എസ്.എഫ്.ഐയെ ഗുണ്ടകളുടെ റിക്രൂട്ടിങ് ഏജൻസിയായിട്ടാണ് വളർത്തുന്നത് -ഷാഫി പറമ്പിൽ

കോഴിക്കോട്: കോട്ടയം നഴ്സിങ് കോളജിലെ റാഗിങ്ങിൽ എസ്.എഫ്.ഐക്ക് രൂക്ഷ വിമർശനവുമായി ഷാഫി പറമ്പിിൽ എം.പി. അധികാരവും ഭരണവും പാർട്ടിയും എസ്.എഫ്.ഐയെ ഗുണ്ടകളുടെ റിക്രൂട്ടിങ് ഏജൻസി ആയിട്ടാണ് വളർത്തുന്നതെന്ന് ഷാഫി പറമ്പൽ ഫേസ്ബുക്കിൽ കുറിച്ചു. സ്വാതന്ത്ര്യം, ജനാധിപത്യം, സോഷ്യലിസം എന്നൊക്കെ അർഥമില്ലാതെ ഉറക്കെ വിളിച്ചു പറയാൻ ചുരുട്ടിയ മുഷ്ടി കൊണ്ടാണ് വിദ്യാർഥിയെ കോമ്പസ് കൊണ്ട് കുത്തി നോവിച്ചതെന്നും ഷാഫി പറമ്പിൽ ചൂണ്ടിക്കാട്ടി.

ഷാഫി പറമ്പലിന്‍റെ ഫേസ്ബുക്ക് പോസ്റ്റ്

സ്വാതന്ത്ര്യം ജനാധിപത്യം സോഷ്യലിസം എന്നൊക്കെ അർത്ഥമില്ലാതെ ഉറക്കെ വിളിച്ചു പറയാൻ ചുരുട്ടിയ ആ മുഷ്ടി തന്നെയാണ് ഒരു വിദ്യാർത്ഥി വേദന കൊണ്ട് പുളഞ്ഞു കരയുമ്പോഴും കോമ്പസ്സ് കൊണ്ട് ഒരോ ഇഞ്ചിലും അവനെ കുത്തി നോവിച്ചത്.

സിദ്ധാർത്ഥിനെ ആൾക്കൂട്ട വിചാരണ നടത്തി കൊലയ്ക്ക് കൊടുത്ത SFI, റാഗിംഗും ഒരു സുപ്രധാന സംഘടനാ പ്രവർത്തനമാക്കി കേരളമാകെ വ്യാപിപ്പിക്കുന്ന ക്രൂരതക്ക് നേതൃത്വം നൽകുകയാണ്. അധികാരവും ഭരണവും പാർട്ടിയും SFIയെ ഗുണ്ടകളുടെ റിക്രൂട്ടിംഗ്‌ ഏജൻസി ആയിട്ടാണ് വളർത്തുന്നത്‌. അവർ നേതാക്കന്മാരെയല്ല, ഗുണ്ടകളെ സൃഷ്ടിക്കാനാണഗ്രഹിക്കുന്നത്‌. ഉണ്ടാവുന്നതും അത് തന്നെയാണ്.

കോ​ട്ട​യം ഗ​വ. മെ​ഡി​ക്ക​ൽ കോ​ള​ജി​ലെ ന​ഴ്‌​സി​ങ്​ കോ​ള​ജ്​ ഹോ​സ്റ്റ​ലി​ൽ ആ​റ് ജൂ​നി​യ​ർ വി​ദ്യാ​ർ​ഥി​കളെ ക്രൂ​ര​മാ​യി റാ​ഗി​ങ് ചെയ്ത കേസിൽ എസ്.എഫ്.ഐയുടെ നഴ്‌സിങ് സംഘടനയായ കെ.ജി.എസ്.എൻ.എയുടെ സംസ്ഥാന ഭാരവാഹി അടക്കം അ​ഞ്ച്​ സീ​നി​യ​ർ വി​ദ്യാ​ർ​ഥി​ക​ളെയാണ് അ​റ​സ്റ്റ് ചെ​യ്തത്. കേസിലെ ഒന്നാം പ്രതിയായ രാഹുൽ രാജ് കെ.ജി.എസ്.എൻ.എയുടെ സ്റ്റേറ്റ് സെക്രട്ടറിയും എസ്.എഫ്.ഐ വണ്ടൂർ ലോക്കൽ കമ്മറ്റി ഭാരവാഹിയുമാണ്.

