ലൈംഗികാതിക്രമം: ഫോ​ണിലൂ​ടെ പ​രാ​തിപ്പെട്ടാൽ ന​ട​പ​ടി​യു​ണ്ടാകണം​

കൊ​ച്ചി: ലൈം​ഗി​കാ​തി​ക്ര​മ​ത്തി​ന് ഇ​ര​യാ​കു​ന്ന​വ​ർ ഫോ​ൺ കാ​ളി​ലൂ​ടെ പ​രാ​തി ഉ​ന്ന​യി​ച്ചാ​ൽ ഉ​ട​ൻ ന​ട​പ​ടി​യു​ണ്ടാ​കു​ന്ന സം​വി​ധാ​നം വേ​ണ​മെ​ന്ന്​​ ഹൈ​കോ​ട​തി. ധൈ​ര്യ​ത്തോ​ടെ വി​ളി​ച്ച് പ​രാ​തി ഉ​ന്ന​യി​ക്കാ​ൻ ക​ഴി​യു​ന്ന ടോ​ൾ ഫ്രീ ​ന​മ്പ​ർ അ​നി​വാ​ര്യ​മാ​ണ്. നി​ല​വി​ലെ ന​ട​പ​ടി​ക​ൾ പ​ല​തും ക​ട​ലാ​സി​ൽ ഒ​തു​ങ്ങു​ന്ന​താ​യും ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ അ​ഭി​പ്രാ​യ​പ്പെ​ട്ടു. ലൈം​ഗി​കാ​തി​ക്ര​മ​ത്തി​ന് ഇ​ര​യാ​യ യു​വ​തി പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ ന​ൽ​കി​യ ഹ​ര​ജി പ​രി​ഗ​ണി​ക്ക​വെ​യാ​ണ്​ ഇ​തു​മാ​യി ബ​ന്ധ​പ്പെ​ട്ട ചി​ല നി​ർ​ദേ​ശ​ങ്ങ​ൾ ന​ൽ​കി​യ​ത്. ഹ​ര​ജി വീ​ണ്ടും ജൂ​ണ് എ​ട്ടി​ന് പ​രി​ഗ​ണി​ക്കാ​ൻ മാ​റ്റി.

അ​തി​ക്ര​മ​ത്തി​ന് ഇ​ര​യാ​കു​ന്ന​വ​ർ​ക്ക്​ ഫോ​ൺ കാ​ളി​ലൂ​ടെ പ​രാ​തി ഉ​ന്ന​യി​ക്കാ​നും അ​തി​ൽ 24 മ​ണി​ക്കൂ​റി​നു​ള്ളി​ൽ ന​ട​പ​ടി സ്വീ​ക​രി​ക്കാ​നും ക​ഴി​യ​ണം. നി​ല​വി​ലു​ള്ള 112 എ​ന്ന ടോ​ൾ ഫ്രീ ​ന​മ്പ​ർ പ​ര​മാ​വ​ധി പ്ര​ച​രി​പ്പി​ക്ക​ണം. ഇ​ത്ത​രം പ​രാ​തി​ക​ൾ ല​ഭി​ച്ചാ​ൽ ഉ​ട​ൻ ഇ​ത് ര​ജി​സ്റ്റ​ർ ചെ​യ്യു​ക​യും ബ​ന്ധ​പ്പെ​ട്ട പൊ​ലീ​സ് സ്റ്റേ​ഷ​നി​ൽ അ​റി​യി​ക്കു​ക​യും വേ​ണം. ഇ​ത്ത​രം കാ​ളു​ക​ൾ എ​ടു​ക്കാ​ൻ മ​തി​യാ​യ പ​രി​ശീ​ല​നം ല​ഭി​ച്ച​വ​രെ മാ​ത്ര​മേ നി​യ​മി​ക്കാ​വൂ. ലൈം​ഗി​കാ​തി​ക്ര​മ, ബാ​ല​പീ​ഡ​ന പ​രാ​തി​ക​ൾ ല​ഭി​ച്ചാ​ൽ ഒ​രു മ​ണി​ക്കൂ​റി​ന​കം ഇ​ര​യെ നേ​രി​ട്ടോ ഫോ​ണി​ലോ ബ​ന്ധ​പ്പെ​ട​ണം. ഒ​രു കാ​ര​ണ​വ​ശാ​ലും സ്റ്റേ​ഷ​നി​ലേ​ക്ക് വി​ളി​ച്ചു​വ​രു​ത്ത​രു​ത്. ഇ​ര​യു​ടെ വീ​ട്ടി​ൽ​വെ​ച്ചോ അ​വ​ർ പ​റ​യു​ന്ന മ​റ്റെ​വി​ടെ​യെ​ങ്കി​ലും വെ​ച്ചോ ആ​യി​രി​ക്ക​ണം മൊ​ഴി രേ​ഖ​പ്പെ​ടു​ത്തേ​ണ്ട​ത്. ര​ക്ഷി​താ​ക്ക​ളു​ടെ​യോ സാ​മൂ​ഹി​ക പ്ര​വ​ർ​ത്ത​ക​രു​ടെ​യോ സാ​ന്നി​ധ്യ​വും വേ​ണം.

ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ൻ മൊ​ഴി​യെ​ടു​ത്ത്​ എ​ഫ്.​ഐ.​ആ​ർ ര​ജി​സ്റ്റ​ർ ​ചെ​യ്യ​ണം. തു​ട​ർ​ന്ന്​ ഉ​ട​ൻ ഇ​ര​യു​ടെ സ​ഹാ​യ​ത്തി​നും പി​ന്തു​ണ​ക്കു​മാ​യി വി​ക്ടിം ലെ​യ്സ​ൺ ഓ​ഫി​സ​റെ ചു​മ​ത​ല​പ്പെ​ടു​ത്ത​ണം. വി​ചാ​ര​ണ പൂ​ർ​ത്തി​യാ​കും വ​രെ നി​യ​മ​സ​ഹാ​യം ല​ഭ്യ​മാ​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.