Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകെ. സുധാകരനെതിരായ...

കെ. സുധാകരനെതിരായ വിമർശനത്തിൽ ക്ഷമ ചോദിച്ച്​ ഷാനിമോൾ ഉസ്​മാൻ

text_fields
bookmark_border
Shanimol Usman injured after slipping in MLA hostel room
cancel

തിരുവനന്തപുരം: മുഖ്യമന്ത്രിക്കെതിരായ പരാമർശത്തിൽ കെ.സുധാകരനെ വിമർശിച്ചതിന്​ പിന്നാലെ സംഭവത്തിൽ ക്ഷമ ചോദിച്ച്​ കോൺഗ്രസ്​ നേതാവ്​ ഷാനിമോൾ ഉസ്​മാൻ . ഷാനിമോളിന്‍റെ പ്രസ്​താവന വിവാദമായതിനെ തുടർന്നാണ്​ ക്ഷമാപണമെന്നാണ്​ സൂചന. പ്രസ്​താവന സുധാകരന്​ വിഷമമുണ്ടാക്കിയെങ്കിൽ ക്ഷമചോദിക്കുന്നുവെന്ന്​ ഷാനി മോൾ ഉസ്​മാൻ പറഞ്ഞു.

സുധാകരനുമായി സംസാരിക്കാതെ പ്രതികരിച്ചത്​ തെറ്റായി. ത​െന്‍റ പ്രസ്​താവനക്ക്​ മറ്റ്​ നേതാക്കളുമായി ബന്ധ​മില്ലെന്നും ഷാനിമോൾ ഉസ്​മാൻ പറഞ്ഞു. ഫേസ്​ബുക്ക്​ പോസ്റ്റിലൂടെയാണ്​ ഷാനിമോൾ ഉസ്​മാന്‍റെ പ്രതികരണം.

ഷാനിമോൾ ഉസ്​മാന്‍റെ ഫേസ്​ബുക്ക്​ പോസ്റ്റിന്‍റെ പൂർണ്ണ രൂപം

കഴിഞ്ഞ ദിവസം ഞാൻ ബഹുമാന്യ ശ്രീ കെ സുധാകരൻ എം പി നടത്തിയ ഒരു പ്രസംഗത്തോടനുബന്ധിച്ചു ഒരു ചാനലിൽ നൽകിയ പ്രതികരണം വലിയ വിവാദമായതിൽ വലിയ വിഷമമുണ്ട്. മന്ത്രി ശ്രീ സുധാകരൻ എന്നെയും ശ്രീ V. S ലതികാ സുഭാഷിനെയും ശ്രീ വിജയരാഘവൻ രമ്യ ഹരിദാസ് എം. പി യേയും കൂടാതെ നിരവധി വ്യക്തിപരമായ പരാമർശങ്ങൾ ഞാനടക്കം ഉള്ളവർക്കുണ്ടാക്കിയിട്ടുള്ള മനപ്രയാസവും പ്രതിഷേധവും മായാതെ നിൽക്കുന്നത് കൊണ്ട്, എന്‍റെ പാർട്ടിയുടെ ആരും ഇത്തരത്തിൽ പ്രതികരിക്കരുതെന്ന് ആഗ്രഹിച്ചിരുന്നു, ആയതിനാൽ ബഹു. K. സുധാകരൻ എംപി യോട് ഒന്ന് ഫോണിൽ സംസാരിക്കാതെ പോലും പെട്ടെന്ന് പ്രതികരിച്ചത് എന്‍റെ പിഴവാണ്. എന്‍റെ രാഷ്ട്രീയ പ്രവർത്തനത്തിൽ ഏറെ പിന്തുണയും പ്രോത്സാഹനവും നൽകുകയും അരൂർ ബൈ ഇലക്ഷനിൽ പോലും ദിവസങ്ങളോളം എന്‍റെ വിജയത്തിന് വേണ്ടി പ്രവർത്തിക്കുകയും ചെയ്ത ബഹു കെ സുധാകരൻ അവർക്കൾക്കുണ്ടായ വ്യക്തിപരമായ പ്രയാസത്തിൽ ഞാൻ ക്ഷമ ചോദിക്കുന്നു ഒപ്പം എന്റെ പ്രതികരണത്തിലൂടെ കോൺഗ്രസ്‌ നേതാക്കൾക്കും പ്രവർത്തകർക്കുമുണ്ടായ പ്രയാസത്തിൽ ഞാൻ ഖേദം പ്രകടിപ്പിക്കുന്നു, ഞാൻ നടത്തിയ പ്രതികരണത്തിൽ പാർട്ടിയുടെ ഒരു നേതാവിനും യാതൊരു ബന്ധവുമില്ല എന്നും അറിയിക്കുന്നു, ഈ വിവാദം ഇവിടെ അവസാനിപ്പിക്കണമെന്ന് അഭ്യർത്ഥിക്കുന്നു.