മൂ​ന്നാം​ വ​ർ​ഷ വി​ദ്യാ​ർ​ഥി​ക​ളാ​യ മ​ല​പ്പു​റം വ​ണ്ടൂ​ർ ക​രു​മാ​ര​പ്പ​റ്റ വീ​ട്ടി​ൽ രാ​ഹു​ൽ രാ​ജ് (22), മ​ല​പ്പു​റം മ​ഞ്ചേ​രി പ​യ്യ​നാ​ട് ക​ച്ചേ​രി​പ്പ​ടി വീ​ട്ടി​ൽ റി​ജി​ൽ​ജി​ത്ത് (20), മൂ​ന്നി​ല​വ് വാ​ള​കം ക​ര​പ്പ​ള്ളി ഭാ​ഗ​ത്ത് കീ​രി​പ്ലാ​ക്ക​ൽ വീ​ട്ടി​ൽ സാ​മു​വ​ൽ (20), വ​യ​നാ​ട് ന​ട​വ​യ​ൽ പു​ൽ​പ​ള്ളി ഞാ​വ​ല​ത്ത് വീ​ട്ടി​ൽ ജീ​വ (19), കോ​രു​ത്തോ​ട് മ​ടു​ക്ക നെ​ടു​ങ്ങാ​ട് വീ​ട്ടി​ൽ വി​വേ​ക് (21) എ​ന്നി​വ​രാ​ണ്​ കേസിലെ പ്രതികൾ.

ശ​രീ​ര​മാ​സ​ക​ലം വ​ര​ഞ്ഞ് മു​റി​വു​ണ്ടാ​ക്കി അ​തി​ൽ സ്പി​രി​റ്റ്​ പു​ര​ട്ടി വേ​ദ​ന​യി​ൽ പു​ള​യു​ന്ന​ത്​ നോ​ക്കി ര​സി​ക്കു​ന്ന ക്രൂ​ര ​വി​നോ​ദ​മാ​യി​രു​ന്നു പ​ല ദി​വ​സ​ങ്ങ​ളി​ലും അ​ര​ങ്ങേ​റി​യി​രു​ന്ന​ത്. വാ​യി​ലും ശ​രീ​ര​ഭാ​ഗ​ങ്ങ​ളി​ലും ക്രീം ​തേ​ച്ചു​പി​ടി​പ്പി​ക്ക​ൽ, ന​ഗ്​​ന​രാ​ക്കി നി​ർ​ത്ത​ൽ, സ്വ​കാ​ര്യ ഭാ​ഗ​ങ്ങ​ളി​ൽ ഡം​ബ​ൽ (വ്യാ​യാ​മ ഉ​പ​ക​ര​ണം) തൂ​ക്ക​ൽ, ക​ഴു​ത്തി​ൽ ക​ത്തി​െ​വ​ച്ച് ഭീ​ഷ​ണി​പ്പെ​ടു​ത്ത​ൽ, ദേ​ഹോ​പ​ദ്ര​വം ഏ​ൽ​പി​ക്ക​ൽ, മ​ദ്യ​പി​ക്കാ​ൻ ഭീ​ഷ​ണി​പ്പെ​ടു​ത്തി പ​ണം വാ​ങ്ങ​ൽ തു​ട​ങ്ങി​യ പീ​ഡ​ന​ങ്ങ​ളും പ​തി​വാ​യി​രു​ന്നെ​ന്ന്​ വി​ദ്യാ​ർ​ഥി​ക​ൾ പൊ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു.

ക​ഴി​ഞ്ഞ ന​വം​ബ​ർ മു​ത​ലാ​ണ്​ റാ​ഗി​ങ്ങി​ന്‍റെ മ​റ​വി​ൽ ക്രൂ​ര​പീ​ഡ​നം തു​ട​ങ്ങി​യ​ത്. പ​രാ​തി​പ്പെ​ടു​ക​യോ പു​റ​ത്തു ​പ​റ​യു​ക​യോ ചെ​യ്താ​ൽ ഗു​രു​ത​ര ഭ​വി​ഷ്യ​ത്തു​ണ്ടാ​കു​മെ​ന്ന്​ ഭീ​ഷ​ണി​പ്പെ​ടു​ത്തി​യി​രു​ന്നു. ലി​ബി​ൻ, അ​ജി​ത്, ദി​ലീ​പ്, ആ​ദ​ർ​ശ്, അ​രു​ൺ, അ​മ​ൽ എ​ന്നി​വ​രാ​ണ്​ ക​ഴി​ഞ്ഞ മൂ​ന്നു​മാ​സ​മാ​യി നി​ര​ന്ത​ര റാ​ഗി​ങ്ങി​ന്​​ ഇ​ര​യാ​യ​ത്. ജാ​മ്യ​മി​ല്ലാ വ​കു​പ്പു​ക​ൾ ചു​മ​ത്തി​യാ​ണ് പ്രതികൾക്കെതിരെ കേ​സെ​ടു​ത്തി​രി​ക്കു​ന്ന​ത്.