സഹകരണ സൊസൈറ്റി തെരഞ്ഞെടുപ്പിൽ ബി.ജെ.പി–കോണ്‍ഗ്രസ് മുന്നണി തോറ്റു

ത​ളി​പ്പ​റ​മ്പ്: ത​ളി​പ്പ​റ​മ്പ് ടെ​മ്പി​ള്‍ ക്രെ​ഡി​റ്റ് കോ-​ഓ​പ്​ സൊ​സൈ​റ്റി തെ​ര​ഞ്ഞെ​ടു​പ്പി​ല്‍ ബി.​ ജെ.​പി-​കോ​ണ്‍ഗ്ര​സ് മു​ന്ന​ണി​ക്ക് വൻതോൽവി. സി.പി.എം നേതൃത്വത്തിലുള്ള സ​ഹ​ക​ര​ണ ജ​നാ​ധി​പ​ത്യ സം​ര​ക്ഷ​ണ​സ ​മി​തി സ്ഥാ​നാ​ർ​ഥി​ക​ള്‍ വി​ജ​യിച്ചു. എ​ട്ടു​വ​ർ​ഷ​മാ​യി സൊ​സൈ​റ്റി ഭ​ര​ണ​സ​മി​തി​യം​ഗ​മാ​യ ആ​ന്തൂ​രിലെ കോ​ൺ​ഗ്ര​സ് നേ​താ​വും ദ​ലി​ത് കോ​ൺ​ഗ്ര​സ് ജി​ല്ല ഭാ​ര​വാ​ഹി​യു​മാ​യ​ ടി. ​പ​ത്മ​നാ​ഭ​നെ ഇത്തവണ കോൺഗ്രസ്​ ഒഴിവാക്കിയിരുന്നു. ഇദ്ദേഹത്തിന്​ പകരം സംവരണ സീറ്റിൽ ബി.​ജെ.​പി പ്ര​വ​ർ​ത്ത​ക​നാ​ണ് കോ​ൺ​ഗ്ര​സ് സ്ഥാ​നാ​ർ​ഥി​ത്വം ന​ൽ​കി​യ​ത്.

പൗ​ര​ത്വ​ഭേ​ദ​ഗ​തി നി​യ​മ​ത്തി​നെ​തി​രെ പ്ര​ക്ഷോ​ഭം ശ​ക്തി​പ്പെ​ട്ടു​വ​രു​ന്ന പ​ശ്ചാ​ത്ത​ല​ത്തി​ൽ ബി.​ജെ.​പി​യു​മാ​യി ഒ​രു​ത​ര​ത്തി​ലും ഐ​ക്യം പാ​ടി​ല്ലെ​ന്ന നി​ല​പാ​ട് സ്വീ​ക​രി​ച്ച് പ​ത്മ​നാ​ഭ​ൻ സ്വ​ത​ന്ത്ര​നാ​യി മ​ത്സ​രി​ക്കാ​ൻ തീ​രു​മാ​നി​ച്ചു. ഇ​തോ​ടെ സി.​പി.​എം നേതൃത്വം നൽകുന്ന സ​ഹ​ക​ര​ണ ജ​നാ​ധി​പ​ത്യ സം​ര​ക്ഷ​ണ സ​മി​തി പാ​ന​ലി​ൽ അ​ദ്ദേ​ഹ​ത്തെ ഉ​ൾ​പ്പെ​ടു​ത്തു​ക​യാ​യി​രു​ന്നു. സം​ര​ക്ഷ​ണ സ​മി​തി സ്ഥാ​നാ​ർ​ഥി​ക​ളാ​യ കെ.​സി. മ​ണി​ക​ണ്ഠ​ൻ നാ​യ​ർ, എം. ​ശ്രീ​ദേ​വി, പി. ​കൃ​ഷ്ണ​കു​മാ​രി, പി.​വി. ജാ​ന​കി, പി.​വി. നാ​രാ​യ​ണ മാ​രാ​ർ, ഇ.​വി. ഉ​ണ്ണി​കൃ​ഷ്ണ മാ​രാ​ർ എ​ന്നി​വ​രും വി​ജ​യി​ച്ചു. പി. ​മോ​ഹ​ന​ച​ന്ദ്ര​നെ പ്ര​സി​ഡ​ൻ​റാ​യും മ​ണി​ക​ണ്ഠ​ൻ നാ​യ​രെ വൈ​സ് പ്ര​സി​ഡ​ൻ​റാ​യും തെ​ര​ഞ്ഞെ​ടു​ത്തു.
വി​ജ​യി​ക​ൾ​ക്ക് സി.​പി.​എം ന​ൽ​കി​യ സ്വീ​ക​ര​ണ​ത്തി​ൽ മ​റ്റു​ള്ള​വ​രെ ചു​വ​പ്പും വെ​ളു​പ്പം ഷാ​ളു​ക​ൾ അ​ണി​യി​ച്ച​പ്പോ​ൾ പ​ത്മ​നാ​ഭ​നെ മൂ​വ​ർ​ണ ഖ​ദ​ർ ഷാ​ൾ അ​ണി​യി​ച്ചാ​യി​രു​ന്നു ആ​ഹ്ലാ​ദ പ്ര​ക​ട​നം ന​ട​ത്തി​യ​ത്. പ്ര​ക​ട​ന​ത്തി​ൽ സി.​പി.​എം ഏ​രി​യ സെ​ക​ട്ട​റി പി. ​മു​കു​ന്ദ​ൻ ഉ​ൾ​പ്പെ​ടെ പ​ങ്കെ​ടു​ത്തു.