കെ.എസ്.ആര്‍.ടി.സി ബസും ലോറിയും കൂട്ടിയിടിച്ച് നിരവധി പേര്‍ക്ക് പരിക്ക്

പാറശ്ശാല: കെ.എസ്.ആര്‍.ടി സി ബസും മീന്‍ ലോറിയും കൂട്ടിയിടിച്ച് നിരവധി പേര്‍ക്ക് പരിക്ക്. വ്യാഴാഴ്ച പുലര്‍ച്ചെ പാറശ്ശാലക്ക് സമീപം കാരാളിക്കും ഇഞ്ചിവിളക്കും ഇടയിലാണ് അപകടം. നാഗര്‍കോവിലില്‍ നിന്നും തിരുവനന്തപുരത്തേക്ക് വന്ന ബസും ആലപ്പുഴ നിന്നും കൂടംകുളത്തേക്ക് മീനുമായിപോവുകയായിരുന്ന ലോറിയുമാണ് അപകടത്തില്‍പ്പെട്ടത്.

ലോറി ഡ്രൈവര്‍ ആലപ്പുഴ സ്വദേശിയായ ശ്രീലാല്‍, കെ.എസ്.ആര്‍.ടി.സി. ഡ്രൈവര്‍ സത്യ ദാസ് എന്നിവരെ തിരുവനന്തപുരം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. ബസ് യാത്രക്കാരയ 15 പേരെ പാറശാല ഗവ.താലൂക്ക് ആശുപത്രിയില്‍ പ്രാഥമിക ചികിത്സ നല്‍കി വിട്ടയച്ചു. മീന്‍ ലോറിയുടെ അമിതവേഗതയാണ് അപകടത്തിനു കാരണമെന്ന്‌ നാട്ടുക്കാര്‍ അരോപിച്ചു.