വിദ്യാർഥിയുടെ മരണം: ‘പാമ്പ് കടിച്ചെന്ന് പറഞ്ഞിട്ടും അധ്യാപകർ ഒന്നും ചെയ്തില്ല’

സു​ൽ​ത്താ​ൻ ബ​ത്തേ​രി: ക്ലാസ്മുറിയിൽ പാമ്പുകടിയേറ്റ് അഞ്ചാം ക്ലാസ് വിദ്യാർഥിനി മരിച്ച സംഭവത്തിൽ അധ്യാപകർക ്കെതിരെ ഗുരുതര ആരോപണം. വിദ്യാർഥിനിയെ പാമ്പ് കടിച്ചെന്ന് പറഞ്ഞിട്ടും അധ്യാപകർ ഒന്നും ചെയ്തില്ലെന്ന് സഹപാഠികൾ പറഞ്ഞു. രക്തമൊലിക്കുന്ന കാലുമായി വിദ്യാർഥി ഏറെ നേരം ഇരുന്നു. കുട്ടിയുടെ രക്ഷിതാവ് എത്തിയ ശേഷം മാത്രമാണ് ആശുപത ്രിയിലെത്തിച്ചത്. 3.15ന് സംഭവം ഉണ്ടായിട്ടും 45 മിനിറ്റോളം വൈകിയെന്നും സഹപാഠികൾ പറഞ്ഞു.

ക്ലാസിൽ പാമ്പുണ്ടെന്ന് വിദ്യാർഥികൾ പരാതിപ്പെട്ടിരുന്നു. കുട്ടികളെ ക്ലാസിൽ ചെരുപ്പിടാൻ അനുവദിക്കാറില്ലെന്ന് രക്ഷിതാക്കളും കുറ്റപ്പെടുത്തുന്നു.

അതേസമയം, വിദ്യാർഥി മരിച്ച സംഭവത്തിൽ അന്വേഷണം ആരംഭിച്ചതായി ജില്ല കലക്ടർ അദീല അബ്ദുല്ല പറഞ്ഞു. സംഭവം വിദ്യാഭ്യാസ വകുപ്പും അന്വേഷിക്കും.

ബു​ധ​നാ​ഴ്ച വൈ​കീ​ട്ട് നാ​ലോ​ടെ ബ​ത്തേ​രി ഗ​വ. സ​ർ​വ​ജ​ന സ്കൂ​ളി​ലാണ് സംഭവം. പു​ത്ത​ൻ​കു​ന്ന് ചി​റ്റൂ​രി​ലെ നൊ​ത്ത​ൻ​വീ​ട്ടി​ൽ അ​ഡ്വ. അ​സീ​സിന്‍റെ​യും അ​ഡ്വ. സ​ജ്ന​യു​ടെ​യും മ​ക​ൾ ഷ​ഹ​ല ഷെ​റി​നാ​ണ് (10) മ​രി​ച്ച​ത്. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​കു​ന്ന​തി​നി​ടെ​യായിരുന്നു മ​ര​ണം.

സം​ഭ​വ​ത്തെ​ക്കു​റി​ച്ച് സ്കൂ​ൾ അ​ധി​കൃ​ത​ർ പ​റ​യു​ന്ന​ത്: വൈ​കീ​ട്ട് മൂ​ന്നോ​ടെ ക്ലാ​സ് ന​ട​ക്കു​ന്ന​തി​നി​ടെ കു​ട്ടി​യു​ടെ കാ​ൽ ഭി​ത്തി​യോ​ടു ചേ​ർ​ന്ന പൊ​ത്തി​ൽ​പെ​ടു​ക​യും കാ​ലി​ൽ മു​റി​വു​പ​റ്റു​ക​യു​മാ​യി​രു​ന്നു. മു​റി​വി​ൽ​നി​ന്നു ര​ക്തം എ​ടു​ത്ത​തോ​ടെ മ​റ്റു കു​ട്ടി​ക​ൾ അ​ധ്യാ​പ​ക​രെ വി​വ​ര​മ​റി​യി​ച്ചു. വി​ദ്യാ​ർ​ഥി​നി​യു​ടെ കാ​ൽ പ​രി​ശോ​ധി​ച്ച​പ്പോ​ൾ പാ​മ്പു​ക​ടി​യേ​റ്റ​തു​പോ​ലു​ള്ള പാ​ടു​ക​ൾ ക​ണ്ടു. ഉ​ട​നെ കു​ട്ടി​യു​ടെ പി​താ​വി​നെ സ്കൂ​ൾ അ​ധി​കൃ​ത​ർ വി​വ​ര​മ​റി​യി​ച്ചു. പി​താ​വ് എ​ത്തി​യ​തി​നു​ശേ​ഷം സ്കൂ​ൾ അ​ധി​കൃ​ത​രും ചേ​ർ​ന്ന് ആ​ദ്യം ബ​ത്തേ​രി​യി​ലെ സ്വ​കാ​ര്യ ആ​ശു​പ​ത്രി​യി​ലും പി​ന്നീ​ട് താ​ലൂ​ക്ക് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.