Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വാശ്രയ മെഡിക്കൽ...

സ്വാശ്രയ മെഡിക്കൽ പ്രവേശനത്തിലെ അനിശ്ചിതത്വം: തിങ്കളാഴ്​ച ചർച്ച

text_fields
bookmark_border
സ്വാശ്രയ മെഡിക്കൽ പ്രവേശനത്തിലെ അനിശ്ചിതത്വം: തിങ്കളാഴ്​ച ചർച്ച
cancel

തിരുവനന്തപുരം: സ്വാശ്രയ മെഡിക്കൽ പ്രവേശനത്തിലെ അനിശ്ചിതത്വം നീക്കുന്നതിനായി തിങ്കളാഴ്​ച മാനേജ്​മ​െൻറും സർ ക്കാറുമായി ചർച്ച നടക്കും. ജൂലൈ മൂന്നിന്​ നടത്താനിരുന്ന ചർച്ചയാണ്​ തിങ്കളാഴ്​ച തിരുവനന്തപുരത്ത്​ നടക്കുന്നത ്​. മാനേജുമ​െൻറുകൾ കോടതിയെ സമീപിക്കാൻ തീരുമാനിച്ചതിനാലാണ്​ ചർച്ച നേരത്തെ നടത്തുന്നത്​.

ഫീസ്​ പുതുക്കി ന ിശ്​ചയിക്കാൻ ​ൈവകിയതാണ്​ ഇത്തവണ​െത്ത ​പ്രവേശനം പ്രതിസന്ധിയിലാക്കിയത്​. ഫീസ്​ നിർണയിക്കാതെ സർക്കാർ സ്വാശ്രയ മെഡിക്കൽ പ്രവേശന നടപടികൾ ആരംഭിക്കുന്നതിനെതിരെയാണ്​ സ്വകാര്യ മെഡിക്കൽ കോളജ്​ മാനേജ്​മ​െൻറ്​ അസോസിയേഷനും ക്രിസ്​ത്യൻ പ്രഫഷണൽ കോളജ്​ മാനേജ്​മ​െൻറ്​ ഫെഡറേഷനും കോടതിയെ സമീപിക്കുന്നത്​​.

കഴിഞ്ഞ തവണ ​െചയ്​തതുപോലെ ബോണ്ട്​ വാങ്ങി പ്രവേശനം നൽകാനാണ്​ സർക്കാർ തീരുമാനം​​. എം.ബി.ബി.എസ്​ പ്രവേശനത്തിനായി സർക്കാർ നിയമസഭയിൽ മെഡിക്കൽ ബിൽ അവതരിപ്പിക്കുകയും അത്​ നിയമമാക്കുകയും ചെയ്​തിരുന്നു. ഹൈകോടതി നിർദേശമനുസരിച്ച്​ ഫീസ്​ നിർണയ സമിതിയും മേൽനോട്ട സമിതിയും രൂപീകരിച്ച്​ അംഗങ്ങളെ നിജപ്പെടുത്തി. എന്നാൽ ഫീസ്​ നിശ്ചയിക്കുകയെന്ന കടമ്പ മറി കടക്കാൻ സർക്കാറിനായില്ല. ബോണ്ട്​ വാങ്ങി പ്രവേശനം നൽകുന്നതിനോട്​ മെഡിക്കൽ മാനേജ്​മ​െൻറുകൾ സഹകരിക്കുന്നില്ല​.

​െമഡിക്കൽ മാനേജുമ​െൻറുകളുമായി ചർച്ചയിലൂടെ ഒത്തുതീർപ്പിലെത്താനും നിലവിലെ പ്രതിസന്ധി മറി കടക്കാനുമാണ്​ സർക്കാർ ശ്രമിക്കുന്നത്​. അതേസമയം ഫീസ്​ വർധിപ്പിക്കുകയെന്ന ആവശ്യത്തിൽ വിട്ടുവീഴ്​ച ചെയ്യേണ്ടതില്ലെന്ന നിലപാടിലാണ്​ മാനേജ്​മ​െൻറ്​. ഡീംഡ്​ സർവകലാശാലകൾ വാങ്ങുന്ന ഉയർന്ന ഫീസ്​ വാങ്ങാൻ തങ്ങൾക്കും അവകാശമുണ്ടെന്നും അത്​ കോടതി അംഗീകരിച്ചതാണെന്നുമുള്ള വാദം മാനേജ്​മ​െൻറ്​ സർക്കാറിന്​ മുന്നിൽ ഉന്നയിക്കാനാണ്​ സാധ്യത.

Show Full Article
TAGS:Self finance Medical Entrance medical management fees issue kerala news malayalam news 
News Summary - self finance medical entrance; fees issue discussion on monday -kerala news
Next Story