പെണ്‍കുട്ടിയുടെ കുടുംബവുമായി അടുത്ത ബന്ധം; കുറ്റം സമ്മതിച്ച് ഷെഫീഖ് അൽഖാസിമി

നെടുമങ്ങാട്​ (തിരുവനന്തപുരം): പ്രായപൂർത്തിയാകാത്ത പെണ്‍കുട്ടിയെ ബലാത്സംഗം ചെയ്​ത കേസില്‍ അറസ്​റ്റിലായ തൊളി ക്കോട് ജമാഅത്ത് മുൻ ഇമാം ഷെഫീഖ്​ അൽ ഖാസിമി കുറ്റം സമ്മതിച്ചതായി പൊലീസ്​. വീട്ടിൽ കൊണ്ടുവിടാമെന്ന്​ പറഞ്ഞ്​ പെൺകുട്ടിയെ കാറിൽ കൊണ്ടു​േപായതായും വഴിയിൽ​െവച്ച്​ സ്​ത്രീകൾ ഉൾപ്പെട്ട സംഘം തടഞ്ഞതായും മൊഴി നൽകിയെന്ന്​ ത ിരുവനന്തപുരം റൂറൽ എസ്​.പി ബി. അ​േശാക്​ പറഞ്ഞു.

മധുരയിൽനിന്ന്​ പിടികൂടിയ ഷെഫീഖിനെയും (37) സഹായി പെരുമ്പാവൂർ സ്വദേശിയും ബന്ധുവുമായ ഫാസിലിനെയും (38) നെടുമങ്ങാട് കോടതിയിൽ ഹാജരാക്കി റിമാൻഡ് ചെയ്തു. ഷെഫീഖിനെ മധുര കളവാസൽ ക്ഷേത്രത്തിന്​ സമീപത്തെ ലോഡ്ജിൽനിന്നാണ്​ പിടികൂടിയത്. ഇയാളെ ഒളിവിൽ താമസിക്കാൻ സഹായിച്ചയാളാണ് ഫാസിൽ. സംഭവത്തിനുശേഷം ഷെഫീക്ക് വേഷം മാറി വിശാഖപട്ടണം, ഊട്ടി, കോയമ്പത്തൂർ എന്നിവിടങ്ങളിൽ ഒളിവിൽ കഴിയുകയായിരുന്നെന്ന് പൊലീസ് പറഞ്ഞു.

ഫെബ്രുവരി 12ന്​ സ്കൂൾ വിട്ടിറങ്ങിയ കുട്ടിയെ വിതുര പേപ്പാറ വനപ്രദേശത്ത് കൊണ്ടുപോയി കാറിൽ​െവച്ച്​ ബലാത്സംഗം ചെയ്യുകയായിരുന്നെന്നാണ്​ കേസ്​. സംഭവം പുറത്തായപ്പോൾ പ്രതി നാടുവിട്ടു. സംഭവം പുറത്തുപറയരുതെന്ന്​ പെൺകുട്ടിയെ ഭീഷണിപ്പെടുത്തുകയും ചെയ്​തു. പ്രതിയെ പിടികൂടാത്തതിൽ ഹൈകോടതി പൊലീസിനെ രൂക്ഷമായി വിമർശിച്ചിരുന്നു. പൊലീസ് 12 സംഘങ്ങളായാണ്​ അന്വേഷിച്ചിരുന്നത്​. ലുക്കൗട്ട് നോട്ടീസും പുറപ്പെടുവിച്ചിരുന്നു. ​പ്രതിയെ സാമ്പത്തികമായി സഹായിച്ച റാഫി, ഷഫീക്ക് എന്നിവരുൾപ്പെടെ മറ്റ്​ മൂന്ന്​ പ്രതികളെ അറസ്​റ്റ്​ ചെയ്തിട്ടുണ്ട്. ഇമാമിനെ രക്ഷപ്പെടാൻ സഹായിച്ചവർക്കെതിരെ അന്വേഷണം നടക്കുന്നുണ്ട്.

മധുരയിൽനിന്ന്​ ​ഷെഫീഖിനെയും ഫാസിലിനെയും വ്യാഴാഴ്ച രാത്രിയാണ്​ നെടുമങ്ങാട് വലിയമല പൊലീസ് സ്​റ്റേഷനിൽ എത്തിച്ചത്. വെള്ളിയാഴ്ച രാവിലെ നെടുമങ്ങാട് ജില്ല ആശുപത്രിയിൽ വൈദ്യപരിശോധനക്ക് വിധേയമാക്കി. കസ്​റ്റഡിയിൽ ലഭിക്കാൻ അപേക്ഷ നൽകിയതായും പൊലീസ് പറഞ്ഞു.