എ.എൻ. ഷംസീർ എം.എൽ.എയുടെയും പി. ശശിയുടെയും വീടിനുനേരെ ബോംബേറ്
text_fields
കണ്ണൂർ: ഹർത്താൽദിനത്തിലെ അക്രമത്തിെൻറ തുടർച്ചയായി എ.എൻ. ഷംസീർ എം.എൽ.എയുടെയും സി.പി.എം മുൻ ജില്ല സെക്രട്ടറി പി. ശശിയുടെയും വീടിനുനേർക്ക് ബോംബേറ്. ഇരിട്ടിയിൽ ഡി.വൈ.എഫ്.െഎ പ്രവർത്തകന് വെേട്ടറ്റു. വെള്ളിയാഴ്ച രാത ്രി 9.30ന് തലശ്ശേരി മാടപ്പീടികയിലുള്ള ഷംസീറിെൻറ അമീനാസ് എന്ന വീടിനു നേർക്കാണ് ഒരുസംഘം ബോംബെറിഞ്ഞത്. വ ീടിെൻറ കോമ്പൗണ്ടിലാണ് ബോംബ് വീണത്. സ്ഫോടനത്തിെൻറ ശക്തിയിൽ ചെടിച്ചട്ടികളും വാട്ടർടാങ്കും തകർന്നു. സംഭവസമയത്ത് ഷംസീർ വീട്ടിലുണ്ടായിരുന്നില്ല. വീട്ടിൽ കുടുംബാംഗങ്ങളുണ്ടായിരുന്നുവെങ്കിലും ആർക്കും പരിക്കില്ല. വിവരമറിഞ്ഞ് തലശ്ശേരി പൊലീസ് സ്ഥലത്തെത്തി.
ശബരിമലയിൽ സ്ത്രീകൾ പ്രവേശിച്ചതിനെ തുടർന്നുണ്ടായ ഹർത്താലിെൻറ ഭാഗമായി തലശ്ശേരി മേഖലയിൽ വ്യാപകമായി അക്രമങ്ങൾ നടന്നിരുന്നു. ഇതിെൻറ ഭാഗമായാണ് ബോംബേറുണ്ടായതെന്ന് കരുതുന്നതായി പൊലീസ് സൂചിപ്പിച്ചു. പുറത്തുനിന്നുള്ള സംഘമാണ് സംഭവത്തിനു പിന്നിലെന്ന് കരുതുന്നതായും പൊലീസ് പറഞ്ഞു. ആർ.എസ്.എസ് സംസ്ഥാന നേതൃത്വത്തിെൻറ അറിവോടെയാണ് അക്രമമുണ്ടായതെന്ന് എ.എൻ. ഷംസീർ എം.എൽ.എ ആരോപിച്ചു. സമാധാനാന്തരീക്ഷം നിൽക്കുന്ന പ്രദേശമാണിത്. ബോധപൂർവം സംഘർഷമുണ്ടാക്കുന്നതിനുള്ള ശ്രമത്തിെൻറ ഭാഗമായാണ് അക്രമമുണ്ടായിരിക്കുന്നതെന്നും ഷംസീർ പറഞ്ഞു. തലശ്ശേരി എ.എസ്.പിയുടെ നേതൃത്വത്തിൽ പൊലീസ് സ്ഥലത്ത് ക്യാമ്പ് ചെയ്യുന്നുണ്ട്.
പി. ശശിയുടെ തലശ്ശേരി ജില്ല കോടതിക്കു സമീപം ജോസ്ഗിരി ആശുപത്രിക്കു സമീപമുള്ള വീടിനുനേരെയാണ് ഇന്നലെ രാത്രി 11.10ന് ബോംബേറുണ്ടായത്. ബൈക്കിലെത്തിയ രണ്ടംഗസംഘമാണ് ബോംബെറിഞ്ഞത്. ശശിയുടെ കുടുംബാംഗങ്ങളാണ് വീട്ടിലുണ്ടായിരുന്നത്. ആർക്കും പരിക്കില്ല. സംഭവമറിഞ്ഞ് സി.പി.എം പ്രവർത്തകർ സ്ഥലത്ത് തടിച്ചുകൂടിയിട്ടുണ്ട്. പൊലീസ് സ്ഥലത്ത് ക്യാമ്പ് ചെയ്യുന്നു.
ഇരിട്ടിക്കടുത്ത് പെരുമ്പറമ്പിലെ ഡി.വൈ.എഫ്.െഎ പ്രവർത്തകൻ വിശാഖിനാണ് (29) വെേട്ടറ്റത്. വെള്ളിയാഴ്ച രാത്രി പത്തുമണിയോടെ കാരിയത്തുവെച്ചാണ് ഒരുസംഘം വെട്ടിയത്. കഴുത്തിൽ വെട്ടുകൊണ്ട് ഗുരുതരാവസ്ഥയിലായ വിശാഖിനെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സംഭവത്തിനു പിന്നിൽ ആർ.എസ്.എസാണെന്ന് സി.പി.എം ആരോപിച്ചു.