Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവിവാഹ വാഗ്ദാനം നൽകി...

വിവാഹ വാഗ്ദാനം നൽകി പീഡിപ്പിച്ചെന്ന വിവാഹിതയുടെ പരാതിയിൽ ബലാത്സംഗക്കുറ്റം നിലനിൽക്കില്ലെന്ന് ഹൈകോടതി

text_fields
bookmark_border
വിവാഹ വാഗ്ദാനം നൽകി പീഡിപ്പിച്ചെന്ന വിവാഹിതയുടെ പരാതിയിൽ ബലാത്സംഗക്കുറ്റം നിലനിൽക്കില്ലെന്ന് ഹൈകോടതി
cancel

കൊച്ചി: വിവാഹ വാഗ്ദാനം നൽകി പീഡിപ്പിച്ചതായി വിവാഹിതയായ യുവതി നൽകുന്ന പരാതിയിൽ ബലാത്സംഗത്തിന്​ കേസെടുക്കാനാവില്ലെന്ന്​ ഹൈകോടതി. നിയമപരമായി നടത്തിയ വിവാഹം നിലനിൽക്കുമ്പോൾ മറ്റൊരു വിവാഹം സാധ്യമല്ലെന്ന് അറിയാമെന്നിരിക്കെ വിവാഹ വാഗ്ദാനം നൽകി പീഡിപ്പിച്ചെന്ന പരാതി നിലനിൽക്കില്ല.

ഉഭയസമ്മത പ്രകാരം ലൈംഗികബന്ധത്തിൽ ഏർപ്പെട്ട ശേഷം വിവാഹ വാഗ്ദാനത്തിൽനിന്ന് പിന്മാറിയാൽ പുരുഷനെതിരെ ബലാത്സംഗക്കുറ്റത്തിന് കേസെടുക്കാനാവില്ലെന്ന ഉത്തരവ്​ നിലവിലുണ്ട്​. പാലിക്കാനാവില്ലെന്ന ബോധ്യത്തോടെ മനഃപൂർവം വ്യാജ വിവാഹ വാഗ്ദാനം നൽകി ലൈംഗികമായി പീഡിപ്പിച്ചാൽ മാത്രമേ ബലാത്സംഗമായി കണക്കാക്കാനാവൂവെന്നും ജസ്റ്റിസ് കൗസർ എടപ്പഗത്ത് വ്യക്തമാക്കി.

തന്നെ വിവാഹ വാഗ്ദാനം നൽകി പീഡിപ്പി​ച്ചെന്ന കൊല്ലം സ്വദേശിനിയുടെ പരാതിയിൽ പുനലൂർ പൊലീസ്​ യുവാവിനെതിരെ രജിസ്റ്റർ ചെയ്ത കേസ്​ റദ്ദാക്കിയ ഉത്തരവിലാണ്​ കോടതിയുടെ നിരീക്ഷണം. കേസ്​ റദ്ദാക്കണമെന്ന യുവാവിന്‍റെ ഹരജിയാണ്​ കോടതി പരിഗണിച്ചത്​.

പരാതിക്കാരിയായ യുവതിയും ഹരജിക്കാരനും വിദേശത്ത് വെച്ചാണ് പരിചയത്തിലായത്. ഭർത്താവിൽനിന്ന്​ യുവതി അകന്നു കഴിയുകയാണെങ്കിലും വിവാഹമോചന നടപടികൾ പൂർത്തിയാക്കിയിട്ടില്ല. ഇതിനിടയിലാണ് ഹരജിക്കാരനുമായി അടുപ്പത്തിലാകുന്നതും ഉഭയകക്ഷി സമ്മതപ്രകാരം ലൈംഗികബന്ധത്തിൽ ഏർപ്പെടുന്നതും. വിവാഹം കഴിക്കാമെന്ന ഉറപ്പിലായിരുന്നു ലൈംഗികബന്ധമെന്നായിരുന്നു യുവതിയുടെ പരാതി. എന്നാൽ, വിവാഹിതയായതിനാൽ​ മറ്റൊരാളെ വിവാഹം കഴിക്കാനാകില്ലെന്ന്​ അറിയാമെന്നിരിക്കെ യുവതി നൽകിയ പരാതിയിൽ ബലാത്സംഗത്തിന്​ കേസെടുക്കൽ അസാധ്യമാണെന്ന്​ വ്യക്തമാക്കിയ​ കോടതി കേസ്​ റദ്ദാക്കി.

Show Full Article
TAGS:High Court marriage promise 
News Summary - Sex with the promise of marriage: High Court will not maintain the crime of rape in the complaint of the married woman
Next Story