സ്വാശ്രയ മെഡിക്കൽ പ്രവേശനം; സാമുദായിക സീറ്റിലേക്ക്​ വീണ്ടും മതസംഘടനകളുടെ സർട്ടിഫിക്കറ്റ്​ രേഖ

തിരുവനന്തപുരം: കൊല്ലം അസീസിയ മെഡിക്കല്‍ കോളജിൽ സാമുദായിക സീറ്റുകളിൽ പ്രവേശനത്തിന്​ മതസംഘടനകളുടെ കത്ത് രേഖയായി സ്വീകരിക്കാൻ പ്രവേശന പരീക്ഷാ കമീഷണറുടെ ഉത്തരവ്​. ഇതുസംബന്ധിച്ച്​ നേരത്തേ ഇറക്കിയ ഉത്തരവ്​ വിവാദമായതിനെ തുടർന്ന്​ മുഖ്യമന്ത്രി പിണറായി വിജയൻ ഇടപെട്ട്​ പിൻവലിച്ചിരുന്നു. കോളജ്​ മാനേജ്​മ​െൻറ്​ സമർപ്പിച്ച ഹരജിയിൽ ഹൈകോടതി വിധി പ്രകാരമാണ്​ അസീസിയ കോളജിൽ മതസംഘടനകളുടെ കത്ത്​ രേഖയായി സ്വീകരിക്കാൻ തീരുമാനിച്ചതെന്നാണ്​ പ്രവേശന പരീക്ഷാ കമീഷണറും ആരോഗ്യവകുപ്പും വിശദീകരിക്കുന്നത്​.

അസീസിയ മെഡിക്കൽ കോളജിലെ 100 എം.ബി.ബി.എസ്​ സീറ്റുകളിൽ 35 എണ്ണമാണ്​ മുസ്​ലിം സാമുദായിക ​േക്വാട്ടയിൽ നികത്തുന്നത്​. ഇതിൽ 20 സീറ്റ്​ കേരളത്തിലെ മുസ്​ലിം ജമാഅത്ത്​ അംഗങ്ങളുടെ മക്കൾക്കും 15 സീറ്റ്​ സുന്നി വിഭാഗത്തിൽനിന്നുള്ളവരുടെ മക്കൾക്കുമാണ്​​. 20 സീറ്റിലേക്ക്​ കൊല്ലം കേരള ജമാഅത്ത്​ ഫെഡറേഷനും 15 സീറ്റിലേക്ക്​ കൊല്ലം കേരള സുന്നി ജമാഅത്ത്​ യൂനിയനുമാണ്​ രേഖ നൽകേണ്ടത്​. റവന്യൂ അധികാരികൾ നൽകുന്ന കമ്യൂണിറ്റി സർട്ടിഫിക്കറ്റിന്​ പുറമേയാണിത്​. 

ന്യൂനപക്ഷ വിഭാഗം നടത്തുന്ന മെഡിക്കൽ കോളജുകളിലെ ​സാമുദായിക സീറ്റുകളിൽ മുസ്​ലിം ഉപവിഭാഗം എന്ന പരിഗണനയിൽ മതസംഘടനകൾക്ക്​ സംവരണം ഒരുക്കിയത്​ ‘മാധ്യമം’ വാർത്തയെ തുടർന്ന്​ മുഖ്യമന്ത്രി ഇടപെട്ട്​ റദ്ദ്​ ചെയ്​തിരുന്നു. മെഡിക്കൽ പ്രവേശനത്തിന്​ മതസംഘടനകളിൽനിന്ന്​ കത്ത്​ നൽകാനുള്ള ഉത്തരവിലെ വ്യവസ്ഥയാണ്​ വിവാദമായിരുന്നത്​.  പുതുക്കിയ ഉത്തരവിറക്കിയപ്പോൾ ക്രിസ്​ത്യൻ, മുസ്​ലിം വിഭാഗങ്ങൾക്ക്​ സമുദായം തെളിയിക്കാൻ റവന്യൂ അധികാരികളുടെ സർട്ടിഫിക്കറ്റ്​ മാത്രം രേഖയാക്കാൻ തീരുമാനിച്ചു.

