗ്രസിനെ മാറ്റിയത് അന്വേഷിക്കാൻ കെ.പി.സി.സി അന്വേഷണ കമീഷനെ നിയോഗിക്കണമെന്ന് എം.കെ. രാഘവൻ ആവശ്യപ്പെട്ടു. പരിപാടി സംബന്ധിച്ച് കോൺഗ്രസ് നേതൃത്വത്തിന് പരാതി നൽകുമെന്നും അദ്ദേഹം വ്യക്തമാക്കി.

പരിപാടി ആസൂത്രണം ചെയ്തത് ഒറ്റക്കല്ല. പാർട്ടിയുടെ ഉത്തരവാദിത്തപ്പെട്ടവരോട് ചോദിച്ചിരുന്നു. കൊന്ന മുറിച്ചാൽ വിഷു മുടങ്ങില്ലെന്നും രാഘവൻ ചൂണ്ടിക്കാട്ടി.

കെ.​പി. കേ​ശ​വ മേ​നോ​ൻ ഹാ​ളി​ൽ 'സം​ഘ്പ​രി​വാ​ർ മ​തേ​ത​ര​ത്വ​ത്തി​ന് ഉ​യ​ർ​ത്തു​ന്ന ഭീ​ഷ​ണി' എ​ന്ന വി​ഷ​യ​ത്തി​ലാ​ണ് ശശി തരൂരിന്‍റെ പ്ര​ഭാ​ഷ​ണം സം​ഘ​ടി​പ്പി​ക്കാൻ യൂ​ത്ത് കോ​ൺ​ഗ്ര​സ് കോ​ഴി​ക്കോ​ട്ട് ജി​ല്ല ക​മ്മി​റ്റി തീരുമാനിച്ചിരുന്നത്. എന്നാൽ, ശനിയാഴ്ച വൈകീട്ട് 'അ​ജ്ഞാ​ത' കാ​ര​ണ​ത്താ​ൽ ഒ​ഴി​വാ​ക്കി.

ഇ​തു​സം​ബ​ന്ധി​ച്ച വി​വാ​ദം ക​ത്തു​ന്ന​തി​നി​ട​യി​ൽ, ജ​വ​ഹ​ർ യൂ​ത്ത് ഫൗ​ണ്ടേ​ഷ​ൻ എ​ന്ന​ പേ​രി​ലു​ള്ള സാം​സ്കാ​രി​ക കൂ​ട്ടാ​യ്മ പരിപാടിയുടെ പു​തി​യ സം​ഘാ​ട​ക​രാ​യി രം​ഗ​ത്തു​വ​രികയും യൂ​ത്ത് കോ​ൺ​ഗ്ര​സ് നി​ശ്ച​യി​ച്ച അ​തേ വി​ഷ​യ​ത്തി​ൽ അ​തേ വേ​ദി​യി​ൽ പ​രി​പാ​ടി ന​ട​ത്തുകയും ചെയ്തു.

എം.​കെ. രാ​ഘ​വ​ൻ എം.​പി​യും ഡി.​സി.​സി പ്ര​സി​ഡ​ന്റ് അ​ഡ്വ. കെ. ​പ്ര​വീ​ൺ​കു​മാ​റും പ​രി​പാ​ടി​യി​ലു​ണ്ടാ​യി​രു​ന്നു. പ​രി​പാ​ടി റ​ദ്ദാ​ക്കാ​ൻ ത​രൂ​രി​നോ​ട് താ​ൽ​പ​ര്യ​മി​ല്ലാ​ത്ത സം​സ്ഥാ​ന​ത്തെ ചി​ല നേ​താ​ക്ക​ളു​ടെ സ​മ്മ​ർ​ദ​മു​ണ്ടെ​ന്ന ച​ർ​ച്ച ശ​നി​യാ​ഴ്ച രാ​വി​ലെ മു​ത​ൽ അ​ണി​യ​റ​യി​ലു​ണ്ടാ​യി​രു​ന്നു. വൈ​കീ​ട്ടോ​ടെ പ​രി​പാ​ടി റ​ദ്ദാ​ക്കി​യ​താ​യി അ​റി​യി​പ്പ് വ​ന്നു. ജി​ല്ല പ്ര​സി​ഡ​ന്റി​ന് സു​ഖ​മി​ല്ലാ​ത്ത​തി​നാ​ൽ പ​രി​പാ​ടി മാ​റ്റി എ​ന്നാ​ണ് യൂ​ത്ത് കോ​ൺ​ഗ്ര​സ് വൃ​ത്ത​ങ്ങ​ളു​ടെ വി​ശ​ദീ​ക​ര​ണം. പി​ന്നാ​ലെ​യാ​ണ് സം​ഘാ​ട​ക​ർ മാ​റി പ​രി​പാ​ടി ന​ട​ത്തു​മെ​ന്ന അ​റി​യി​പ്പ് വ​ന്ന​ത്.

എ.​ഐ.​സി.​സി പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ത​രൂ​രി​ന​നു​കൂ​ല​മാ​യ ശ​ക്ത​മാ​യ ഗ്രൂ​പ് കോ​ഴി​ക്കോ​ട്ട് രൂ​പ​പ്പെ​ട്ടി​രു​ന്നു. പു​തി​യ സാ​ഹ​ച​ര്യ​ത്തി​ൽ ത​രൂ​രി​നെ വെ​ട്ടാ​ൻ ന​ട​ത്തി​യ ശ്ര​മ​മാ​ണ് പൊ​ട്ടി​യ​ത്. എന്നാൽ, എം.​കെ. രാ​ഘ​വ​ൻ ത​രൂ​രി​ന്റെ പ്ര​ഭാ​ഷ​ണ ​പ​രി​പാ​ടി​യി​ൽ സം​ബ​ന്ധിക്കുകയും ചെയ്തു. ഇ​തോ​ടെ ത​രൂ​ർ അ​നു​കൂ​ലി​ക​ളും എ​തി​രാ​ളി​ക​ളും ത​മ്മി​ലെ പോ​ര് മ​റ​നീ​ക്കിയിരിക്കുകയാണ്. സം​സ്ഥാ​ന നേ​താ​ക്ക​ളി​ൽ ചി​ല​രു​ടെ സ​മ്മ​ർ​ദ​മാ​ണ് യൂ​ത്ത് കോ​ൺ​ഗ്ര​സ് പി​ന്മാ​റ്റ​ത്തി​ന് പി​ന്നി​ലെ​ന്ന പ്ര​ചാ​ര​ണ​ത്തെ കു​റി​ച്ച് നേ​താ​ക്ക​ൾ മൗ​നം ​പാ​ലി​ക്കു​കയാണ്. ത​രൂ​രി​ന് ഏ​റെ അ​നു​കൂ​ലി​ക​ളു​ള്ള ത​ട്ട​ക​മാ​ണ് കോ​ഴി​ക്കോ​ട്.