വിദ്യാർഥി സംഘർഷം; ആസൂത്രണം സമൂഹ മാധ്യമങ്ങൾവഴി

താ​മ​ര​ശ്ശേ​രി: മു​ഹ​മ്മ​ദ് ഷ​ഹ​ബാ​സ് (15) കൊ​ല്ല​പ്പെ​ട്ട​തി​ന് പി​ന്നി​ലു​ള്ള ആ​സൂ​ത്ര​ണം മു​ഴു​വ​ന്‍ ന​ട​ന്ന​ത് സ​മൂ​ഹ മാ​ധ്യ​മ​ങ്ങ​ൾ വ​ഴി. ഇ​ക്കാ​ര്യ​ങ്ങ​ൾ വ്യ​ക്ത​മാ​ക്കു​ന്ന നി​ർ​ണാ​യ​ക ശ​ബ്ദ​സ​ന്ദേ​ശ​ങ്ങ​ൾ പു​റ​ത്തു​വ​ന്നു. ‘‘ഷ​ഹ​ബാ​സി​നെ കൊ​ല്ലും, ഞാ​ന്‍ പ​റ​ഞ്ഞാ​ല്‍ കൊ​ല്ലും. അ​വ​ന്റെ ക​ണ്ണ് പോ​യി നോ​ക്ക്, ക​ണ്ണൊ​ന്നു​മി​ല്ല, അ​വ​ര​ല്ലേ ഇ​ങ്ങോ​ട്ട് അ​ടി​ക്കാ​ന്‍ വ​ന്ന​ത്, മ​രി​ച്ച് ക​ഴി​ഞ്ഞാ​ലും വ​ല്യ വി​ഷ​യ​മൊ​ന്നു​മി​ല്ല, കേ​സൊ​ന്നും എ​ടു​ക്കി​ല്ല’’ തു​ട​ങ്ങി​യ കു​ട്ടി​ക്കു​റ്റ​വാ​ളി സം​ഘ​ത്തി​ന്റെ ഞെ​ട്ടി​ക്കു​ന്ന ഇ​ന്‍സ്റ്റ​ഗ്രാം സ​ന്ദേ​ശ​ങ്ങ​ളാ​ണ് പു​റ​ത്തു​വ​ന്ന​ത്.

ഇ​ന്‍സ്റ്റ​ഗ്രാ​മി​ന് പു​റ​മേ വാ​ട്‌​സ്ആ​പ് ഗ്രൂ​പ്പു​ണ്ടാ​ക്കി​യും ആ​ക്ര​മ​ണ​ത്തി​ന് ആ​സൂ​ത്ര​ണം ന​ട​ത്തി​യ​താ​യി പൊ​ലീ​സി​ന്​ വി​വ​രം ല​ഭി​ച്ചി​ട്ടു​ണ്ട്. പ​ത്താം ക്ലാ​സി​ല്‍ പ​ഠി​ക്കു​ന്ന കു​ട്ടി​ക​ള്‍ ക്രി​മി​ന​ലു​ക​ളെ വെ​ല്ലു​ന്ന ത​ര​ത്തി​ലാ​ണ് സ​മൂ​ഹ മാ​ധ്യ​മ​ങ്ങ​ളി​ല്‍ ആ​ശ​യ​വി​നി​മ​യം ന​ട​ത്തി​യ​ത്. സ​ഹ​വി​ദ്യാ​ര്‍ഥി​യെ വ​ക​വ​രു​ത്താ​ന്‍ ഒ​രു മ​ന​സ്താ​പ​വും ഇ​വ​ർ കാ​ണി​ക്കു​ന്നി​ല്ല. കൊ​ല​പ്പെ​ടു​ത്തി​യാ​ല്‍ കേ​സൊ​ന്നും എ​ടു​ക്കി​ല്ലെ​ന്ന ആ​ത്മ​വി​ശ്വാ​സ​വും ധൈ​ര്യ​വു​മാ​ണ് പ്ര​ക​ടി​പ്പി​ക്കു​ന്ന​ത്.

വെ​ള്ളി​യാ​ഴ്ച സം​ഭ​വ​വു​മാ​യി ബ​ന്ധ​പ്പെ​ട്ട് താ​മ​ര​ശ്ശേ​രി ഗ​വ. ഹ​യ​ർ സെ​ക്ക​ൻ​ഡ​റി സ്‌​കൂ​ളി​ലെ അ​ഞ്ചു വി​ദ്യാ​ര്‍ഥി​ക​ളെ ക​സ്റ്റ​ഡി​യി​ലെ​ടു​ത്തി​രു​ന്നു. ഇ​തി​ല്‍ ഒ​രു​കു​ട്ടി​യു​ടെ മൊ​ബൈ​ല്‍ ഫോ​ണ്‍ പ​രി​ശോ​ധി​ച്ച​പ്പോ​ഴാ​ണ് ഞെ​ട്ടി​ക്കു​ന്ന ശ​ബ്ദ​സ​ന്ദേ​ശ​ങ്ങ​ൾ ക​ണ്ടെ​ത്തി​യ​ത്.