ഷഹബാസ് വധക്കേസ്​: കുറ്റാരോപിതരായ വിദ്യാർഥികൾ പ്ലസ് വൺ പ്രവേശനം നേടി

താ​മ​ര​ശ്ശേ​രി: ഷ​ഹ​ബാ​സ് വ​ധ​ക്കേ​സി​ലെ കു​റ്റാ​രോ​പി​ത​രാ​യ വി​ദ്യാ​ർ​ഥി​ക​ൾ പ്ല​സ് വ​ൺ പ്ര​വേ​ശ​നം നേ​ടി. താ​മ​ര​ശ്ശേ​രി ഗ​വ. വൊ​ക്കേ​ഷ​ന​ൽ ഹ​യ​ർ​സെ​ക്ക​ൻ​ഡ​റി സ്‌​കൂ​ളി​ലാ​ണ് മൂ​ന്നു​പേ​ർ പ്ര​വേ​ശ​നം നേ​ടി​യ​ത്. ര​ണ്ടു​പേ​ർ കോ​ഴി​ക്കോ​ട് ന​ഗ​ര​ത്തി​ലെ മ​റ്റു സ്കൂ​ളു​ക​ളി​ലും പ്ര​വേ​ശ​നം നേ​ടി.

പ്ല​സ് വ​ൺ പ്ര​വേ​ശ​നം നേ​ടാ​ൻ വി​ദ്യാ​ർ​ഥി​ക​ളെ അ​നു​വ​ദി​ച്ച് ക​ഴി​ഞ്ഞ ദി​വ​സം ഹൈ​കോ​ട​തി ഉ​ത്ത​ര​വു​ണ്ടാ​യി​രു​ന്നു. ആ​വ​ശ്യ​മാ​യ സു​ര​ക്ഷ ഉ​റ​പ്പാ​ക്ക​ണ​മെ​ന്ന് താ​മ​ര​ശ്ശേ​രി പൊ​ലീ​സി​നോ​ടും കോ​ട​തി നി​ർ​ദേ​ശി​ച്ചു. അ​തേ​സ​മ​യം, വി​ദ്യാ​ർ​ഥി​ക​ൾ​ക്ക് പ്ര​വേ​ശ​നം ന​ൽ​ക​രു​തെ​ന്നാ​വ​ശ്യ​പ്പെ​ട്ട് എം.​എ​സ്.​എ​ഫ്, കെ.​എ​സ്‌.​യു പ്ര​വ​ർ​ത്ത​ക​ർ സ്കൂ​ളി​ലേ​ക്ക് പ്ര​തി​ഷേ​ധ മാ​ർ​ച്ച്​ ന​ട​ത്തി. വ്യാ​ഴാ​ഴ്ച രാ​വി​ലെ കു​റ്റാ​രോ​പി​ത​രാ​യ വി​ദ്യാ​ർ​ഥി​ക​ളു​മാ​യി സ്കൂ​ളി​ലേ​ക്കെ​ത്തി​യ വാ​ഹ​ന​ത്തി​നു മു​ന്നി​ലേ​ക്ക് ചാ​ടി​വീ​ണ കെ.​എ​സ്.​യു-​എം.​എ​സ്.​എ​ഫ് പ്ര​വ​ർ​ത്ത​ക​രെ പൊ​ലീ​സ് അ​റ​സ്റ്റ് ചെ​യ്ത് നീ​ക്കി.

അ​തി​നി​ടെ, മ​ക​നെ ക്രൂ​ര​മാ​യി മ​ർ​ദി​ച്ച് കൊ​ല​പ്പെ​ടു​ത്തി​യ വി​ദ്യാ​ർ​ഥി​ക​ൾ പ്ര​വേ​ശ​നം നേ​ടി​യ​ത് സ​ങ്ക​ട​ക​ര​മാ​യ കാ​ര്യ​മാ​ണെ​ന്നും ഇ​ത് സ​മൂ​ഹ​ത്തി​ന് തെ​റ്റാ​യ സ​ന്ദേ​ശ​മാ​ണ് ന​ൽ​കു​ന്ന​തെ​ന്നും ഷ​ഹ​ബാ​സി​ന്റെ പി​താ​വ് ഇ​ഖ്ബാ​ൽ പ്ര​തി​ക​രി​ച്ചു.

ക​ഴി​ഞ്ഞ ഫെ​ബ്രു​വ​രി 27നാ​ണ് താ​മ​ര​ശ്ശേ​രി​യി​ലെ സ്വ​കാ​ര്യ ട്യൂ​ഷ​ൻ സെ​ന്റ​റി​ൽ വി​ദ്യാ​ർ​ഥി​ക​ൾ ത​മ്മി​ലു​ണ്ടാ​യ പ്ര​ശ്ന​ത്തെ തു​ട​ർ​ന്ന് എ​ളേ​റ്റി​ൽ എം.​ജെ.​എ​ച്ച്.​എ​സ്.​എ​സി​ലെ പ​ത്താം ക്ലാ​സ് വി​ദ്യാ​ർ​ഥി​യാ​യി​രു​ന്ന മു​ഹ​മ്മ​ദ് ഷ​ഹ​ബാ​സി​നെ (15) ഒ​രു സം​ഘം വി​ദ്യാ​ർ​ഥി​ക​ൾ ക്രൂ​ര​മാ​യി മ​ർ​ദി​ച്ച​ത്. തു​ട​ർ​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട ഷ​ഹ​ബാ​സ് മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.