Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസാരിയും കുർത്തയുമടക്കം...

സാരിയും കുർത്തയുമടക്കം മൃതദേഹങ്ങളുടെ വസ്​ത്രങ്ങൾ ശ്​മശാനങ്ങളിൽ നിന്ന്​ മോഷ്​ടിച്ച്​ വിൽക്കുന്ന സംഘം പിടിയിൽ

text_fields
bookmark_border
സാരിയും കുർത്തയുമടക്കം മൃതദേഹങ്ങളുടെ വസ്​ത്രങ്ങൾ ശ്​മശാനങ്ങളിൽ നിന്ന്​ മോഷ്​ടിച്ച്​ വിൽക്കുന്ന സംഘം പിടിയിൽ
cancel

ബാഗ്​പത്​: കോവിഡ്​ ബാധിച്ച്​ മരിക്കുന്നവരുടെ എണ്ണം രാജ്യത്ത്​ ഏറ്റവും കൂടുതൽ റിപ്പോർട്ട്​ ചെയ്യുന്ന സംസ്ഥാനങ്ങളിലൊന്നാണ്​ യോഗി ആദിത്യനാഥ്​ ഭരിക്കുന്ന ഉത്തർപ്രദേശ്​. അവിടെ നിന്ന് കഴിഞ്ഞ ദിവസം​ പൊലീസ്​ എഴംഗ സംഘ​ത്തെ കസ്​റ്റഡിയിലെടുത്തു. സംസ്ഥാനത്ത്​ ഏർപ്പെടുത്തിയ കർഫ്യൂ ലംഘിച്ചതിനല്ല, മൃതദേഹങ്ങളിൽ ബന്ധുക്കൾ ധരിപ്പിച്ച വസ്​ത്രങ്ങൾ ശ്​മശാനങ്ങളിൽ നിന്ന്​ കവർച്ച നടത്തുന്നതിനിടയിലാണ്​ ​ ബാഗ്​പതിൽ നിന്ന്​ ഏഴ്​ പേരെ പൊലീസ്​ അറസ്​റ്റ്​ ചെയ്​തത്​.

കോവിഡ്​ ബാധിച്ച്​ മരിച്ചവരുടെതടക്കമുള്ള വസ്​ത്രങ്ങളും​ ഇവർ ശ്​മശാനങ്ങളിൽ നിന്ന്​ കവർന്നതായി സംശയിക്കുന്നതായി പൊലീസ്​ പറഞ്ഞു. മരിച്ചവരെ പുതക്കാൻ ഉപയോഗിക്കുന്ന തുണികൾ, വസ്ത്രങ്ങൾ, സാരികൾ തുടങ്ങിയവയാണ്​ മോഷ്​ടിച്ചിരിക്കുന്നത്​.

ഇവരുടെ സ​ങ്കേതങ്ങളിൽ നടത്തിയ പരിശോധനയിൽ 520 ബെഡ്ഷീറ്റുകളും, 127 കുർത്തകളും, 52 വെള്ള സാരികളും, മറ്റ് വസ്ത്രങ്ങളും കണ്ടെത്തിയതായി സർക്കിൾ ഓഫീസർ അലോക് സിംഗ് മാധ്യമപ്രവർത്തകരോട് പറഞ്ഞു.

ശ്​മശാനത്തിൽ നിന്ന്​ കവരുന്ന വസ്​ത്രങ്ങൾ അലക്കി വീണ്ടും ഇസ്തിരിയിട്ട്​ ഗ്വാളിയാർ കമ്പനിയുടെ ലേബലിൽ വിൽക്കുകയാണ്​ പതിവ്​. പ്രദേശത്തെ ചില വസ്ത്ര വ്യാപാരികൾക്കും ഈ മോഷണത്തിൽ പങ്കുണ്ടെന്ന്​ പൊലീസ്​ പറഞ്ഞു. അറസ്​റ്റിലായ ഏഴു പേരിൽ മൂന്നുപേർ ഒരേ കുടുംബത്തിൽ നിന്നുള്ളവരാണ്.കഴിഞ്ഞ 10 വർഷമായി ഇവർ മോഷണം നടത്തുന്നതായി സമ്മതിച്ചതായി പൊലീസ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Uttar Pradesh
News Summary - seven Men Went Around UP Crematoriums To Steal Clothes From Bodies
Next Story