എം.ഡി.എം.എ വില്‍പന: നാട്ടുകാര്‍ പൊലീസില്‍ ഏല്‍പിച്ച യുവാക്കൾ റിമാൻഡിൽ

തേഞ്ഞിപ്പലം: എം.ഡി.എം.എ വില്‍പനക്കിടെ നാട്ടുകാര്‍ പിടികൂടി പൊലീസിലേല്‍പിച്ച രണ്ട് യുവാക്കളെ റിമാന്‍ഡ് ചെയ്തു.അറസ്റ്റ് രേഖപ്പെടുത്തിയ പെരുവള്ളൂര്‍ കരുവാങ്കല്ല് കോട്ടേപ്പാറ വീട്ടില്‍ അബ്ദുല്ലത്തീഫ് (34), പെരുവള്ളൂര്‍ ഉങ്ങുങ്ങല്‍ നെയ്യാന്‍ വീട്ടില്‍ ഇബ്രാഹിം (36) എന്നിവരെയാണ് പരപ്പനങ്ങാടി കോടതി റിമാന്‍ഡ് ചെയ്തത്.

തേഞ്ഞിപ്പലം നീരോല്‍പ്പലം ജങ്ഷനില്‍നിന്ന് വ്യാഴാഴ്ച പുലര്‍ച്ച രണ്ടോടെ രണ്ട് ഗ്രാം എം.ഡി.എം.എയുമായി നാട്ടുകാര്‍ യുവാക്കളെ പിടികൂടി പൊലീസില്‍ ഏല്‍പിക്കുകയായിരുന്നു. തേഞ്ഞിപ്പലം സി.ഐ ഒ.കെ. പ്രദീപിന്റെ നേതൃത്വത്തിലാണ് അറസ്റ്റ് രേഖപ്പെടുത്തി വ്യാഴാഴ്ച പരപ്പനങ്ങാടി കോടതിയില്‍ ഹാജരാക്കിയത്. ഇവര്‍ എം.ഡി.എം.എ വില്‍പന നടത്തുന്നവരും ഉപയോഗിക്കുന്നവരുമാണെന്ന് പൊലീസ് അറിയിച്ചു.