ഷാരോൺ വധം: അന്തിമ റിപ്പോർട്ടും തുടർ നടപടികളും റദ്ദാക്കണമെന്ന് പ്രതികൾ

കൊ​ച്ചി: കാ​മു​ക​നാ​യി​രു​ന്ന ഷാ​രോ​ൺ രാ​ജി​നെ ക​ഷാ​യ​ത്തി​ൽ വി​ഷം ചേ​ർ​ത്ത് ന​ൽ​കി കൊ​ല​പ്പെ​ടു​ത്തി​യ കേ​സി​ലെ അ​ന്തി​മ റി​പ്പോ​ർ​ട്ട്​ റ​ദ്ദാ​ക്ക​ണ​മെ​ന്ന​ത​ട​ക്കം ആ​വ​ശ്യ​പ്പെ​ട്ട്​ മു​ഖ്യ​പ്ര​തി ഗ്രീ​ഷ്മ​യ​ട​ക്കം ഹൈ​കോ​ട​തി​യി​ൽ ഹ​ര​ജി ന​ൽ​കി. സം​ഭ​വം ന​ട​ന്ന​ത് ത​മി​ഴ്നാ​ട്ടി​ലാ​യ​തി​നാ​ൽ വി​ചാ​ര​ണ​യും അ​വി​ടെ​യാ​ണ്​ ന​ട​ത്തേ​ണ്ട​തെ​ന്നും പ​രി​ഗ​ണ​ന​യി​ലു​ള്ള അ​ന്തി​മ റി​പ്പോ​ർ​ട്ടും കോ​ട​തി​യും നി​യ​മ​പ​ര​മാ​യ വി​ചാ​ര​ണ ഉ​റ​പ്പാ​ക്കു​ന്നി​ല്ലെ​ന്നും ചൂ​ണ്ടി​ക്കാ​ട്ടി​യാ​ണ് ഹരജി.

ഗ്രീ​ഷ്മ, മ​റ്റ് പ്ര​തി​ക​ളാ​യ അ​മ്മ സി​ന്ധു, അ​മ്മാ​വ​ൻ നി​ർ​മ​ൽ കു​മാ​ര​ൻ നാ​യ​ർ എ​ന്നി​വ​രാണ് ഹ​ര​ജി നൽകിയത്. ഹരജിയിൽ ജ​സ്റ്റി​സ്​ ബെ​ച്ചു കു​ര്യ​ൻ തോ​മ​സ്​ സ​ർ​ക്കാ​റ​ട​ക്കം എ​തി​ർ ക​ക്ഷി​ക​ളു​ടെ വി​ശ​ദീ​ക​ര​ണം തേ​ടി. 22ന്​ ​വീ​ണ്ടും പ​രി​ഗ​ണി​ക്കും.

അ​ന്തി​മ റി​പ്പോ​ർ​ട്ട്​ റ​ദ്ദാ​ക്കാ​ൻ നേ​ര​ത്തേ ഹൈ​കോ​ട​തി​യെ സ​മീ​പി​ച്ചെ​ങ്കി​ലും വി​ചാ​ര​ണ​ക്കോ​ട​തി​യി​ൽ ഉ​ന്ന​യി​ക്കാ​നാ​ണ്​ നി​ർ​​ദേ​ശി​ച്ച​ത്. ഈ ​ആ​വ​ശ്യം അം​ഗീ​ക​രി​ക്കാ​തി​രു​ന്ന വി​ചാ​ര​ണ​ക്കോ​ട​തി അ​ന്തി​മ റി​പ്പോ​ർ​ട്ട്​ സ്വീ​ക​രി​ച്ച്​ വി​ചാ​ര​ണ ന​ട​പ​ടി​ക​ൾ ആ​രം​ഭി​ച്ച്​ ഉ​ത്ത​ര​വി​ടു​ക​യാ​യി​രു​ന്നു.

2022 ഒ​ക്ടോ​ബ​ർ 17ന് ​രാ​വി​ലെ ക​ഷാ​യം ക​ഴി​ച്ച് ഗു​രു​ത​രാ​വ​സ്ഥ​യി​ലാ​യ ഷാ​രോ​ൺ 25ന് ​തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് മ​രി​ച്ച​ത്. മ​റ്റൊ​രാ​ളു​മാ​യി വി​വാ​ഹം നി​ശ്ച​യി​ച്ച​തി​നെ​ത്തു​ട​ർ​ന്ന് ബ​ന്ധ​ത്തി​ൽ​നി​ന്ന് പി​ന്മാ​റ​ണ​മെ​ന്ന് ആ​വ​ശ്യ​പ്പെ​ട്ടി​ട്ടും സ​മ്മ​തി​ക്കാ​തി​രു​ന്ന​തി​ന​ത്തു​ട​ർ​ന്ന് ഗ്രീ​ഷ്മ ഷാ​രോ​ണി​നെ വീ​ട്ടി​ൽ വി​ളി​ച്ചു​വ​രു​ത്തി വി​ഷം ക​ല​ർ​ന്ന ക​ഷാ​യം ന​ൽ​കി​യെ​ന്നും തു​ട​ർ​ന്ന് ആ​ശു​പ​ത്രി​യി​ൽ മ​രി​ച്ചു​വെ​ന്നു​മാ​ണ് കേ​സ്.