രജിസ്ട്രേഷന്‍ വകുപ്പിലെ സെര്‍വര്‍ തകരാർ പണം തിരികെ കിട്ടാൻ നെട്ടോട്ടം

തി​രു​വ​ന​ന്ത​പു​രം: ആ​ധാ​ര​ം ര​ജി​സ്ട്രേ​ഷ​ന് സെ​ര്‍വ​ര്‍ ത​ക​രാ​ര്‍മൂ​ലം ഒ​ന്നി​ലേ​റെ ത​വ​ണ ഫീ​സ് ഒ​ടു​ക്കേ​ണ്ടി​വ​ന്ന​വ​രും ഫീ​സ് അ​ട​ച്ചി​ട്ടും സേ​വ​നം ല​ഭി​ക്കാ​ത്ത​വ​രും വ​കു​പ്പി​ന്‍റെ അ​ക്കൗ​ണ്ടി​ലെ​ത്തി​യ പ​ണം തി​രി​കെ കി​ട്ടാ​ൻ നെ​ട്ടോ​ട്ട​ത്തിൽ. ഇത്തരം അ​​പേ​ക്ഷ​ക​ളി​ല്‍ ന​ട​പ​ടി​യെ​ടു​ക്കാ​തെ വ​ട്ടം​ചു​റ്റി​ക്കു​ക​യാ​ണ് വ​കു​പ്പ്. വി​വി​ധ സേ​വ​ന​ങ്ങ​ള്‍ക്ക് 1000 രൂ​പ മു​ത​ല്‍ ല​ക്ഷ​ത്തി​ലേ​റെ രൂ​പ വ​രെ ഫീ​സ​ട​ച്ച​വ​രാ​ണ്​ വ​ല​യു​ന്ന​ത്.

ഭൂ​മി കൈ​മാ​റ്റം ര​ജി​സ്റ്റ​ര്‍ ചെ​യ്യാ​ന്‍ മു​ദ്ര​പ​ത്ര​ത്തി​ല്‍ ആ​ധാ​രം എ​ഴു​തി ഓ​ണ്‍ലൈ​നി​ല്‍ അ​പ്​​ലോ​ഡ് ചെ​യ്ത​ശേ​ഷം ര​ജി​സ്ട്രേ​ഷ​ന്‍ ഫീ​സ​ട​ച്ചാ​ണ് ഇ​ട​പാ​ടു​കാ​ര്‍ സ​ബ് ര​ജി​സ്ട്രാ​ർ ഓ​ഫി​സു​ക​ളി​ലെ​ത്തു​ന്ന​ത്. സെ​ര്‍വ​ര്‍ ത​ക​രാ​റി​ന്​ പു​റ​മെ ഉ​ദ്യോ​ഗ​സ്ഥ​ര്‍ ര​ജി​സ്ട്രേ​ഷ​ന്‍ നി​ഷേ​ധി​ക്കു​ക, നി​ശ്ചി​ത അ​വ​ധി​ക്ക്​ നാ​ട്ടി​ലെ​ത്തു​ന്ന പ്ര​വാ​സി​ക​ള്‍ ര​ജി​സ്ട്രേ​ഷ​ന്‍ ന​ട​ത്താ​നാ​കാ​തെ തി​രി​കെ​പോ​കു​ക, വ​സ്തു കൈ​മാ​റ്റം ചെ​യ്യു​ന്ന​വ​ര്‍ ത​മ്മി​ൽ അ​ഭി​പ്രാ​യ ഭി​ന്ന​ത​യു​ണ്ടാ​കു​ക തു​ട​ങ്ങി​യ കാ​ര​ണ​ങ്ങ​ളാ​ലാ​ണ്​ ര​ജി​സ്ട്രേ​ഷ​ന്‍ മു​ട​ങ്ങു​ന്ന​ത്.

ഇ​ക്കൂ​ട്ട​ർ ര​ജി​സ്ട്രേ​ഷ​ന്‍ വ​കു​പ്പി​ന്‍റെ അ​ക്കൗ​ണ്ടി​ലെ​ത്തി​യ പ​ണം തി​രി​കെ കി​ട്ടാ​ൻ 25 രൂ​പ ഫീ​സ​ട​ച്ച് അ​പേ​ക്ഷ ന​ല്‍കും. സ​ബ് ര​ജി​സ്ട്രാ​ർ ഓ​ഫി​സ്, ജി​ല്ല ര​ജി​സ്ട്രാ​ര്‍ ഓ​ഫി​സ്, ര​ജി​സ്ട്രേ​ഷ​ന്‍ വ​കു​പ്പ് ആ​സ്ഥാ​നം എ​ന്നി​വി​ട​ങ്ങ​ളി​ല്‍ പ​ല​ത​വ​ണ ക​യ​റി​യി​റ​ങ്ങി​യി​ട്ടും പ​ണം കി​ട്ടു​ന്നി​ല്ലെ​ന്നാ​ണ്​ ആ​ക്ഷേ​പം.