ടിക് ടോക്കിലൂടെ പരിചയപ്പെട്ട്​ പീഡനം; അന്വേഷണം കാസര്‍കോ​ട്ടും

കാസര്‍കോട്: മൊബൈല്‍ഫോണില്‍ ടിക് ടോക് വിഡിയോ ആപ് വഴി പരിചയപ്പെട്ട്​ കൂത്തുപറമ്പ് സ്വദേശിനിയായ പതിനേഴുകാരിയെ പീഡിപ്പിച്ച കേസിൽ അന്വേഷണം കാസര്‍കോട്ടേക്ക് വ്യാപിപ്പിച്ചു. കാസര്‍കോട് സ്വദേശികളായ ദമ്പതികള്‍ക്കും സംഭവവു മായി ബന്ധമുണ്ടെന്നാണ്​ പൊലീസിന്​ ലഭിച്ച വിവരം.കേസില്‍ ആലപ്പുഴ നൂറനാട് സ്വദേശി എസ് അരുണിനെ (20) കൂത്തുപറമ്പ് ​െപാലീസ് കഴിഞ്ഞദിവസം അറസ്​റ്റ്​ ചെയ്തിരുന്നു. പെണ്‍കുട്ടിയുടെ വെളിപ്പെടുത്തലി​​െൻറ അടിസ്ഥാനത്തില്‍ കണ്ണൂര്‍ ശിവപുരം വെമ്പടിത്തട്ടിലെ എം. ലിജിലിനെയും (26) സുഹൃത്ത് ശിവപുരത്തെ കെ. സന്തോഷിനെയും (29) ​െപാലീസ് അറസ്​റ്റ്​ ചെയ്തിരുന്നു.

ടിക് ടോക് വിഡിയോവഴിയാണ് കൂത്തുപറമ്പ് സ്വദേശിനിയായ പെണ്‍കുട്ടിയെ അരുണ്‍ പരിചയപ്പെട്ടത്. പിന്നീട് അഭിനയം കുറച്ചുകൂടി മെച്ചപ്പെടാനുണ്ടെന്ന് പറഞ്ഞ് തിരുവനന്തപുരത്ത് എത്തിച്ചു. നാലു ദിവസത്തെ ക്യാമ്പുണ്ടെന്ന് പറഞ്ഞാണ് പെണ്‍കുട്ടി വീട്ടില്‍ നിന്നിറങ്ങിയത്. തിരിച്ചെത്താതിരുന്നതിനെ തുടര്‍ന്ന് മാതാവ് കൂത്തുപറമ്പ് ​െപാലീസില്‍ പരാതി നല്‍കുകയായിരുന്നു. പെണ്‍കുട്ടിയെ ​െപാലീസ് അന്വേഷിച്ച് കണ്ടെത്തിയെങ്കിലും യുവാവി​​െൻറ പേരും ഫോണ്‍ നമ്പറുമല്ലാതെ വിദ്യാര്‍ഥിനിക്ക് മറ്റുവിവരങ്ങള്‍ അറിയില്ലായിരുന്നു. സൈബര്‍സെല്ലി​​െൻറ സഹായത്തോടെ ഫോണ്‍ നമ്പര്‍ കേന്ദ്രീകരിച്ച് അന്വേഷണം നടത്തിയാണ്​ കോവളത്തെ ഹോട്ടലില്‍ ജോലിചെയ്യുന്ന അരുണിനെ കണ്ടെത്തി അറസ്​റ്റ്​ ചെയ്​തത്​.

കാസര്‍കോട് സ്വദേശികളായ ദമ്പതികള്‍ക്കൊപ്പം മൂന്നാറിലും എറണാകുളത്തും പെണ്‍കുട്ടി താമസിച്ചിരുന്നതായി ​െപാലീസ് അന്വേഷണത്തില്‍ വ്യക്തമായിട്ടുണ്ട്. ഇതോടെ കാസര്‍കോട്ടെ ദമ്പതികളെ കുറിച്ചും അന്വേഷണമാരംഭിക്കുകയായിരുന്നു. ഒരുവര്‍ഷം മുമ്പ് ശിവപുരത്തിനടുത്ത് കൊണ്ടുപോയി പീഡിപ്പിച്ചെന്ന പെണ്‍കുട്ടിയുടെ മൊഴിപ്രകാരമാണ് ലിജിലും സുഹൃത്തും ​െപാലീസ് പിടിയിലായത്. ക്വട്ടേഷന്‍ ആക്രമണ കേസുമായി ബന്ധപ്പെട്ട് റിമാന്‍ഡിലായിരുന്ന ലിജില്‍ അടുത്തിടെയാണ് പുറത്തിറങ്ങിയത്. ഇയാള്‍ ചന്ദനമോഷണ കേസിലും പ്രതിയാണെന്ന് ​െപാലീസ് പറഞ്ഞു. മൂന്നു പ്രതികളെയും കോടതി റിമാന്‍ഡ് ചെയ്തു.