ജനവാസകേന്ദ്രത്തി​ൽ മാലിന്യപ്ലാൻറ്​; കടലുണ്ടി പഞ്ചായത്തിനു മുന്നിൽ പ്രതിഷേധം 

കടലുണ്ടി: കോഴിക്കോട്​ കടലുണ്ടിയിൽ പ്രബോധിനി വായനശാലക്ക്​ സമീപം ജനവാസകേന്ദ്രത്തിൽ മാലിന്യ സംസ്​കരണ പ്ലാൻറ്​ നിർമിക്കാനുള്ള പഞ്ചായത്തി​​​െൻറ തീരുമാനത്തിനെതിരെ നാട്ടുകാരുടെ പ്രതിഷേധം. ജനകീയ കർമസമിതിയുടെ നേതൃത്വത്തിൽ നാട്ടുകാർ പഞ്ചായത്ത്​ ഒാഫീസിനു മുന്നിൽ പ്രതിഷേധ ധർണ നടത്തി. പരിസ്​ഥിതി പ്രവർത്തകൻ ടി.വി രാജൻ ധർണ ഉദ്​ഘാടനം ചെയ്തു.

ക്ഷേത്രവും വായനശാലയും വീടുകളുമുള്ള പ്രദേശത്താണ്​ മാലിന്യ പ്ലാൻറ്​ നിർമിക്കാനായി അധികൃതർ ശ്രമിക്കുന്നത്​. പഞ്ചായത്തിൽ മറ്റിടങ്ങളിൽ ഒഴിഞ്ഞ സ്​ഥലങ്ങൾ ഉണ്ടായിരിക്കേയാണ്​ ജനവാസകേന്ദ്രത്തിലേക്ക്​ മാലിന്യ പ്ലാൻറ്​ കൊണ്ടു വരുന്നതെന്നും ഇത്​ അനുവദിക്കാനാകില്ലെന്നും കർമ സമിതി നേതാക്കൾ പറഞ്ഞു.   

കർമസമിതി ചെയർമാൻ പുലാക്കാട്ട്​ ബാലകൃഷ്​ണൻ ആധ്യക്ഷം വഹിച്ചു. കൺവീനർ പി. വാസുദേവൻ, സി.ചന്ദ്രൻ, പട്ടയിൽ ബാബു, പനക്കൽ വിശ്വനാഥൻ, വിപിൻ പുലാക്കാട്ട്​, പി. അനൂപ്​, പനക്കൽ ചന്ദ്രദാസൻ തുടങ്ങിയവർ സംസാരിച്ചു.