ജനപ്രതിനിധികൾ സ്വന്തം മുഖത്തേക്ക് കാർക്കിച്ച് തുപ്പണമെന്ന് റിയാസ്​ ഇന്നും പറയുമോ ? -ഷാഫി പറമ്പിൽ

പാലക്കാട്​: കരിപ്പൂർ വിമാനത്താവളത്തിൽ സന്ദർശനം നടത്തിയതിനെ തുടർന്ന്​ മുഖ്യമന്ത്രിയും മന്ത്രിമാരും സ്വയം നിരീക്ഷണത്തിൽ പോകാം എന്ന തീരുമാനമെടുത്തിന്​ പിന്നാലെ സംഭവത്തിൽ ഡി.വൈ.എഫ്​​.െഎയുടെ അഭിപ്രായം ആരാഞ്ഞ്​ യൂത്ത്​ കോൺഗ്രസ്​ സംസ്ഥാന അധ്യക്ഷൻ ഷാഫി പറമ്പിൽ. ജനപ്രതിനിധികൾ ക്വാറൻറീനിൽ പോകുന്നതുമായി ബന്ധപ്പെട്ട്​ ഡി.​വൈ.എഫ്​.​െഎയുടെ പഴയ നിലപാടുകൾ ഉന്നയിച്ച് കൊണ്ട്​​ ചോദ്യങ്ങളുമായാണ്​ ഷാഫി പറമ്പിൽ ഫേസ്​ബുക്കിൽ എത്തിയിരിക്കുന്നത്​.

ഫേസ്​ബുക്ക്​ പോസ്റ്റി​െൻറ പൂർണ്ണരൂപം

DYFI അഭിപ്രായം പറയണം .

മുഖ്യമന്ത്രിയും മന്ത്രിമാരും മരണത്തി​െൻറ വ്യാപാരികൾ ആയത് കൊണ്ടാണോ നിരീക്ഷണത്തിൽ പോകേണ്ടി വന്നത് ? അതോ പൊതുപ്രവർത്തകർ എന്ന നിലയ്ക്കും ജനപ്രതിനിധികൾ ആയത് കൊണ്ടും അനിവാര്യമായ ഇടപെടലുകൾ നടത്തേണ്ടി വന്നത് കൊണ്ടാണോ ?

ഈ കൊടും ചതി കേരളം മറക്കില്ല എന്ന പോസ്റ്ററുണ്ടാവോ ?

ക്വാറൻറീനിൽ പോകേണ്ടി വരുന്ന ജനപ്രതിനിധികൾ ആത്മാഭിമാനമുണ്ടെങ്കിൽ സ്വന്തം മുഖത്തേക്ക് കാർക്കിച്ച് തുപ്പണമെന്ന് മുഹമ്മദ് റിയാസിന് ഇന്നും അഭിപ്രായമുണ്ടോ ?

ആരും രോഗബാധിതരാവാതിരിക്കട്ടെ .