കാലിക്കറ്റ് സർവകലാശാലയിലെ ശാഹീൻ ബാഗ് സമര പന്തൽ തകർത്തു

തേഞ്ഞിപ്പലം: കാലിക്കറ്റ്​ സർവ്വകലാശാലയിലെ ശാഹീൻബാഗ്​ സമരപ്പന്തൽ തകർത്തു. ഇന്ന്​ രാവിലെയാണ്​ ശാഹീൻഭാഗ്​ സമരപ്പന്തലിലെ ബാനറുകളും കസേരകളും തകർത്തത്​.

കഴിഞ്ഞ ആറ് ദിവസമായി ശാഹീന്‍ ബാഗ് സമരത്തിന് ഐക്യദാർഢ്യം പ്രഖ്യാപിച്ച് കാലിക്കറ്റ് യൂണിവേഴ്സിറ്റി ക്യാമ്പസിനുള്ളിൽ നടത്തിവന്നിരുന്ന സമരപ്പന്തൽ ആണ് തകർക്കപ്പെട്ടത്. പ്രതിഷേധ സ്ഥലം മാറ്റണമെന്ന് ആവശ്യപ്പെട്ട് എസ്.എഫ്.ഐ പ്രവർത്തകർ സമര സമിതി പ്രവർത്തകരുമായി ഇന്നലെ വാക്കേറ്റം നടത്തിയിരുന്നു.

സമരത്തിന്​ എസ്​.എഫ്​.ഐയിൽ നിന്നും ഭീഷണിയുണ്ടായിരുന്നതായി സംഘാടകർ പറയുന്നു. വിവിധ സംഘടനകളുടെ പിന്തുണ​യോടെ ഫ്രറ്റേണിറ്റിയാണ്​ സമരം നടത്തുന്നത്​.