എസ്.എഫ്.ഐയെ അനുശ്രീയും ആർഷോയും നയിക്കും

പെരിന്തൽമണ്ണ: എസ്.എഫ്.ഐ സംസ്ഥാന പ്രസിഡന്റായി കെ. അനുശ്രീയെയും സെക്രട്ടറിയായി പി.എം. ആർഷോ​​​യെയും 34ാം സംസ്ഥാന സമ്മേളനം തെരഞ്ഞെടുത്തു. പാലക്കാട് സ്വദേശിയും മഹാരാജാസ് കോളജിലെ പി.ജി വിദ്യാര്‍ഥിയുമായ പി.എം ആർഷോ എസ്.എഫ്.ഐ എറണാകുളം ജില്ല സെക്രട്ടറി കൂടിയാണ്. കെ അനുശ്രീ എസ്.എഫ്.ഐ കണ്ണൂർ ജില്ല പ്രസിഡന്‍റ് കൂടിയാണ്.

വൈസ് പ്രസിഡന്റുമാർ: ഡോ ഷറീന സലാം, എ.എ അക്ഷയ് (ആലപ്പുഴ), ഗോകുൽ ഗോപിനാഥ് (തിരുവനന്തപുരം), വി. വിചിത്ര (പാലക്കാട്‌). ജോയന്റ് സെക്രട്ടറിമാർ: ജി.ടി അഞ്ജു കൃഷ്‌ണ (കൊല്ലം), കെ.വി അനുരാഗ് (കോഴിക്കോട്), ഹസൻ മുബാറഖ് (തൃശൂർ), ഇ അഫ്‌സൽ (മലപ്പുറം). സെക്രട്ടേറിയറ്റ് അംഗങ്ങൾ: ജിഷ്‌ണു ഷാജി (വയനാട്), അമൽ എബ്രഹാം (പത്തനംതിട്ട), ടോണി കുര്യാക്കോസ് (ഇടുക്കി), ബിബിൻ രാജ് (കാസർഗോഡ്), സരിത (തൃശൂർ), വൈഷ്‌ണവ് മഹേന്ദ്രൻ (കണ്ണൂർ), മെൽവിൻ ജോസഫ് (കോട്ടയം), ജാൻവി സത്യൻ (കോഴിക്കോട്).