വിദ്യാർഥികളുടെ അവകാശങ്ങൾക്കു​മേലുള്ള കടന്നുകയറ്റം -എസ്​.എഫ്​.​െഎ

തിരുവനന്തപുരം: വിദ്യാഭ്യാസ സ്ഥാപനങ്ങളിൽ രാഷ്​ട്രീയം വേ​െണ്ടന്ന ഹൈകോടതി നിലപാട് വിദ്യാർഥികളുടെ അവകാശങ്ങൾക്കുമേലുള്ള കടന്നുകയറ്റമാണെന്ന്​ എസ്.എഫ്.ഐ സംസ്ഥാന സെക്രട്ടേറിയറ്റ്. കാമ്പസ് സംഘടനാ പ്രവർത്തനം വിദ്യാർഥികളുടെ ജനാധിപത്യപരമായ അവകാശമാണ്. ഭരണഘടന ഉറപ്പുതരുന്ന പൗരസ്വാതന്ത്ര്യത്തെ നിരോധിച്ചുകൊണ്ടുള്ള ഹൈകോടതിയുടെ നിലപാട് ദൗർഭാഗ്യകരമാണ്.

വിദ്യാർഥികളുടെ ജനാധിപത്യവത്കരണവും വിദ്യാഭ്യാസത്തി​​െൻറ പുരോഗതിയും സാമൂഹിക മുന്നേറ്റവുമാണ് വിദ്യാർഥി സംഘടന പ്രവർത്തനത്തിലൂടെ സാക്ഷാത്കരിക്കുന്നത്. വിദ്യാർഥി രാഷ്​ട്രീയത്തിനെതിരായ ഏതൊരു നീക്കത്തെയും ഒറ്റക്കെട്ടായി വിദ്യാർഥി സമൂഹവും പൊതുജനങ്ങളും ചെറുത്തുതോൽപിക്കണമെന്നും പ്രസ്താവന പറയുന്നു.