ഷാനവാസ്​ നരണിപ്പുഴയുടെ ഹൃദയമിടിപ്പ്​ നിലച്ചിട്ടില്ല​, അദ്​​ഭുതങ്ങൾ പ്രതീക്ഷിക്കുന്നു -വിജയ്​ ബാബു

സംവിധായകൻ ഷാനവാസ് നരണിപ്പുഴ ​ മരണപ്പെട്ടിട്ടില്ലെന്ന്​ നടനും നിർമാതാവുമായ വിജയ്​ ബാബു. ഷാനവാസ്​ വെന്‍റിലേറ്ററിൽ തുടരുകയാണെന്നും ഹൃദയമിടിപ്പുണ്ടെന്നും വിജയ്​ ബാബു ഫേസ്​ബുക്കിൽ കുറിച്ചു.

ഇന്ന്​ രാവിലെയോടെ ഷാനവാസ്​ മരണപ്പെ​ട്ടെന്ന്​ വാർത്ത പരന്നിരുന്നു. സിനിമ സംഘടനയായ ഫെഫ്​ക അടക്കമുള്ളവരും മരണം സ്ഥിരീകരിച്ചിരുന്നു. ഇതി​നിടെയാണ്​ വിജയ്​ ബാബുവിന്‍റെ വെളിപ്പെടുത്തൽ.

എല്ലാവരും പ്രാർഥിക്കണമെന്നും കൂടുതൽ വിവരങ്ങൾ അറിയിക്കാമെന്നും വിജയ്​ ബാബു കൂട്ടിച്ചേർത്തു. ഷാനവാസ്​ നരണിപ്പുഴ സംവിധാനം ചെയ്​ത 'സൂഫിയും സുജാതയും' എന്ന ചിത്രത്തിന്‍റെ നിർമാതാവായിരുന്നു വിജയ്​ ബാബു.