സുധാകരൻ ആരെയും അപമാനിച്ചില്ലെന്ന്​ ചെന്നിത്തല

കോ​ഴി​ക്കോ​ട്​: മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ കെ.​പി.​സി.​സി വ​ർ​ക്കി​ങ്​​പ്ര​സി​ഡ​ൻ​റ്​​ കെ. ​സു​ധാ​ക​ര​ൻ എം.​പി ന​ട​ത്തി​യ വി​വാ​ദ പ​രാ​മ​ർ​ശ​ത്തി​ൽ മ​ല​ക്കം​മ​റി​ഞ്ഞ്​ പ്ര​തി​പ​ക്ഷ നേ​താ​വ്​ ര​മേ​ശ്​ ചെ​ന്നി​ത്ത​ല. സു​ധാ​ക​ര​ൻ ആ​രെ​യും അ​പ​മാ​നി​ച്ചി​ട്ടി​ല്ലെ​ന്ന്​ ചെ​ന്നി​ത്ത​ല മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു. 'ഇ​ത്ത​രം പ​രാ​മ​ർ​ശം ഒ​ഴി​വാ​ക്ക​ണം'​എ​ന്നാ​യി​രു​ന്നു വ്യാ​ഴാ​ഴ്​​ച ​ചെ​ന്നി​ത്ത​ല വാ​ർ​ത്ത​സ​മ്മേ​ള​ന​ത്തി​ൽ പ്ര​തി​ക​രി​ച്ച​ത്. എ​ന്നാ​ൽ, പൊ​തു​വാ​യി പ​റ​ഞ്ഞ​താ​ണെ​ന്നാ​ണ്​ വെ​ള്ളി​യാ​ഴ്​​ച​ത്തെ വി​ശ​ദീ​ക​ര​ണം. സു​ധാ​ക​ര​നെ ത​ള്ളി​പ്പ​റ​ഞ്ഞി​ട്ടി​ല്ല. താ​ൻ പ​റ​ഞ്ഞ​തി​നെ വേ​റെ രീ​തി​യി​ൽ ചി​ത്രീ​ക​രി​ച്ച​താ​ണ്. എ​ത്ര​യോ വ​ർ​ഷ​മാ​യി രാ​ഷ്​​ട്രീ​യ​രം​ഗ​ത്തു​ള്ള സു​ധാ​ക​ര​ൻ പാ​ർ​ട്ടി​ക്ക്​ മു​ത​ൽ​ക്കൂ​ട്ടാ​ണ്. ആ​ല​ങ്കാ​രി​ക​മാ​യി മു​ഖ്യ​മ​ന്ത്രി​യു​ടെ ധാ​രാ​ളി​ത്ത​ത്തെ​യും ധൂ​ർ​ത്തി​നെ​യും പ​റ്റി​യാ​ണ്​ അ​ദ്ദേ​ഹം പ​റ​ഞ്ഞ​ത്. ന​ല്ല അ​നു​യാ​യി​വൃ​ന്ദ​മു​ള്ള നേ​താ​വു കൂ​ടി​യാ​ണ്​ സു​ധാ​ക​ര​നെ​ന്ന്​ ചെന്നിത്തല​ പ​റ​ഞ്ഞു. ഈ ​വി​വാ​ദം അ​വ​സാ​നി​പ്പി​ക്ക​ണ​മെ​ന്നും തെ​റ്റി​ദ്ധാ​ര​ണ​ജ​ന​ക​മാ​യാ​ണ്​ വാ​ർ​ത്ത​ക​ൾ ന​ൽ​കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്ത​ു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:K.SUDAKARANShanimol Osman
Next Story