സെ​ർ​വ​ർ ത​ക​രാ​ർ​: ഭൂമി രജിസ്​ട്രേഷൻ പ്രതിസന്ധിക്ക് പരിഹാരമായില്ല

തി​രു​വ​ന​ന്ത​പു​രം: സെ​ർ​വ​ർ ത​ക​രാ​ർ​മൂ​ലം ആ​ധാ​ര​ങ്ങ​ൾ ര​ജി​സ്റ്റ​ർ ചെ​യ്യാ​ൻ ക​ഴി​യാ​ത്ത പ്ര​തി​സ​ന്ധി​ക്ക്​ ആ​ഴ്​​ച​ക​ൾ ക​ഴി​ഞ്ഞി​ട്ടും പ​രി​ഹാ​ര​മാ​യി​ല്ല. സ​ബ് ര​ജി​സ്ട്രാ​ർ ഓ​ഫി​സു​ക​ളി​ല്‍ ഭൂ​മി കൈ​മാ​റ്റ ര​ജി​സ്ട്രേ​ഷ​ന്​ മു​ദ്ര​പ്പ​ത്ര​ത്തി​ല്‍ എ​ഴു​തി​യ​ശേ​ഷം അ​ത്​ ഓ​ണ്‍ലൈ​നി​ല്‍ അ​പ്​​ലോ​ഡ് ചെ​യ്യാ​നാകുന്നി​ല്ല.

വാ​ങ്ങു​ന്ന ഭൂ​മി​യി​ൽ ബാ​ധ്യ​ത​ക​ളു​ണ്ടോ​യെ​ന്ന്​ പ​രി​ശോ​ധി​ക്കാ​നും ബാ​ധ്യ​ത സ​ര്‍ട്ടി​ഫി​ക്ക​റ്റ്, സ​ര്‍ട്ടി​ഫൈ​ഡ് പ​ക​ര്‍പ്പ് എ​ന്നി​വ​ക്കാ​യി അ​പേ​ക്ഷി​ക്കാ​നും ക​ഴി​യാ​ത്ത സ്ഥി​തി. വ​കു​പ്പി​ന്‍റെ സെ​ര്‍വ​റി​ന്‍റെ ശേ​ഷി​കു​റ​ഞ്ഞ​താ​ണ്​ പ്ര​തി​സ​ന്ധി​ക്ക്​ കാ​ര​ണം. ഭൂ​മി​കൈ​മാ​റ്റം, ഇ-​ഗ​ഹാ​ന്‍ എ​ന്നി​വ​യു​ടെ ര​ജി​സ്ട്രേ​ഷ​ന്‍, ആ​ധാ​ര​ങ്ങ​ളു​ടെ പ​ക​ര്‍പ്പ്, ബാ​ധ്യ​ത സ​ര്‍ട്ടി​ഫി​ക്ക​റ്റ്, പ്ര​ത്യേ​ക വി​വാ​ഹ ര​ജി​സ്ട്രേ​ഷ​ന്‍ ഉ​ള്‍പ്പെ​ടെ എ​ല്ലാ സേ​വ​ന​ങ്ങ​ളും ഇ​ഴ​ഞ്ഞു​നീ​ങ്ങു​ക​യാ​ണ്.

പ​ണം കൈ​മാ​റി​യ​ശേ​ഷം ഭൂ​മി ര​ജി​സ്റ്റ​ര്‍ ചെ​യ്യാ​ന്‍ എ​ത്തു​ന്ന​വ​രും സ്വ​ത്ത് അ​ന​ന്ത​രാ​വ​കാ​ശി​ക​ള്‍ക്ക് കൈ​മാ​റ്റം ചെ​യ്യാ​ൻ എ​ത്തു​ന്ന​വ​രും മ​ണി​ക്കൂ​റു​ക​ൾ കാ​ത്തു​നി​ൽ​ക്കണാ. രാ​വി​ലെ ടോ​ക്ക​ൺ എ​ടു​ത്ത​വ​ർ​ക്ക്​ വൈ​കു​ന്നേ​രം പോ​ലും ന​ട​പ​ടി പൂ​ർ​ത്തി​യാ​ക്കാ​നാ​കു​ന്നി​ല്ല.

ഗ​ഹാ​ന്‍ സ​ബ് ര​ജി​സ്ട്രാ​ർ ഓ​ഫി​സു​ക​ളി​ല്‍ സ്വീ​ക​രി​ച്ച് ര​ജി​സ്ട്രേ​ഷ​ന്‍ പൂ​ര്‍ത്തി​യാ​ക്കി ന​ൽ​കു​ന്ന​താ​ണ് രീ​തി. ര​ജി​സ്റ്റ​റി​ങ് ഉ​ദ്യോ​ഗ​സ്ഥ​ന് ഡി​ജി​റ്റ​ല്‍ ഒ​പ്പ് ന​ല്‍കാ​ൻ ക​ഴി​യു​ന്നി​ല്ല. ഭൂ​മി​യു​ടെ ന്യാ​യ​വി​ല വ​ർ​ധി​പ്പി​ച്ച ബ​ജ​റ്റ് പ്ര​ഖ്യാ​പ​ന​ത്തി​ന്​ പി​ന്നാ​ലെ സം​സ്ഥാ​ന​ത്ത് ആ​ധാ​ര​ങ്ങ​ളു​ടെ കൈ​മാ​റ്റ ര​ജി​സ്ട്രേ​ഷ​ന്‍ വ​ർ​ധി​ച്ചിട്ടുണ്ട്..