ഹാദിയയെ മതപരിവർത്തനത്തിന്​ നിർബന്ധിക്കു​െന്നന്ന്​ ഷെഫി​െൻറ പരാതി

കൊല്ലം: ത​​െൻറ ഭാര്യ ഹാദിയയെ തടങ്കലിൽ ​െവച്ച്​ നിർബന്ധിത മതപരിവർത്തനത്തിന്​ ശ്രമിക്കു​െന്നന്ന്​ കാട്ടി ഹാദിയയെ വിവാഹം കഴിച്ച ഷെഫിൻ ജഹാൻ പൊലീസിൽ പരാതി നൽകി. കോട്ടയം എസ്​.പിക്കാണ്​ പരാതി നൽകിയത്​. ഹൈകോടതി പിതാവിനൊപ്പം വിട്ട ഹാദിയ അവിടെ തടങ്കലിലാണെന്നും നിർബന്ധിച്ച്​ മതം മാറ്റുന്നതിനായി ജാമിദ ടീച്ചർ എന്ന സ്​ത്രീ മൂന്നു മണിക്കൂറിലധികം ശ്രമം നടത്തിയതായും സോഷ്യൽ മീഡിയയിൽ പ്രചാരണം നടക്കുന്നത്​ ചൂണ്ടിക്കാട്ടിയാണ്​ പരാതി നൽകിയത്​. 

ഹാദിയയുടെ പിതാവ്​ അശോകന്​ പ്രത്യേക താൽപര്യമുള്ളവർക്കും ഘർവാപസി പ്രസ്​ഥാനവുമായി ബന്ധമുള്ളവർക്കും സംഘ്​പരിവാർ നേതാക്കൾക്കും മാത്രമാണ്​ ഹാദിയയെ കാണാൻ സാധിക്കുന്നതെന്ന്​ പരാതിയിൽ ചൂണ്ടിക്കാട്ടുന്നു. ഇസ്​ലാമിൽനിന്ന്​ പുറത്തുപോകുകയും മുസ്​ലിംകൾക്കെതിരെ പ്രചാരണങ്ങളും മറ്റു പ്രവർത്തനങ്ങളും നടത്തിവരുന്ന ഖുർആൻ സുന്നത്ത്​ സൊസൈറ്റി എന്ന ദുരൂഹ സംഘടനയുടെ വനിതാ നേതാവാണ്​ ജാമിദയെന്ന്​ ഷെഫിൻ പരാതിയിൽ ആരോപിക്കുന്നു. 

തിങ്കളാഴ്​ച സുപ്രീംകോടതിയിൽ ഹാജരായി തനിക്ക്​ പറയാനുള്ളത്​ ബോധിപ്പിക്കാനിരിക്കെ ഹാദിയയിൽ സമ്മർദം ചെലുത്താനും ഭീഷണിപ്പെടുത്താനും നീക്കം. അവരുടെ മാനസികനില തകരാറിലാണെന്ന്​ വരുത്തിത്തീർക്കാനുള്ള ശ്രമമാണ്​ ജാമിദയും ഘർവാപസി കേന്ദ്രങ്ങളും ഹാദിയയുടെ പിതാവ്​ അശോകനും ചേർന്ന്​ നടത്തുന്നത്​. ഹാദിയ സ്വതന്ത്രമായും സമ്മർദങ്ങളില്ലാതെയും സുരക്ഷിതയായും സുപ്രീംകോടതിയിൽ ഹാജരാകുന്നതിന്​ തടസ്സം നിൽക്കുന്ന ജാമിദക്കെതിരെ ക്രിമിനൽ നിയമനടപടി സ്വീകരിക്കണമെന്ന്​ ഷെഫിൻ പരാതിയിൽ പറയുന്നു.