വിദ്യാഭ്യാസത്തിൽ പോലും ഫാസിസം അടിച്ചേൽപ്പിക്കുന്നു -ഷാനിമോൾ ഉസ്മാൻ

കണ്ണൂർ: വിദ്യാഭ്യാസ രംഗത്ത് പോലും ഭാരതത്തി​​െൻറ ചരിത്രം തിരുത്തി വർഗീയ ഫാസിസം നടപ്പാക്കി അടക്കി ഭരിക്കാൻ ശ്രമിക്കുന്നതായി കെ.പി.സി.സി രാഷ്​ട്രീയ കാര്യ സമിതി അംഗം ഷാനിമോൾ ഉസ്മാൻ പറഞ്ഞു. കെ.പി.എസ്.ടി.എ സംസ്ഥാന സമ്മേളനത്തി​​െൻറ ഭാഗമായി നടന്ന വിദ്യാഭ്യാസ സമ്മേളനം ഉദ്ഘാടനം ചെയ്യുകയായിരുന്നു അവർ. പരീക്ഷയിലും വിദ്യാഭ്യാസത്തി​​െൻറ അനുബന്ധ പരിപാടികളും പി.ടി.എ കമ്മിറ്റികളിൽ പോലും രാഷ്​ട്രീയം തിരുകി പുതിയ തലമുറയെ വഴിതെറ്റിക്കാനും അധ്യാപകരെ ദ്രോഹിക്കാനുമാണ് കേരളം ഭരിക്കുന്ന ഇടതു സർക്കാർ ശ്രമിക്കുന്നത്. ഇതിനെതിരെ ജനാധിപത്യ അധ്യാപക സംഘടനകൾ പോരാടണമെന്നും ഷാനിമോൾ പറഞ്ഞു.