എന്നാൽ, ഇതിനെതിരെ ​ക്രിസ്​ത്യൻ മെഡിക്കൽ മാനേജ്​മ​െൻറ്​ ഫെഡ​േറഷൻ കോടതിയെ സമീപിച്ചു. ക്രിസ്​ത്യൻ വിഭാഗങ്ങൾക്ക്​ സമുദായം തെളിയിക്കാൻ സഭ അധികാരികളിൽനിന്നുള്ള രേഖ മതിയെന്ന്​ കോടതി നിർദേശിച്ചു. ഇതോടൊപ്പം കൊല്ലം അസീസിയ കോളജും ഹൈകോടതിയെ സമീപിക്കുകയായിരുന്നു. നേരത്തെ റദ്ദാക്കിയ ഉത്തരവിൽ കോഴിക്കോട്​ കെ.എം.സി.ടി, കണ്ണൂർ, ട്രാവൻകൂർ മെഡിക്കൽ കോളജുകളിലും വിവിധ മതസംഘടനകൾക്ക്​ സീറ്റ്​ സംവരണം നൽകിയിരുന്നു. പുതുക്കിയ ഉത്തരവിൽ ഇൗ കോളജുകളിൽ സമുദായം തെളിയിക്കാൻ റവന്യൂ അധികാരികളുടെ സർട്ടിഫിക്കറ്റ്​ മാത്രമാണ്​ രേഖ. 

അതേസമയം, ഹൈകോടതി വിധിയുടെ അടിസ്ഥാനത്തില്‍ ക്രിസ്ത്യന്‍ മാനേജ്‌മ​െൻറുകള്‍ക്ക് കീഴിലെ ആറ് മെഡിക്കല്‍/ഡ​െൻറല്‍കോളജുകളിലെ സാമുദായിക സംവരണത്തിന് സഭാധികാരികളുടെ കത്ത് മാത്രമാണ് ബാധകമാക്കിയത്. അമല, ജൂബിലി, മലങ്കര, പുഷ്പഗിരി, ബിലീവേഴ്‌സ് ചര്‍ച്ച് മെഡിക്കല്‍ കോളജുകള്‍ക്കും പുഷ്പഗിരി ഡ​െൻറല്‍ കോളജിനുമാണ് പുതിയ ഉത്തരവ് ബാധകം. സഭാ അംഗത്വം സംബന്ധിച്ച് റവന്യൂ അധികാരികള്‍ സര്‍ട്ടിഫിക്കറ്റ് നൽകുന്നത് പ്രായോഗികമല്ലെന്നും ചില കോളജുകള്‍ സഭക്കുള്ളിലെതന്നെ പ്രത്യേക രൂപതകളിലെ വിദ്യാര്‍ഥികള്‍ക്ക് മുന്‍ഗണന നൽകുന്നുണ്ടെന്നും മാനേജ്‌മ​െൻറുകള്‍ ചൂണ്ടിക്കാട്ടിയിരുന്നു. ഹൈകോടതി വിധിയുടെ പശ്ചാത്തലത്തിൽ രേഖകള്‍ സമര്‍പ്പിക്കാനുള്ള സമയം ബുധനാഴ്ച വൈകീട്ട് അഞ്ചുവരെ ദീര്‍ഘിപ്പിച്ചിരുന്നു.

അതേസമയം, പെരിന്തല്‍മണ്ണ എം.ഇ.എസ്, കാരക്കോണം സി.എസ്.ഐ മെഡിക്കല്‍ കോളജുകളില്‍ 35 ശമതമാനം മാനേജ്‌മ​െൻറ്​ സീറ്റുകളിലെ പ്രവേശനത്തിന് നാലുവര്‍ഷത്തെ ഫീസിന് ബാങ്ക് ഗാരൻറിയും 11 ലക്ഷത്തി​​െൻറ പലിശരഹിത നിക്ഷേപവും നൽകണമെന്ന വ്യവസ്ഥ ഒഴിവാക്കിയും പ്രവേശന പരീക്ഷാ കമീഷണര്‍ ഉത്തരവിറക്കിയിരുന്നു. ഹൈകോടതി വിധിയുടെ അടിസ്ഥാനത്തിലാണ് ഇതും. സര്‍ക്കാറുമായി കരാര്‍ ഒപ്പിട്ട ഈ രണ്ടുകോളജുകളിലെ എന്‍.ആര്‍.ഐ സീറ്റിലേക്ക്  ബാങ്ക് ഗാരൻറിയും പലിശരഹിത നിക്ഷേപവും നൽകണമെന്ന വ്യവസ്ഥ നിലനിര്‍ത്തിയിട്ടുണ്ട്.